تويت
سهرنالك سنه وما ملينه
وباب البيت حرز كتبنه
هلبت النسمات ذبك علينه
يل نيمت الكمر بسنينه
عطش ماي الجسر لبنينه
واهو ما كصر ذب زوده بدينه
وشال ماشال من ولد الحزينه
وتعب بيه الموت ،
ويتلاوا ويه الروج ،
وشكف الموت من ادينه
الله يـ ( عثمان ) البطولة 1
اذبحت النواصب ابصبرك
مو ذبح سجينه
هاي ام حسين جيرانك
شدت جرغد ليالي من الحزن
وتصيح ابابك،
وينك ياكمرة ليالينه
وتلف اسمك وي شذرات الشمس
وتحشم الناس وتكلهم
( عثمان ) وي كل شمس يشرك علينه
الله يـ (عثمان ) محرابك جسر
وصلاتك صرخت علي والينه
شحلات جفك تشابج وي الروج
وكتب للصبح احله امانينه
وياموجه الخذت مثلك
وانت الموت عاركته
وكلت شيعة وسنه
من فرد طينه
الفاتحة على ارواح شهدائنا في العراق ولبنان
1/ عثمان الشهيد الذي انقذ حياة ثلة من زوار الامام الكاظم ع واستشهد
وباب البيت حرز كتبنه
هلبت النسمات ذبك علينه
يل نيمت الكمر بسنينه
عطش ماي الجسر لبنينه
واهو ما كصر ذب زوده بدينه
وشال ماشال من ولد الحزينه
وتعب بيه الموت ،
ويتلاوا ويه الروج ،
وشكف الموت من ادينه
الله يـ ( عثمان ) البطولة 1
اذبحت النواصب ابصبرك
مو ذبح سجينه
هاي ام حسين جيرانك
شدت جرغد ليالي من الحزن
وتصيح ابابك،
وينك ياكمرة ليالينه
وتلف اسمك وي شذرات الشمس
وتحشم الناس وتكلهم
( عثمان ) وي كل شمس يشرك علينه
الله يـ (عثمان ) محرابك جسر
وصلاتك صرخت علي والينه
شحلات جفك تشابج وي الروج
وكتب للصبح احله امانينه
وياموجه الخذت مثلك
وانت الموت عاركته
وكلت شيعة وسنه
من فرد طينه
الفاتحة على ارواح شهدائنا في العراق ولبنان
1/ عثمان الشهيد الذي انقذ حياة ثلة من زوار الامام الكاظم ع واستشهد
اخوكم
خادم خدام الامام الحسين ع
عقيل آل بنيان
تعليق