تويت
قصيدة ثورة العشرين الخالدة
قصيدة ثورة العشرين الخالدة
طفح غيظ الشوارب بالفناجيين
وخبط شط الرميثة الماي والطين
غضب واتنزرت كل ذرة اتراب
ونزع لون العشك فوك الروازيين
ومشت حد المدد متعافية الريح
وسكت صوت اليرتل بالتلاحين
عوارض وانتخت مكحولة العين
بخوهه وزينت زين النساويين
وهوت مثل ام ولد تتلمس الكاع
جذب من كالج نجفي وتذلين
وحك ملحج وخبزج والمسافات
وحك بردج وحرج والجوانيين
لون ليل الهوارف رادنه نشيل
نشيلهم جثث وانتي التظلين
عزيزه انتي شكثر واكثر تعزين
وزه بوجه العراقي الزود والطيب
وحضن شمس العصر من رادت اتغيب
سليل محولله ومهيوبت اذيال
وابن نخوه وكفو وشيمت معازيب
جميل ويا اليجله بمر الايام
وشديد عل الشديد وطايعه تخيب
وسلس مثل الخبز وي طيب الذات
وامر من الامر وي ناكر الطيب
وسهل مثل الفرح بعيون الاطفال
وزعل مثل النمر لو واكحه الذيب
اذا نفس الزعل من سود الايام
يرد ولابهن وليرضعة يشيب
عراقي وكفت الدنيا من الاوهام
ماحالت بعد لو غيرك تجيب