هذا دعاء طفله برئيه من ربوع حبيبي العراق

(وتفرغ الصغيــرة من الصـــلاة)

(ثم تــرفع كفيــها للــدعــاء)



ربنـــا .. أنــي هســا صــرت أعــرف أصَّـــلي، واليــوم أول مــرة أصليلــك لأنـ انـي هوايه أحبــك. الهي، أمي هــوايه تحبك بعــد، وأبــوي كل يوم يحجي لي عنك ويقــول ما إلنــا غيــرك. ربي: انت بعد تحبنا مثل ما احنا نحبك؟؟؟



ربي .. دخيــلك إذا تحبنــي لا تخلي يصيروياي مثل مــا صــار بإيمــان حجو. أنــي شفتــها على التلفــزيون. كان بطنــها ممــزوك وما كانت تحجــي. أمي تقول راح يصــير فينــا مثل فلسطــين جريب. أنــي مــا اريد يصــير ويانا هيــج. ربنــا .. احنــا شنو سوينــا بأمريكــا حتى تسوي بينا هيج؟ أني خـايفـة ربي، مـااريد أمـوت. ربي .. أريــد أكبــر وأصــير طبيــبة.



ربي لا تخليــهم يســون بينــا شي. أمــي تكـول همه ما يصلولك، بس احنـا نصلــيلك قسماً بالله. الهي .. الأمريــكان موتوا أخويه خــالد، أنــي ما ودي يموتــونــي مثلــه. هو أصـلاً ما سوالهم شـي. أنــي مــا شفتــه.هو مــات من زمــان. بــس أمــي حجتــلي عنــه وكـالت انه جان بطل حقيقي دافع عن هذا الوطن.


أنــي يـا ربي مـا أريــد أنــام، أخــاف يجــون باجر ويضــربون بيتــنـا. أنــي راح أظـل صــاحيةحتى إذا اجو، أصَّــحي أمــي وأبــوي ونــروحنختل ابيــت مــريم. بيتــهم شكد جبير. ربــي.. أعطيــني بيــت مثــله لمــا أكبـــر. وبعــد ربنــا أعطيـنـا أكــل هوايه حتى ما يجي يوم مثل أمــس ونروح نــاخذ أكل من بيــت ســارة. هــي كل يوم تقـول ما راح ننطيكم بعد مرة. أنــي ما ودي أصادقهــا لما تقول هيج. أنــي مـا أحبــهـا. لا، لا .. مو اهي. أنـي مــا أحب الأمريكــان لأنهم يذبحونـنـا ويذبحـون الأطفـال كل مكـان.


الهم احفظ العــــــــــــــراق واهله ورد كيد الظالمين انك على كل شي قدير
آمين...يارب العالمين

الرجاء التعليق بحجم مأساة هذه الطفلة