تويت
السلام عليكم ورحمة الله وبركاته
نعيش في هذه الدنيا تحت مشاغل وضغوط الحياة .. وتلك المؤثرات سعيدة كانت أو حزينة
وتمر الأيام تتلو الأيام ويكبر الصغار ويشتد عودهم
وأخيرا .. يبدأ البحث عن الزوجة المناسبة !!
لنتأمل هذا الحدث معاً :
محادثة هاتفية بين أم محمد وأم ساره .. وبعد السؤال عن الحال والأحوال .. كان هذا الحديث :
أم محمد :يا أم ساره والله انكم عيلة طيبة وحبيبة ومابلقى لمحمد عروسة أحسن من ساره
أم ساره :الله يجزاك خير والله كلك ذوق
أم محمد :وترا ولدي مهندس ماعليه والكل يمدحه بالشغل
أم ساره :ماشاء الله .. الله يحفظه يارب ..
أم محمد :وتعرفينه زين وجمال وطول وكل بنت تتمناه
أم ساره : لا مايحتاج ولدك ماخذ الزين منك الله يخليه لكم
أم محمد :وتراه طيب وحنون وخدوم بشكل ماتتصورين
أم ساره :ماشاء الله عليه الله يحفظه
أم محمد :ويحب السفر والتمشي والمطاعم
أم ساره :اييه طيب يا أم محمد بعد كل هالمدح بعد وش يبي الواحد .. بس باسألك سؤال !
أم محمد :اسألي وماعليك ماشاء الله ولدي مب كامل بس كل مواصفات الزين فيه ..
أم ساره :محمد يصلي ؟؟؟
أم محمد :هاه !! والله ولدي مب كافر !
أم ساره :وأحد اتكلم عن الكفر الله يهديك .. أنا أسألك بس يصلي ؟؟
أم محمد :هو فيه مسلم ما يصلي !! الله يهديك بس أكيد يصلي
أم ساره :تشوفينه إنتي يصلي ويروح المسجد ؟؟
أم محمد :لا هو مايروح المسجد .. بس بالبيت .... ... ؟
أم ساره :هاه ايش ؟ بالبيت يصلي يعني ؟
أم محمد :والله يا أم ساره هالسؤال الي ماحسبتله حساب
ومابي أكذب عليك .. والله أنا عن نفسي ما أشوفه يصلي !!
:: إنتهى ::
تعليق