ايها الحضاري ابتعد عن مشاركاتي

دفتر تكلب بيه كلبي ودومــــك تعبر سطر*
مبتدأ اكلك ياحلو المعشر ودوم أفعالك خبر*
ودوم انه وياك راسب وبصفحتي لفت نظر*
شمتحن بيك وماتنقري وعرفتك مو بالمقرر /
عرفتك تريد ترفع بيه واتجزم وروحي تكسر*
وابد ما مر عالبالك تحط نقطة وتضمني بعصر/
دوم خايف من افعالي وافعالك علي بس بأمر/
ماتعرف فعلي مكسور بخطيتك وفعلك وياي ابغدر/
ويامة كتبتك بقصيدة وتالي ابغرامك ضيعت الشعر/
سطعش هنه من البحور ومن وصلك السيبويه تحير/
لاانته من بحر الخفيف واكتبك ولاانه من بحر وافر/
حيرتني ببحور عشكك وشنظم بيك وانته احله شعر*
//////////////////////////////////////////////////////////////////////////
دفتر صار القلب ونتة تكلب بية ودومك ياحلو تشخبط وتشكك بية

من عشرتك والقهر ماظل ورق بية حبك مثل حرف ينكتب وانة امسح بية

/////////////////////////////////////////////////////////////////////////
اخي الحبيب رتب مثل هذولة البيت خوش بصراحة ومع كل الاحترام الك هذا مو شعر هذا تصفيط واذا تريد طلع منة دارمي اذا تعرف معناة خوية قريتة 100 مرة مامتناضم الابيات مالتك بية وقفة وطويلة مع شكر ويمكن راح تزعل من حجيي بس الحق ينحجي وعلمود نفيدك وتفيدنة ان شاء اللة

اشكرك اخي العزيز عصام الموسوي
انا ليس شاعرا بل احب ان اشخبط
يعني شيجي على بالي اكتبه
تحياتي ومازعلان

يعني مثل هذا الادارمي
غربة والم وفراق ارحمني ربي
سد العيون بساع وسكتلي قلبي

اخي العزيز اشكرك على الاصراحة انا هم كنت مثلك بس ظليت التقي مع بعض الاشعراء وتعلمت ابدء بل دارمي وبعدين بل الغاني وبعدين بل شعر اوكي مع كل الاحب

احسنتم وبارك الله فيكم
تحياتي

أخي عقيل آل بنيان المحترم
قبل أن اعطيك رأيي أريد أن اعرف رأيك بي أنا
ودعك من الباقين

السلام عليكم
عزيزي كيف لي ان اعطيك رأي ولم يسبق
لي ان مررت على مشاركاتك
المهم انك ان شاء الله من المواليين
وانه خادم الموالين
تحياتي
خادم خدام الحسين ع
عقيل آل بنيان