تويت
بسم الله الرحمن الرحيم
السلام عليكم ورحمة الله وبركاته
للزهره وبمناسبه الولاده ؟نقول
للزهره وفرحتها
حيو الزهره بهاي الذكره
من تفرح نفرح وياهه فرحتنهه ولازم نحياهه
الفرحه الكبرى
لازم نفرح احنه اليـــــوم
ونزيل من الروح اهموم
ونهتف والامال تحـــــوم
فرحتنه يارب اتــــــدوم
وانزف للزهره البشـــــره
انريد الشيعي اللي هنانه
يفرح خل يكوم ويانـــــه
ونفرح وي حماي احمانه
من ماي الكوثر روانـــــه
وبوقفتنه انريد انســــــره
احنه النحضر مجتمعيـــــن
يجمعنه المبدا والــــــــدين
بحب الزهره وحب احسين
وبحب طه والسبطيـــــــــن
والبيت الاشرف والعتــــــره
نفرح ونردد ونكـــــــــول
هالذكرى انعيد بكل حول
واعله المحتل بيهه انصول
لاعرض خطوط ولا طول
ومن ابلادي انطلع الكفـــــره
لازم تطلع كل اوغــــاد
من الموصل ومن بغداد
اهل الشيمه والامجــــاد
بالصبر نحرر وعنـــاد
ميسان وذي قار وبصــــــره
نهتف نهتف متحديـــن
لاامريكي ارهابيــــــن
لازم واحد من امريـن
نطرد كل المحتلـــين
لوتتفجر بينه الثـــــــــوره
لازم نبني ابلاد الخـــــــير
وعالخط ويه احسين انسير
وابطال بموقفنه انصــــــير
ماننطي الخير وللغـــــــير
كل واحدنه يسلم امـــــــــره
حيو الزهره بهاي الذكره
لخادم اهل البيت
ابو علي السعيدي
تعليق