إعـــــــلان

**kuwaitiya** · 29-05-2007, 06:52 PM

آسفة لأني ماجاوبت على كل الأسئلة لكن ألحين بجاوب

شنو المكان اللي تحبي اروحي له وانتي متضايقه ؟؟ وايش تسوي ؟؟
أحب أروح البحر وأمشي هناك بروحي وأفكر بكل شي.

شنو هوايتك؟
القراءة والمشي.

شنو الاكله المفضلة عندك ؟
زبيدي وورق عنب طبعا لازم يكون من إيد أمي

تحب الاطفال ؟ وشنو اهما بالنسبة لك ؟
مو بس أحبهم إلا أموووت فيهم وهم حياتي كلها

منو اكثر عضو ترتاح بالكلام معاه ؟
الصراحة آنا أرتاح بالسوالف مع ولد خالتيkuwaittyلأني أحس إن إهوه أكثر الناس يفهمني وقريب مني حيييييل

**@Bo Hus11sain@** · 03-06-2007, 04:32 PM

؟؟؟؟؟؟؟؟؟؟؟؟؟

**قدوتي الزهراء (ع)** · 03-06-2007, 09:38 PM

اسألتي ,,

متى تنتهي مدة الشخص على الكرسي؟

كم مره طحتي في مواقف محرجه وماقدرتي تطلعين منها إلا بالغصب ؟

منو يساعدج في شغل البيت ؟ .. اشك انج تشتغلين خخ

من تكرهين بالمنتدى ؟

حقيبة اسرارج لمن تودعينها ؟

ازعجتج صح ؟

هل تقبلين اعتذاري لما بدر مني ؟

كم مره تروحين البحر في اليوم ؟

زرتي البحرين ؟ وناويه تزورينها مره ثانيه ؟

اذا زرتيها تراني عازمتج في بيتنا .. بتقبلين ؟

اخخخ تعبت

تحياتي

**kuwaitiya** · 04-06-2007, 07:08 PM

متى تنتهي مدة الشخص على الكرسي؟
متى ماتعبتوا من كثر ماتسئلوني تنتهي الأسئله ههههههههههههههه

كم مره طحتي في مواقف محرجه وماقدرتي تطلعين منها إلا بالغصب ؟
أذكر مرة وحدة عاد مادري اذا في قبل ولا لأ

منو يساعدج في شغل البيت ؟ .. اشك انج تشتغلين خخ
ههههههههههههه حلوة هذي زهراء>>>ما أشتغل إلا لي أمي إغصبتني أسوي شغله

من تكرهين بالمنتدى ؟
لووووووووووووول>>>>ما اكره بس لما يكون الموقف توا صاير أحس إني أكرة الشخص بس أنسى بعدها بدقايق على طوووول

حقيبة اسرارج لمن تودعينها ؟
حق العضو kuwaitty

ازعجتج صح ؟
إي هههههههههههههههه >>>> لا عادي أتغشمر

هل تقبلين اعتذاري لما بدر مني ؟
إي وليش ما أقبلة!!!!!!

كم مره تروحين البحر في اليوم ؟
ولا مرة والله أتمنى أروح البحر عاد تصدقين >>> شرايج تروحين معاي

زرتي البحرين ؟ وناويه تزورينها مره ثانيه ؟
إي وااااااااايد رحت حق رفيجاتي >>> جان زين ويمكن أكون بالبحرين تاريخ 7-7-2007 حق عرس رفيجتي وأعتبرها بعد إختي

اذا زرتيها تراني عازمتج في بيتنا .. بتقبلين ؟
وي أبركها من ساعة أقول حق أهلي يودوني بيت أهل زهراء الزهور

اخخخ تعبت >>>>>>>>>>>>>إي وااااااااااااايد مرة ثانية ههههههههههههههه أتغشمر

**قدوتي الزهراء (ع)** · 05-06-2007, 12:11 PM

هههههههه ضحكتني اجاباتج

يوووو عيل بشوش امج عليج وبخليها تخليج كل يوم تطبخين .. ترى نويتي على روحج اروح معاج البحر مابترجعين الا انتي مبلله .. اي اي تعالي .. بسوي زفه عشانج

انزين جيت بحط اسئله وغيرت رايي لاني سألت خخخ

تحياتي

**kuwaitiya** · 09-06-2007, 07:19 PM

إنشالله ليش لأ عااااد ونااااسة

**سعد_زيني** · 09-06-2007, 10:16 PM

س1/هل تؤيدين فكرة اقامة علاقة بين الشاب والفتاة؟
س2/برايك الحب قبل الزواج ام بعده؟
س3/معظم الزواج يتم في مجتمعاتنا ان يختار الاهل الزوجه او الزوج.ما هو تقيمك للموضوع؟
س4/هل تؤيدين فكرة الزواج بين الجنسيات المختلفه؟
س5/ايهما له اولوية برايك المذهب؟ام القومية؟
س6/ايهما تفضلين ؟اللون الاحمر؟ ام الاخضر؟

تحياتي سعدزيني

**kuwaitiya** · 13-06-2007, 05:37 PM

س1/هل تؤيدين فكرة اقامة علاقة بين الشاب والفتاة؟
مو دايما لأن ساعات تصيب بالزواج وساعات تخييب

س2/برايك الحب قبل الزواج ام بعده؟
قبل الزواج وبعده ، فاذا كان الشخص يعرف الثاني فالحب يكون قبل وبعد أما اذا كان لا يعرف الآخر فالحب بعد الزواج

س3/معظم الزواج يتم في مجتمعاتنا ان يختار الاهل الزوجه او الزوج.ما هو تقيمك للموضوع؟
بالنسبة لي افضل ان يختار الشخص لنفسه اذا كان عاقلا فاهما لمصلحته ، أما اذا كان لا يخالط الناس فاختيار الأهل سيكون الأحسن بالنسبه له.

س4/هل تؤيدين فكرة الزواج بين الجنسيات المختلفه؟
طبعا لا وألف لا

س5/ايهما له اولوية برايك المذهب؟ام القومية؟
المذهب.

س6/ايهما تفضلين ؟اللون الاحمر؟ ام الاخضر؟
طبعا الأحمر الأحلى

**زهرة الرمان** · 28-06-2007, 10:44 PM

ألحين من؟

**HuDaNy** · 17-07-2007, 01:17 AM

انا بعد بعرف منو على كرسي الإعتراف الحين؟؟

**عاشقة اهل العترة** · 17-07-2007, 07:23 AM

اي انا ابي اصير على كرسي الاعتراف في خاطري اهىء اهىء

لا تكسرون بخاطري

**قدوتي الزهراء (ع)** · 17-07-2007, 08:04 PM

ههههههههه وافقوا لاتصير مكسورة الخاطر 2 ..

اني وافقت ..

تحياتي

**نملة** · 17-07-2007, 09:48 PM

أوافق أوافق..

وداني مجهزة لها أسئلة اشقد..

..

أني أصلا ما عندي صمغ حق خاطرها .. حرام ينكسر .. شلون نركبه خخ

**HuDaNy** · 17-07-2007, 11:18 PM

انا موااااااااااافقة ...

اخيييييييه حرام تكسر الخاطر...

وافقوووا..

**قدوتي الزهراء (ع)** · 18-07-2007, 11:13 AM

هههههههه

اوكوك

اسألتي ,,

بشنو نلقبج ؟

كم عمرج ؟ نياهاها

شنو اسمج ؟ وهذي النياهاهاها الثانيه ههههههههه

كم صديقه عندج ايميلها من المنتدى؟

اذكري موقف حزين ومو قف فرح ,,

والباقي في الطريق

تحياتي

	المواضيع		إحصائيات	آخر مشاركة
	لقد كرمنا بني آدم بواسطة ibrahim aly awaly أنشئ بواسطة ibrahim aly awaly, يوم أمس, 09:44 PM		استجابة 1 9 مشاهدات 0 معجبون	آخر مشاركة بواسطة ibrahim aly awaly يوم أمس, 09:48 PM
	اثرة العترة في بقاء الاسلام بواسطة ibrahim aly awaly أنشئ بواسطة ibrahim aly awaly, يوم أمس, 07:21 AM		ردود 2 12 مشاهدات 0 معجبون	آخر مشاركة بواسطة ibrahim aly awaly يوم أمس, 07:23 AM

إعـــــــلان

للاشتراك في (قناة العلم والإيمان): واتساب - يوتيوب

لعبه كـــرســي الاعــتراف برعاية حيدر دشتي

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين