ليش تحرجوني انا شخصيه مهمه

موضوع جميل
وهذه اجوبتي





من انت؟

2-متى اخر مرة ضحكت من قلب؟ وليش؟ امس ، كنت اسولف ويا خوي عن سوالفنا قبل

3- اخر مرة بكيت من قلب؟وليش؟ بكيت , اول ماشفت ضحايا لبنان الاطفال الي نحرقوا هذه آخر مره

4-هل حسيت في يوم من الايام بالضعف؟ومتى كان؟ اي ، يوم ماقدرت اساعد شخص عزيز علي

5-من الشخص الي تتمنى ياخذ فرحك علشان ماتشوفة حزين؟
امي
6-اذا كنت متضايق وش اول شي تفكر تسويه؟ اروح اطبخ او امارس هوايتي اليوميه التصميم

7-وش احلى ذكرى في حياتك ومستحيل تنساها؟ مممممم صراحه احلى ذكرى يوم انحشت من المدرسه

8-آخـــر شخـــص تتـــذكــــره قبـــل ما تنـــــام؟!؟

9-وش تعنيلك هالكلمااات:

البحر :
وسيع
السما :
طاهره
الكعبه :
حلمي
الحب:
عشقي
الصديق:
تؤامي
10-وش برنامجك امس؟ اذا على التلفزيون شفت المنار و العربية اذا عن برنامجي الخاص اليومي قعدت ويا اخوي على الكمبيوتر يبنا مقاطع ............

11-وش برنامجك اليوم ؟ اليوم برنامجي انا بالدوام لانطرد

12-كم شخص عندك في المسنجر ؟
قولي كم ايمل عندك عندي7 ايملات ايميلي الاول فيه 216 الثاني 116 الثالث 78 الرابع 15 الخامس 46 السادس 7
السابع 42
13-كم سـاعه تجلس ع الكمبيــوتر ؟ صراحه من الساعه 7ونص الصبح لغايه ال4 العصر اشبك بالدوام وبس ارجع البيت اخليه شابك للساعه 2 الفجر بس المسا احيانا ماكون على النت بس يكون شابك احيااااااانا

14-هل فعلا انت مرتاح في تواجدك في المنتدي و مع الاعضاء ؟
اوووووووووف حدي مرتاح وياهم
15-عضو يستحق الصداقه؟

16-عضو شفتة و عضو ودك تشوفه ؟ عضو شفته ؟ طيب ؟ عضو ودك تشوفه وايدين ودي اشوف اااحمد وكويتي علوية زهراء ام ابيها فاطمة كل حبايبي ودي اشوفهم استاذ قنبر

17-عضو شخصيته مثل شخصيتك؟ مممممم والله مدري موملاحظ بس ماخاب ظني عاشقه اهل العتره

18-عضو تعجبك شخصيته؟ سوبر وومن - نبع الكوثر - ام ابيها فاطمة - نور الهدى

شكرا لج عزيزتي على الموضوع

هلا فيج أختي وسن

شكرا لج على الأسئلة

وأنا بجاوب

بس مو كل الأسئلة



من انت؟
عبق الهدى

2-متى اخر مرة ضحكت من قلب؟ وليش؟
من شوي بس لما كنت أسولف مع بنات عماتي واحنا من نتقابل تصير القعدة كلها ضحك


3- اخر مرة بكيت من قلب؟وليش؟
لما نزلت نسبتي من 98.9 إلى 94.1 وكنت بالصف الأول ثانوي.


4-هل حسيت في يوم من الايام بالضعف؟ومتى كان؟

لما كنت بالثالث اعدادي وبنات صفي سو لي سافة مالها أول من تالي وكنت مظلومة فيها والكل البنات صدقوهم والكل ابتعد عني لحظتها صج حسيت بالضعف إني ما أقدر أسوي شي بس بالنعاية أنا اللي انتصرت عليهم >>> معركة

5-من الشخص الي تتمنى ياخذ فرحك علشان ماتشوفة حزين؟
بلا شك أمي الغالية

6-اذا كنت متضايق وش اول شي تفكر تسويه؟
أصيح إذا ما كنت أقدر أسوي شي أو أقرا وأنا أصيح

7-وش احلى ذكرى في حياتك ومستحيل تنساها؟
مستحيل أنسى قبل شهرين لما رديت من المدرسة آخر يوم في الامتحانات وآنا مستانسة إني تخرجت وحضنتني أمي وقامت تصيح من الفرحة وآنا وياها وبعدين يا أبوي وحضني بعد وقام يصيح وياي صج يوم ما أنساه( فرحة التخرج) وبعد يوم الحفلة كان وايد حلو مع كل هلي.

8-آخـــر شخـــص تتـــذكــــره قبـــل ما تنـــــام؟!؟
سوري ما أجاوب

9-وش تعنيلك هالكلمااات:

البحر : مصدر العطاء والراحة

السما : نعمة من الخالق ولي تبي حاجاتك تنقضي ارفع يدك سما (فهموها)

الكعبه : أحلى مكان يرتاح فيه الإنسان ويحس بصلته بربه

الحب: حاجة كل إنسان (مو تفهمون غلط)

الصديق: إنسان رائع يشاركك حياتك

10-وش برنامجك امس؟
سوالف مع صديقاتي في النت وطلعت رحت حق صديقتي أسلم عليها عشان اهي بتسافر وساعدت أمي

11-وش برنامجك اليوم ؟
نت وطلعة من الأهل وبالليل اجتماع اللجنة الترحيبية

12-كم شخص عندك في المسنجر ؟
72

13-كم سـاعه تجلس ع الكمبيــوتر ؟
يعتمد على أوقات الفراغ

14-هل فعلا انت مرتاح في تواجدك في المنتدي و مع الاعضاء ؟
أكيييد

15-عضو يستحق الصداقه؟
عاشقة صاحب الزمان ونبع الكوثر وشوق اللقاء خادمة الزهراء والعلوية زهراء وأختها هدى و عشق الغدير أصلاً اهي صديقتي وفي بعد عضوات

16-عضو شفتة و عضو ودك تشوفه ؟
عشق الغدير جفتها واللي ودي أجوفهم: اللي يستحقون الصداقة

17-عضو شخصيته مثل شخصيتك؟
ما أعرف بصراحة

18-عضو تعجبك شخصيته؟
نبع الكوثر والسماوية وفي غيرهم بعد





تحياتي للجميع

من انت؟
أمة الله
2-متى اخر مرة ضحكت من قلب؟ وليش؟
امس كانت عندنه عزومت غذاء في البيت مع أصحابي لأنه صراحه جلسنا انحش بستاذتنا الي بالجامعة
3- اخر مرة بكيت من قلب؟وليش؟
ليلة الجمعة عند زيارة الزهراء عليه السلام ما اتحمل ازوره الا ولزم ابكي
4-هل حسيت في يوم من الايام بالضعف؟ومتى كان؟
وايد
5-من الشخص الي تتمنى ياخذ فرحك علشان ماتشوفة حزين؟
بنت خالتي واختي لأنهم عانو في هذه الدنيا
6-اذا كنت متضايق وش اول شي تفكر تسويه؟
ابث شكويي لله اقراء القرآن اصلي صلاة قضاء الحوائج خلا ص ارتاح
7-وش احلى ذكرى في حياتك ومستحيل تنساها؟
ثالث ثانوي ومستوى ثالث بالجامعه
8-آخـــر شخـــص تتـــذكــــره قبـــل ما تنـــــام؟!؟
الخالق سبحانه
9-وش تعنيلك هالكلمااات:

البحر : الفضاء الواسع آلم
السما : الأمل لرزق

الكعبه : الجنه

الحب:
تحقيق المستحيل
الصديق: السكون والأمان

10-وش برنامجك امس؟
في الصباح دورة تدريب تبع الجامعة زيارة بيت جدتي غذاء مع صاحباتي في البيت
11-وش برنامجك اليوم ؟
زيارة اهل القبو ر مع بنت خالتي وزيارة بيت جدتي بس
12-كم شخص عندك في المسنجر ؟
14 فتاةو بس
13-كم سـاعه تجلس ع الكمبيــوتر ؟
4 ساعات بلمشابع مع خواتي على النت الي تحصله اول تأخده
14-هل فعلا انت مرتاح في تواجدك في المنتدي و مع الاعضاء ؟
الحمد الله مرتاحه وايد
15-عضو يستحق الصداقه؟
ما اعلم سر
16-عضو شفتة و عضو ودك تشوفه ؟
لا عضو شفته كلهم ودي اشوفهم
17-عضو شخصيته مثل شخصيتك؟
انا عضو جديد في المنتدى ما اعرف احد
18-عضو تعجبك شخصيته؟
لجنة الأستقبال العيون الساهرة العلويه زهراء مرتضى q8
مشكور على الموضوع الجميل

اليوم اول رجب
ما عليش ، يمكن غدا اجاوب
اهنيكم ، و تقبل الله اعمالكم ، و نسألكم الدعاء

من انت؟
أنا بنت العمران من الاحساء أدرس بالجامعه قسم انجليزي والاولى من البنات

2-متى اخر مرة ضحكت من قلب؟ وليش؟
بصراحه قبل كم يوم لما يموتوا 12 اسرائيلي هههههه

3- اخر مرة بكيت من قلب؟وليش؟
بكل صراحه قبل شهر لما الوالدة مرضت الله يخليها لنا ويطول بعمرها

4-هل حسيت في يوم من الايام بالضعف؟ومتى كان؟
لا مامره حسيت

5-من الشخص الي تتمنى ياخذ فرحك علشان ماتشوفة حزين؟
بكل صراحه اخوي


6-اذا كنت متضايق وش اول شي تفكر تسويه؟
على طول اقراء زيارة عاشوراء


7-وش احلى ذكرى في حياتك ومستحيل تنساها؟
بصراحه ايام الدراسه في المتوسطه


8-آخـــر شخـــص تتـــذكــــره قبـــل ما تنـــــام؟!؟
الإمام المهدي عجل الله فرجه الشريف


9-وش تعنيلك هالكلمااات:

البحر :
حامل هموم كل العالم ولاكن يتصف بالغموض

السما :
صفاء يتصف بالبياض في النهار وسواد يتلفف باليل


الكعبه :
بيت وقبلة اتوجه لها لعبادة الله وهيجان روحي حين روئيتها ..

الحب:
معنى جميل لاكن من يحسن معناه ويحسن تصرفه

الصديق:
هو من عرف معنى الصداقة يوم الشدة

10-وش برنامجك امس؟
الصباح نوم الى العصر .. العصر غداء وبعدها بيت عمي وبعدها صلاة اللهم صلي على محمد وآل محمد ..وبعدها جلسه مع اهلي .. وبعدها اختلي بنفسي وبعداه بالنت شوي وبعدها كنت مع ربعي وآخر الليل عباده والى الصابح

11-وش برنامجك اليوم ؟
نفس امس

12-كم شخص عندك في المسنجر ؟
حوالي 60 شخص

13-كم سـاعه تجلس ع الكمبيــوتر ؟
يمكن 5 ساعات

14-هل فعلا انت مرتاح في تواجدك في المنتدي و مع الاعضاء ؟
جداً ..

15-عضو يستحق الصداقه؟
بكل صراحه ااحمد

16-عضو شفتة و عضو ودك تشوفه ؟
ماحد شفته .

17-عضو شخصيته مثل شخصيتك؟
العيون الساهره

18-عضو تعجبك شخصيته؟
ااحمد