نذر لهل البيت
عرفتك بالشدد نغار يا نغار وفي والغـدر ما جاسك
عمر وياك خلصته واعرف زين نوماسك
يمن ما يوم للانذال شفتك هبطت راسك
لا غرك طمع لاخوف ولا صوت اللواكَـه الخالط انفاسك
يا رمز العلم والخير يفيض العلم من ساسك
يبو احساس الرهيف اليوم طـكَ على الناس بحساسك
اجيتك وانت ابو النوماس
امشي عليك نوماسك
اعرفك وفي بالكلفات ابد ما خيبت ناسك
اجيتك يا قلم هاليوم اجيت بكلفتي لدارك
وفي معروفه وكَـفاتك
اكَـلك لا تفشلني بـكَـت يمعود وذاتك
اخاف الوادم اتـكَـلي كَـضت يفلان جـيلاتك
كَـوم اتحزم الـجـلمات واركَـص فوكَ ورقاتك
كَـوم اسجد فخر لبو الزهرة وطـرز بالوفه هاليوم ﭽـلماتك
هذا ابو الزجـيه الطاهره اتعرفه
كَـوم اطبع طبع بخدوده بوساتك
كَـوم ومثل ابو حسين اكتب بالدمه وي محمد
بيعاتك
د كَـوم وخلي شفاتي ارسمهن بوجناتك
اعرفـنك وفي ماتنسه جـف الشالك من سنين
وهذا يا قلم حـالك
وكَـلك هـذا خطك صار وبـالك تعـتذر بالك
نذرتك نذر لهل البيت
كل جـلمه التخطهه اتصيح هنيالك
تحياتي لكم
ضايج من الغربة