السلام عليكم ورحمة الله وبركاته

عندي اقتراح بسيط جدا يااخواني

اولا بالنسبة لاخواني السنة (داخل المنتدى وخارج المنتدى):
وشرايكم اتوقفون سب وطعن في الامام الراحل الخميني , وتشهير في مقتدى الصدر , واظهار نواقص الامام الخوئي في هالفترة ؟؟؟ اقصد فترة العدوان على لبنان ؟؟؟ بس والله هالفترة , والله لو تتحدون اشوي بس هالفترة , صدقوني بيكون شي له اثر طيب والله , بس هالفترة وبعدين ارجعوا للي كنتوا عليه مافي مشاكل , بس الحين عندنا مشكلة اكبر وهم اعظم من خلافاتكم مع الشيعة , ناصروا المسلمين جميعا وبعد ماتتحرر لبنان وتتخلص من هالازمة ان شا الله سبوا وناقشوا على كيفكم , اتحدوا لو على مستوى الانترنت يامسلمين

ثانيا بالنسبة لاخواني الشيعة (داخل وخارج المنتدى):
وشرايكم اتوقفون سب وطعن في سيدنا عمر بن الخطاب , وتشهير في الشيخ الراحل بن باز وغيره , بس هالفترة , اتحدوا بس في هالفترة وبعدين ارجعوا للي كنتوا عليه , لان الحين عندنا مصيبة اكبر من خلافاتكم مع السنة , صدقوني مرة وحدة اتحدوا , اتحدوا على مستوى الانترنت لو مرة يامسلمين

ارجوكم
والله اني صرت مااعرف من فيكم مسلم , كلكم اتسبون وتشتمون في بعض ياسنة وياشيعة وكنكم حليتوا كل مشاكل المسلمين
وكانكم حررتوا فلسطين وانقذتوا لبنان واذليتوا العدو الصهيوني وجلستوا اتسبون في بعض

اتمنى انكم تتحدون على طول والله مش بس هالفترة , بس انا قلت هالفترة بس لاني والله من اللي شفته في هذا المنتدى وفي منتديات اهل السنة اكتشتف شي :
ان السنة مايقدرون انهم ايوقفون سب وشتم للاخوة الشيعة , والشيعة مايصبرون عن شتم وسب السنة , وماادري ليش والله!!!!


سؤال : هل الفريقان يشهدان بان لا اله الا الله وبان محمد رسول الله وان الصلاة على المؤمنين كتابا موقوتا وان الزكاة فرض عين وان شهر رمضان هو شهر الصيام وان الحج واجب على من استطاع اليه سبيلا؟؟؟

اذا كان الجواب نعم : فاين الخلل؟؟؟؟

ودمتم بخير