السلام عليكم ورحمة الله وبركاته



صبر العقيلة حسين اللامي
جبل من الصبر يا زينب الحوراء
وشوصف موقفج مولاتي بارض الطف
ما شايف مرة مثلج وحــــق الله
ظلت واكَفة وبصـــــــــفهه راس وجف
ويا ام المصايب انتي والاحزان
يم اسمج اتيه وارتبــــــــــــك وارجف
اطير الورقة مني وتلطم اعلة الكاع
واحسن من اكتبج دمــــــــــعة بالاحف
وذو الفقار انتي بمجلس ابن زياد
لا كلبج رجف لا رمش عينج رف
كل كلمة الج صفعة بوجوه الجور
ويمج راس اخوج البطشت ينزف
ويا صبر العقيلة الابد ما ينقاس
التفت بالصبر والصبر بيهه التف
وكون ومن ازورج مو مثل هالناس
لحضرتج اعتني من كربلاء ازحف