تويت
اجمل قصيدة التي ألقيت في حق الامام علي (عليه السلام)
حلــــــــــــــم الحـقـيـقـة
كالو بالحلم شفناك قدملك حبيبك كاس المذهب
ويكلك من علي جدك هذا الزعفران الخاص واشرب
وكول واطلب وشتريد عد حيدر علي يا مسهل المطلب
كتلهم ضميري بحب علي مشغوف وآني بظهر ابوي وغيره ما ارغب
وآني المعتقد واشلون يا هل الوادم اتعجب
وادري شما علية اذنوب كله بحب علي تنشال ما تصعب
علي هوه قسيم النار و الجنة ويا نار بوجوده عل المحب تلهب
واذا كتلي شعندك للسفر من زاد وبيا عمل تتقرب
حب المرتضى الكرار بدربي وبزادي المزهب
ولا لحظة التمر شكيت ولا كلبي المأمن من وجل يلعب
اكوم اكعد وغير المرتضى ما عندي كل مندب
اندبه وادري يحضرني حماي الدخيل لشعيته مجهب
علي وما خاب من يندب علي المغوار المضهضب
علي بحر الكرامة الماتحملة اجروف وبيوم الحشر من جوده ماينضب
علي المولود بالكعبة علي الله جعل واجب فرض حبه
علي الوالي عله الامة بعد طه الرسول وبنص اتنصب
علي اليبجي بمحرابه ويضحك باحرب منيدخل الملعب
حلال المشاكل حاضر الشدات راعي السيف المجرب
علي لكل الخصال الطيبة مصدر تشهد بدر والخندق وادي اليابسة وخبير
منوه الجند الفرسان ياهو الفرق العسكر
دوم بكل حرب تلكاه جدام الزلم حيدر
بطل متعب الفرسان لايجزع ولايتعب
ولو طحنت رحي الكلفات تصطف الركاب ليمنته مكظب
سيف شراع غوث وحومته المركــــــب
علي الخله ابن ود العامري مذهول تبلعم بعد ما يدري شيرد يكول وحدر اجدام حماي الحمه اتكلـــــــــــــــــب
علي الذل اليهود وكسر الاصنام علي الوازن جسد مرحب
علي ومن يوصل الشانه ولحد الصميدة من يكدر يكرب
علي لوما يغدرونه ما جان بدماه الطاهرة اتخضب
وما نزلت من كدره اصحاب النفاق اليوم تترقب
تلوذ بسده بالشدات وبوكت النفاهه يصير واحده طبع عكرب
تالي شحصلت لا دين لا دنيا وصارو للزفر منكب
والانزع عليس لليوم للحك والعدل مضرب
ويكلي اطلب زشطلب وبمولد علي شختار يا منطلب
صحت والله ارد اشك الزيج وبحركت كلب لغضب
يا يوم الشمل يلتم يحامي الجار ويايوم النعود لحضرتك زوار
بالبلدان تدري بشعتك طشار وبالوطن يدري شوكت ينحسل للمكصب
عليك اقسم بضلع الطاهرة المكسور وبجسم الحسين العاري المسلب
مع تحياتي
محمد النجار
تعليق