تويت
بسم الله الرحمن الرحيم
حمود كان معنا اثناء الثورة الشعبانية في البصرة وكان ذي بئس شديد وكانوا الاستخبارات تعاني منه الكثير وكان يجابهم بكل قوة .. وبعد ان حاصروا البصرة وضعوله مخدر في الشاي وقبضوا عليه وعند الاعدام طلبوا منه الاعتذار عما فعله في الانتفاضة فقال هيهات.. اعدم يوم 23/6/1992
لمرور 14 عام على استشهاده كتبت هذه الخاطرة
بعقالك تلتف شوارب زلم
وانت للكلفات يا حمود متحزم
ماهمتك ياذيب أبد هوساتهم
جنت كبل الليل بغيضك امظلم
تكتب بأول كمر طاح الظلم
وتفرش لوفادك صواني وتتوزم
ياحمود اشكثر شربت السم فوك السم
وهامتك عالية تناطح بعلوها النجم
يازين الماعرف كسرة ظهر جه لنك شهم
انت التصرخ بوجه العدو ويرد لهله منهزم
لجن وسفة يحمود الكاع مثلك تلم
وانت للموت خوفته، وابد للموت ماتهم
ضاعت عناوين الناس وكتموا عالموتك كتم
وظل الرعيع يسرفن اردانه ويطبع عاليده وشم
ظنته تهابه الوادم وينحسب على الزلم
افه ياديرتي السمرة ياام الطيب والتمرات
شلون الج عين وتلفين ابكاعج ابو الكلفات
هذا حمود ابو الهمة والعزم والصولات
هذا الما بجت حرة بصايته ولاشافن الويلات
شكثر كالوا عنه لجن حمود ماتلمه الوصفات
هلهلي ياكاعنه ، وهلي ياام الطيب الدمعات
حط زردومه على المنحر وصاح يعراگ هيهات 1
احنه اولاد الحسين هيهات منه الذلة هيهات
1/ يعراگ..اي ياعراق
تحياتي
تعليق