يجيني اليل اشوفنك بدر صاحي
يجي المصباح اشوفك شمس مصباحي
عجيبة اشلون يحسين اجمعت ضدين
صرت هم دمعتي وهم بسمة افراحي

دنت روحي لهجير وعز عليه الماي
واجيتك غصن ذابل يا نبع دنياي
حلم يبن الوديعة وشالتك عيناي
مثل خفقة نبض يخفق هواك وياي
اجيتك عندليب وكسر جنحي الشوق
مثل فرطرس فزعلك ردلي جناحي


مثل النوارس لمن تهاجر
طرت بجناح نورس وبحلم شاعر
همت بين الظنون ولهفة الخاطر
شاغلني هواك وموجك الساحر
ومن جيت وقلتلك سيدي عطشان
صرت دمعة بنجوم اليل

تعتب من دنيتي واحتار اشوفك وين
وادور يا حبيبي من يا كتر ومنين؟
اصد للبدر لن يندهني رمش العين
هذا مو بدر هذا الي تشوفة حسين
واقضي اليل وياك بسهر عشاق
ضوة عيونك يسد بوابة جراحي


يطول اليل ريتة وريتة ظل وياك
شفت ضي الصبح يحجب سحر معناك
الشمس لاحت صحت حل يابدر فرقاك
لن الشمس انت يالضواة اضواك
انت الضوة وانت الزرع وانت الماي
وانت سيوفي يوم الشدد ورماحي


حبيبي وحيرتني بسرك وامرك
هذا الي بالثريا انت لو بدرك
يمن صبري مزجتة من درع صبك
ابيع العمر كلة بلحظة من عمرك
اذا حبل الوصل ينقطع يا محبوب
قبل حبل الوصل ينقطع سباحي

حمل الشريط كاملا عبر الرابط التالي ((بس كوجهة نظر هذا للدول الي ما بيهة تسجيلات مثل العراق اما الي عندهم تسجيلات ويستطيعون شراء نسخة اصلية فاشتروا واعبروا دعم لهذي المؤسسة ولباسم الكربلائي وانتوا بكيفكم بعد)) http://www.ismbh.com/vb/showthread.php?t=2448