بسم الله الرحمن الرحيم
السلام عليكم ورحمة الله وبركاته
اللهم صل على محمد وآل محمد


دى طريقة لقص الشعر شفتها فى موقع و نقلتها لكم


السلام عليكم ورحمة الله وبركاته..

*•~-.¸¸,.-~*يالله يا بنات يا حلوين..*•~-.¸¸,.-~*

طبعا كل وحده فينا تحب تعتمد على نفسها في كل شي الا بعض الاشياء تحب انها تحصلها جاهزه او احد يسوي لها..

بعض الاشياء سهله اننا انسويها بالبيت فليش ما نستغل الفرصه ونسويها بدل لنخسر بيزاتنا على الفاضي صح؟! نتعلم اذا نقدر نتعلم والشي سهل عمله؟!

اوكيه تعالو اليوم نتعلم كيف انقص اطراف الشعر بالبيت.. سواء اكان متقصف او حبا للتغير او لصعوبة تسريحة الشعر الطويل.. ونصيحه مني الي شعرها طويل لا تقصه خساره والشعر زينة المراءه..

اليوم حلقتنا عن القص.. قص الشعر.. مثلا اذا امج بغت حد يقصلها شعرها.. او اختج او انتي لنفسج..

يالله نبدء بسم الله الرحمن الرحيم..



الطريــــــــــــــــــقه بالتدريج:

1- تغسلين شعرج وتخرسينه بالماء.. يعني يكون الشعر مبلول..
2- بعدما تجففينه بالفوطه فقط وليس الاستشوار..
3- هاتي مشط ذو اسنان.. تمشطين شوي شوي علشان يتفكك الشعر وتمشطين الشعر من الفروه لتحت.. واليكي صورة المشط:

4- ملاحظه تمشطين الشعر وتجمعينه كله للورى المقصود حتى الغروه "القصه" ترجعينها لورى..
5- هاتي مقص الخااااااااااااص للشعر.. مش تجيبين مقص الي تقصين به الورق وتقصين به الشعر لا لا هذا غلط.. خلي عندج مقص خاص بالشعر ولا تستخدمينه لقص الورق او القماش وغيره.. واليكي صورة المقص:

6- والحين الشعر جاهز للقص.. يعني في ايدينج اليمين تمسكين المقص واليسار تمسكين المشط..
7- اهم شي تبدين باسم الله وثم تمشطين الشعر من فوق لتحت وتحددين القياس وتقفين لحد معين للقص وتقصين شوي شوي وجزء جزء..

8 وخلاااااااااااص انتهت المهمه.. سهله صح!؟



واذا بغيتي اتقصين لنفسج.. نفس الطريقه بس:
1- تقسمين الشعر لقسمين..
2- قسم تحطين على كتفج اليمين وقسم على كتفج اليسار..
3- ونفس الشي تمشطين من الفروه لتحت..
4- وتحددين وتقصين عاااااااادي.. يعني تخلصين من الجزء اليمين فتبدين باليسار..



ام للغره "القصه" فطريقه سهله جدا..
1- تبللين الغره..
2- تمشطينها بالمشط..
3- تسحبينها للامام بخفه..
4- وحددي بالمشط.. مشطي الغره من الفروه لتحت وحددي مقاس القص وقصيه عادي..

اي سؤال انا في الخدمه ردو عليي شو صار معاكم..
ياريت تكون مفيدة لكم
اختكم فى الله