يرجى نشر هذا ألأيميل بين الزوجات لأنهم سيمرون بمرحلة حرجة أبتدائا
من ألتاسع من حزيران ولمدة شهر حيث تجري فعاليات كاس ألعالم ومنعا لهجمان البيوت وتفاديا للمشاكل والأشكالات فقمنا بدراسات لمصادر التاريخ الحديث والعائلات السعيدة نستخلص(سبحان الله)قواعد اساسية ونصائح يجب ان تاخذها الزوجة لا بالعين ليمنى ولا اليسرى بل بعين الجدية....أحد عشر نقطة سأطرحها امامكم الان:

1- ألقاعدة الاولى والذهبيةهي(تسقط كل ألبرامج امام كأس ألعالم)يعني حتى لوكانت لعبة كوستاريكا والأكوادور وعلى ألشرقية طالع كرايبكم أللي حيفوز بقرص صاية وصرماية...هم تبقى ألافضلية لكاس ألعالم
2- يسمح ألمرور أمام ألتلفزيون مادام كان وضعك زاحفا(وأنتي ألممنونة)
3- تضبط المواعيد على وقت المباراة فسواء كنتِ من جماعة نطلع ورة الصلاة ونجي ورة الصلاة او من جماعة نطلع ورة ستار اكاديمي ونجي ورة ستار أكاديمي فعليك في ألحالتين أن تغيري مفاهيمك فتضبطي ألمواعيد كالتالي:
(قبل اللعبة وورةاللعبة)

4- من هسة خلي أفهمكم أنه المباراة 90 دقيقة وكل شوط 45 دقيقةفرجاءا
وتحاشيا للصدامات لاغير تجنبوا سؤال بعد شكد يخلص ألشوط وبعد شكد تخلص أللعبة....هية كلهة 90 دقيقة يعني ساعة ونص ...سهلة ومثل من يكولون جماعتنا بالطبية (مينرادلهة روحة للدايسكتر)
5- من هسة اعرفي فريق زوجك منو علمود تستغلين جملة يللا بمناسبة الفوز عشينا من برة

6- لا بيكام حلو ولاكاسياس يخبل.....ترة واصلة للخشوم

7- أياك وارتداء ألوان الفريق ألمنافس لفريق زوجك وخصوصا اذا كان فريق
زوجك خسران....مثلا أذا فريق زوجك خسران وية البرازيل فلتلبسين اصفر(شنو قابل انتي تويتي؟) أو اذا خسران وية هولندا فلتلبسين برتقالي(يعني ألة تطلعين البرتقالة؟هية بس هالكم يوم صيري بيتنجانة)وعلى هالرنة

8- جبناهة على الرنة.....أنتبهوا زين تقفل ألموبايلات أثناء وقت
المباراة(أني >كتلكم بعد معلية)
9- أستغلي ألاجواء واستفادي جم فلس الك وللجهال بتطبيق مبدأ
ألمراهنات...فراهني على البرازيل وخطيتج برقبةأبو جواو(رونالدينهو)

10- ألتخلي عن عادة وضع صفحات الرياضة تحت الطعام لأن احتمال الرجال يشوف فد خبر مو زين وينكلب ألعشا عبالك ثالث مال فاتحة
11- واخيرا توصية الجهال بأن بهالشهر مال كاس ألعالم ياهو اللي تزورج
يكلولهة نايمة لو طالعة لان اخاف ام سمير وام جواد يجلبون وتلحكهم أم انس هم توغف على ألواهس وهمة وديطلعون منا تجيج ام نور منا والرجال جوة ديشلع كاشي ويدك بالجهال لأن طارت اللعبة.
وصدك من كال كاس ألعالم نقمة مو نعمة وهجمان بيت.....متشوفون ميصير
براسنا خير
من ورة كاس ألعالم ...
باوعوا امريكا شلونهم ولوين وصلوا لأن ميشوفون كأس ألعالم....يشوفون Nba