إعـــــــلان

**الهادي المهدي** · 21-08-2006, 01:29 PM

نبارك جميعا هذه المبادرة الجباره
اثابكم الله
واود ان اشترك هنا بهذه الومضه املين ان تنال استحسانكم
ـــــــــــــــــــــــــــــــــــــــــ

تبچي اعليك دم عيون عشـــــاگ

ومن خاطرهه جتك سيدي تنـــــــوح

يشوفون النعش وياك ممـــــدود

يقبل جثتك مايقبل تـــــــــــــــــــروح

عليش تعوفنه بطوفان هـــارون

وبسمار الفرج هالحاظن اللـــــــــوح

سفينه ولايتك والجور طوفــــان

لچــــــــن ياللأسف مابگت بيه روح

لگيناها السفينه اتاني بالمــــاي

اجاها الماي بس يشيــــع بنــــــــوح

**أبــو مصطفــى** · 21-08-2006, 03:04 PM

الومضة الأولــــــــــــى
ــــــــــــــــــــــــــــــــ
ياامامي شيعك ذاك الزمـــــــــــان 0000 وماگدر هارون يمنع صحبتــــــــك
وچنهه موناس التشيعك بل سنين 0000 كل سنه تگل البعدهه بغايتـــــــــك
تبدلت تيجان وتوارت عـــــروش 0000 وشافت اشكال المصايب شيعتــــك
وكل تآمرهم عليك ومــــــا رووه 0000 كتبت اقلام التضدك هيبتـــــــــــــك
تبدل الجسر ولبس ثوب الجديـــد 0000 وصار ديناميت يگطع سچتــــــــك
حتى لو مالك درب نمشي عليـــه 0000 ليك تمشي عيونه بضي گبتـــــــك
الومضـــة الثانيــــــــــــه
ـــــــــــــــــــــــــــ
يبقى حبل الظلم والباطل گصيـــــــر
يبقى مادام المناير بالسمـــــــــه
وتبقى ياموسى ابن جعفر بالعيــون
لو ألف هارون يشهر صارمــــه
ويبقى ذكرك بالگلب مو باللســــان
وتبقى ناس الماتودك نادمــــــــه
ونبقى نندب موسى ابن جعفر أمان
سور ماتگدر أراذل تهدمـــــــــه
تبقى چلمة ياعلي اتهـــز العــروش
تبقى مادام الهه ناس محزمـــــه

**ميثاق الهلالي** · 21-08-2006, 07:59 PM

تلبية لندائك اخي حليم ولهذه الذكرى المتشحة بالدمع والنصر

سألبي طلبكم هذا مع جزيل محبتي

من زود الكلام اتعرف الرجال =
ومن شدة حزمهه تبين إسباع

أمس بس ألف صعدوا عالجسر طاح =
وحدر أجدامهم مثل الثلج ماع

وإذا كل شيعتك مو بس جسر طاح =
چا رجفت حدرنه وطاحت الگاع

**حليم السيد حافظ** · 21-08-2006, 08:16 PM

الأخ الهلالي المحترم
ننتظر المزيد
ومضة اخرى نلتمسكم مولاي
اروي عطشنا بالله عليك

**الناقـــــد** · 21-08-2006, 08:40 PM

المشاركة الأصلية بواسطة حليم السيد حافظ

الأخ الهلالي المحترم
ننتظر المزيد
ومضة اخرى نلتمسكم مولاي
اروي عطشنا بالله عليك

لا مولانا هذه ناحية من نواحي التحيز وكما اظن
فالشاعر الهلالي كبير وقلمه مميز نعم
ولكن هو نشر ومضته هنا وانت ضمن لجنة التحكيم فلا تحاز لأحد رجاء

هههههههههههه
مولانا رغبت بممازحتكم فقط
واتشرف ان انشر مشاركتي
ــــــــــــــــــــــــــــــــــــــــــــــــــ ـ

معذور السجن مولاي يعتز بيك
لو آنه سجن والله ماعوفــــــــــــــك
من يوم انبنه بچــــــــــــف الظلم مولاي
بعيون اليضدك يحلـــــــــــــــــــــــم ايشوفك
مــــــــن جابوك يمـّه اتوهدن بملكاك
كض روحه المحاجر ركضت اتطوفك
اذا تربة صلاتــــك شمس رب الكون
جزيرة ابـّـحر گصتك تحضن جروفك
من تسجد عليها الكون ليـــــــــــــــل ايصير
وتذوب الأرض وتنـــــــــــــــــــــام بچفوفك

**الناقـــــد** · 21-08-2006, 08:45 PM

المشاركة الأصلية بواسطة حليم السيد حافظ

الأخ الهلالي المحترم
ننتظر المزيد
ومضة اخرى نلتمسكم مولاي
اروي عطشنا بالله عليك

لا مولانا هذه ناحية من نواحي التحيز وكما اظن
فالشاعر الهلالي كبير وقلمه مميز نعم
ولكن هو نشر ومضته هنا وانت ضمن لجنة التحكيم فلا تحاز لأحد رجاء

هههههههههههه
مولانا رغبت بممازحتكم فقط
واتشرف ان انشر مشاركتي
ــــــــــــــــــــــــــــــــــــــــــــــــــ ـ

معذور السجن مولاي يعتز بيك
لو آنه سجن والله ماعوفــــــــــــــك
من يوم انبنه بچــــــــــــف الظلم مولاي
بعيون اليضدك يحلـــــــــــــــــــــــم ايشوفك
مــــــــن جابوك يمـّه اتوهدن بملكاك
كض روحه المحاجر ركضت اتطوفك
اذا تربة صلاتــــك شمس رب الكون
جزيرة ابـّـحر گصتك تحضن جروفك
من تسجد عليها الكون ليـــــــــــــــل ايصير
وتذوب الأرض وتنـــــــــــــــــــــام بچفوفك

**ميثاق الهلالي** · 21-08-2006, 09:12 PM

ولعيونك ياحليم الطيب

ولعیون الناقد
وللجميع

أقول

ياموسى أبن جعفر شوف الجروح

طگن والعراق عله الجسر عاد

ياباب الحوائج كسروا الباب

بعد منين كلي نحصل مراد

فك بابك يموسى وشوف الجروح

وعلي بغداد دم تبچي عله بغداد

**كاميران عبد عداي** · 21-08-2006, 09:57 PM

حياك الله أخي ميثاق الهلالي
عودة ميمونه ان شاء الله
وينك يارجل يافارس القوافي
ارجع وعد الينا ارجوك
((( حتى يصير واهس لنا بالكتابه )))

**راجع الكم** · 22-08-2006, 10:47 AM

أسف لتأخري وهنا أذكر المتجاوزين بهذه النقطة :

المشاركة الأصلية بواسطة حليم السيد حافظ

ثانيا ـ أن لاتقل الومضة الشعرية عن أربعة أبيات وأن لاتزيد عن ثمانية أبيات

لن يطول أنتظاركم فعودتي هنا قريبه

**حليم السيد حافظ** · 22-08-2006, 10:54 AM

ماقلته عين الصواب أخي الكريم راجع الكم
وبما انك ضمن لجنة التحكيم فتلك الأمور ستناقش عند فرز النتائج ان شاء الله
والمهم عندي الآن هو مشاركتكم سيدي

**ميثاق الهلالي** · 22-08-2006, 01:24 PM

السلام عليكم سادتي

ما أحببته أن أقوله

إن سمحتم طبعا

إن الومضة الشعرية وميزاتها كثيرة

قد تكون الومضة كلمة واحدة فقط

وإذا تجاوزت السبعة أبيات أصبحت مقطوعة وليست ومضة

لكم حبي

**حليم السيد حافظ** · 22-08-2006, 01:58 PM

ماقاله الأخ الشاعر ( راجع الكم ) كان صحيحا بقدر تعلق الأمر بشروط المسابقه
وماقاله الأخ الشاعر ميثاق الهلالي كان صحيحا ايضا بقدر تعلق الأمر بالومضات الشعريه
وماأقوله أنا فهو الآتي
انا فرحان جدا لتنافس الكبار هنا
نعم هكذا ايها المبدعين اعيدو لمنتدانا بهجته وسروره ومستواه الشعري الراقي
ولهذا ستكون هناك بعض التعديلات على شروط المسابقه وكما يلي
$$$$$$$$$$$$$$$$$$$$$$$$$$$$$$$$$$$$$$$
اولا ــ لكل شاعر الحق بالمشاركة بالعدد الذي يروق له من الومضات من واحده الى عشره
ثانيا ـ وللشاعر الحق بجعل ومضته بيتا واحدا او بيتين أو أكثر على ان لاتتعدى الثمانيه أبيات
ثالثا ــ نؤكد على ضرورة تأطير الومضة بالحدث وهو استشهاد امامنا ( موسى ابن جعفر ع ) وكذلك شهداء جسر الأئمة رحمة الله على ارواحهم
على ان تكون الومضة الواحده شاملة للحدثين
مع احترامي للجميع

**aby_mohanned** · 22-08-2006, 03:31 PM

لوعات الجسرما تنذكر كلمات.. وهم موسى بن جعفربالقلب ما مات
*
ياروح العراقي شتحمل بآهات... من يوم إنولادك وإنت بالصدعات

**سعد خلف** · 23-08-2006, 12:39 AM

بما انه طرأ تعديلاً لتعليمات المسابقه
لذا اشترك بهذه الومضه
عسى ان تنال رضاكم
$$$$$$$$$$$$$$$$$$$$$

الالف ماماتت امن الخوف متوهمين
ولاهمــهه انتحــاري اوفزع بيــهه
الالف شافت مواكب تحمل اجنازه
رمز لـلـكاظـم اتـشيــع وليـــهــــه
الالف برواحهه اتعهدت شكلت موكب
اوتركـــت عالجسر اجســاد ليــهه
اورمز روح الامام النعش صــــارت
اوصــلت للمناير طافت اعليــــــهه
#############
تحياتي
الهفهاف

**عقيل آل بنيان** · 23-08-2006, 03:59 AM

بسم الله الرحمن الرحيم
بعد ان تعدلت القوانين اشارك بهذه الكلمات عسى ان تنال اعجابكم

تعالوا وعاينوا وبيا وكت صارت

مثل هذاك اليوم الدنيا كله ما دارت

الف عريس عالجسر يالكاظم اتبارت

كله تريد الفوز ودماي بالنهر فارت

لك حجت الناس وعله دربك سارت

واليوم عالبابك وكفت ارواحم وزارت

المواضيع	إحصائيات	آخر مشاركة
بإسناد صحيح على شرط ابن أبي حاتم نزول آية التبليغ في الإمام علي (ع) بواسطة وهج الإيمان أنشئ بواسطة وهج الإيمان, 21-02-2015, 05:21 PM	ردود 119 18,094 مشاهدات 0 معجبون	آخر مشاركة بواسطة وهج الإيمان 13-06-2025, 03:31 PM
الشيخ السني د.العزاوي بأمر الله بويع علي بالغدير فشك الحارث فقذفه الله بحجارة فنزلت سَأَلَ سَآئِلُۢ بِعَذَابٖ وَاقِعٖ بواسطة وهج الإيمان أنشئ بواسطة وهج الإيمان, 23-05-2024, 02:34 PM	استجابة 1 102 مشاهدات 0 معجبون	آخر مشاركة بواسطة وهج الإيمان 13-06-2025, 09:49 PM
الشيخ السني د.العزاوي بأمر الله بويع علي بالغدير فشك الحارث فقذفه الله بحجارة فنزلت سَأَلَ سَآئِلُۢ بِعَذَابٖ وَاقِعٖ بواسطة وهج الإيمان أنشئ بواسطة وهج الإيمان, 23-05-2024, 02:27 PM	استجابة 1 72 مشاهدات 0 معجبون	آخر مشاركة بواسطة وهج الإيمان 13-06-2025, 09:53 PM
الشيخ السني المحقق الزعبي يصحح روايات تصدق الإمام علي ع بالخاتم وولايته وأنه باب مدينة العلم وغيرها بواسطة وهج الإيمان أنشئ بواسطة وهج الإيمان, 04-10-2023, 10:03 AM	ردود 2 156 مشاهدات 0 معجبون	آخر مشاركة بواسطة وهج الإيمان 13-06-2025, 09:49 PM
د. السني الحسيني أراد النبي ص في الغدير تنصيب علي للإمامه واعترض الحارث فعذبه الله وأنزل سأل سائل بعذاب واقع بواسطة وهج الإيمان أنشئ بواسطة وهج الإيمان, 29-06-2022, 06:45 AM	استجابة 1 111 مشاهدات 0 معجبون	آخر مشاركة بواسطة وهج الإيمان 13-06-2025, 09:31 PM

إعـــــــلان

للاشتراك في (قناة العلم والإيمان): واتساب - يوتيوب

مسابقــة شعرية لجميع الشعراء هنا * فمن سيكون الفائز * ادخلوها

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين

إعـــــــلان

للاشتراك في (قناة العلم والإيمان): واتساب - يوتيوب

مسابقــة شعرية لجميع الشعراء هنا *** فمن سيكون الفائز *** ادخلوها

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين

مسابقــة شعرية لجميع الشعراء هنا * فمن سيكون الفائز * ادخلوها