تويت
ياهــــو الألـك سجـان *** ياكاظــــــم الأحــزان
ــــــــــــــــــــــــــــــــــــــــــــــــ
ــــــــــــــــــــــــ
مــــــــــــــن مرقــدك نورك يشــع ياسيد الأجــــواد
ايده بشلل كلمن سعـــــــــــــــه بسجنك سبع بغـداد
لوبيدي الك أحبي حبي وازحف زحف ليغــــــــــــاد
ولجنتـــك لمــن أصل كــل همــي ماينعــــــــــــــــاد
بــس فرحتــــــــــــي مــــــدّوم **** چيفــن سگـــوك سمــــــــــوم
راهـــــــــــب بنــــــــــي عدنــــــــان
ياكاظـــــــــــــم الأحـــــــــــــــــــزان
**********************************
يبقــــى الــك دمعـــــي بحزن يالكاظم امن يسيــــل
وبحرگــه الك وي معصمــــك من حطــوا الزنجيـل
أطهــر دمـــه منهــن وگـــع وگــــّــع دمع جبريــل
ولو ما دعائـــك سيـــدي حتمـــا نــزل سجيــــــــل
چــان القصــد معـــــــــــروف **** للبــاري حتـــى انشـــــــــوف
مــن سجنــــو القـــــــــــــــــــرآن
ياكاظــــــــم الأحــــــــــــــــــــزان
***********************************
ياسيـــدي صــار السجـــن جنة عــــدن يرجــــاك
ولمـــن رحت عنــّه وغبــت لــم روحــه وتعنّــاك
حگــه السجــن من ينحنــــي وقضبانــه تتمنـّــاك
صلـّــن جماعـه بحضرتـك وسجدن يموسى وياك
سجنــك خــذل هــــــــــارون **** من كلـــه صــــار عيــــــون
يبچـن لحــــــــــــــــــــــــد الآن
ياكاظــــــــم الأحــــــــــــــــزان
**************************************
وانته الچنـت الهــم سجن بيك انسجـن هـــارون
بيك انكســر عرش الكفــر ليهســه ظل مدفـــون
وانته المناير لوّحـــن للگاصــدك مفتــــــــــــون
كل حقــده صبــه اعليـــــــك **** يمحي القصــــد طاريــــــــك
وهـــوّه الصبــــــح عدمــــان
ياكاظــــــــــم الأحــــــــــــزان
***********************************
كافر صبح كلمــن يجي يمـكم يبــو الأبـــــــرار
والمعجــــزه البيكــم تضــل واحتارو الأشــرار
جســـر الوگــع بينــه أمــس رد عبــــر الزوار
لاچـن جســـرنه الطــــــاح **** عبرنـــــــــه واحنــه ارواح
وماينثنـــــي الأيمــــــــــــان
ياكاظــــــم الأحــــــــــــــزان
***********************************
نحمل رسالتكــم نصر بين الجفــن والعيــــــن
وللزهره امـــك سيدي نقســـم وحـگ حسـين
ماتنتهـــي شيعــة علي وللمهــدي هالماشـين
واحنه النصير جســــــــور **** للگاصـــــــدك ويـــــــــزور
شمتكلـف الأثمـــــــــــــــــان
ياكاظـــم الأحــــــــــــــــزان
تعليق