للشاعر / أبو مصطفـــــــــــى
ــــــــــــــــ
المستهل
ـــ

يانهر إخجل چي ماجيت *** يم عباس إنته وذليــت
حط چفه بمايك وتعالـــــه
وراواك اليرحم چتالــــــه
لهــــــل الجـــــــود إنتـــه وشحيــــــت
يانهــــر إخجـل چي ماجيـــــــــــــــــت
ـــــــــــــــــــــ
عباس يگصدك متعنـــــــــــي *** وشايل جوده يريد المـــــأي
ومنعوك إعل أطفال العتــره *** حفنة ناس إمضيعه الـــراي
مامر إبالــــــــــــك تــــــــــــــــــــــلام
چـي ماوفيــــــت الأكــــــــــــــــــــرام
ياريتـــــــــك بيهــــــــــــــــــا وجفيـــــــــــــــــــــــت
يانهـــــــر إخجــــــــــــــــل چي ماجيــــــــــــــــــت
ــــــــــــــــــــــــــــ
يانهــــر ولو جينا إنعاتـــــــب *** راح إتجيب العذر منيــــــــن
إسمعت الآه وشفـت الدمعه *** ويم جرحك طاحن چفيــــــــن
الجالك صـــــــــــــــــــار بياحــال
والضلت ترجـــــــاه أطفــــــــال
يــادم بحضنــــــــــــــــك ضميــــــــــــــــــــــــت
ـــــــــــــــــــــــــــــ

شـــــــــــربت منك أرذل وادم *** والرادو يخفــــــــون الديـــــــــــن
وظليت بجاريـــــك تزهـــــــي *** ومابديت إعيــــــال حســــــــــين
لوجازيته إنته العباس ــــــــــ چاظل ذكرك فوك الراس
لاچنـــــك عاجــــــــــز ظليـــــــــــــت
يانهــــر إخجـــــل چي ماجيــــــــــــت

ــــــــــــــــــــــــــــــــ

يانهر وظليــــت بخوفـــــــــك *** چنك من يبخــــــل مجبــــــــــــور
لنك تدري بهـــــاي الــــــوادم *** شما تقســــي عليهــــم معـــــــذور
عباس إتعناك إنسان ــــــــــ يسأل خافنك عطشـــــــان
ومن مدلك چفــــــه إشمديــــــــــــــــت
يانهر إخجـــــل چي ماجيــــــــــــــــت

ــــــــــــــــــــــــــــــــ

يانهر وشفـــــت إنته الخــــــوه *** من أعلن يمــــك عبــــــــــــــاس
بعد حســـين الدنيـــه إشتســـوه *** وراد إيهيج بيك إحســـــــــــــاس
هنيالك لوذاك اليــــوم ـــــــــ صرت ويحسين إعل الكوم
بـــــس بخذلانـــــــك ظليــــــــــــــــت
يانهـــــــر إخجــل چي ماجيــــــــــــت

ـــــــــــــــــــــــــــــــ

يانهر إسنين إشگد مـــــــــرت *** ولاظلك جاري ولا إجـــــروف
بس عباس وذكره الباقـــــــــي *** وحالك حال الناس إتشـــــــــوف
الباري أوضحلك مقياسه ـــــــــ وأخضع جاريك يم راسـه
وحتى إبهاي إنطالك صيـــــــــــــــــت
يانهر إخجل چـي ماجيــــــــــــــــــــت

ـــــــــــــــــــــــــــــــ

ياعباس وإنسه جروحـــــــــك *** صرت إنته لدنيانه إشمـــــــــوع
وماظنك عطشان لهســـــــــــه *** ورويناك بحب ودمــــــــــــــوع
ندري بگلبك رحمه ورأفه ـــــــــ حتى إعل النهر الماوفــه
وحضنته بگبـــــــــرك واويــــــــــــــت
يانهــــــــر إخجــــــــل چي ماجيـــــــت
ــــــــــــــــــــــــــــــــــــــ



أسألكم الدعاء