[frame="2 80"][poem font="Simplified Arabic,5,,normal,normal" bkcolor="transparent" bkimage="" border="none,4," type=3 line=1 align=center use=ex num="0,black"]
عن ازيارتك يا حسين ما قدروا يمنعونه نوصل لك وذر مولاي لو رادوا يفجرونه
**
نتقطع وذر مولاي و عنك أبد ما نبره و لو طاحت وذرنه اتقوم وذرة اتحشم ابوذره
ما ظلت مسافه انروح و لازم نوصل الحضره مثل هذا العشق يا حسين يا عاشق حمل جمره
حبنه ويه الحسين اجنون و الما يجن منعذره
ما نرتد يبو الأحرار بينه اشما سوت الأشرار
وحق حيدر علي الكرار
لو عادتنه كل الناس عنك ما يغيرونه
**
متوهم القال انخاف و انرد ما نزور احسين قلنه انزور أبو الأحرار جلمه و ما تصير اثنين
ممشه و زحف نتعنه لك لو تعجز الرجلين قالوا موت درب احسين وين الموت ننشد وين
توطنه اعله كل شي ايصير ذبح لو حرق لو تفجير
و حبك ما اله تغير
يا نبض القلب يا حسين لجلك خل يذبحونه
**
اليحب اشما يسوي اتقول الوادم حق له معذور و احنه احسين حبيناه شيضر لو نقدم نحور
و شيضر لو ترسنه القاع لجل حب الحسين اقبور لو كل شبر بيها ألغام بس ننقل جدمنه ايثور
نجي لزيارتك يا حسين لازم نوصلك و انزور
مو حب عاطفي يا حسين حبك صار أصل الدين[/poem][/frame]