تويت
يا حبيبي إتركني دع عنك المـلام ** ما شـفت عاشگ بلا خمـره ســكر
ثمـل آنــه لچـــن مــو من المـدام ** إنصبت من نســمة حبيب البّــيه مّـر
ــــــــــــــــــــــــ
أدري ما صـّدگت حچيي بكل يقين ** يساورك شك بكلامي و مو صحيح
ما قريت بســـير كل العاشـــقين ** چم صريع من العشگ طايح جــــريح
دعني من مجنـــون ليلى وإقــره زين ** ما ذكـــر قرآن بارينه صـــريـح
النسـوه منهو القطـــّعت منها اليـدين ** بس خطف يوسف و شافنه مليح
الحســـن هــذا والذي تشــــوفه العين ** ملك هــذا أبـد هـذا مــو بشـــــر
بس خطف يوسف جذبهن بالغــرام ** ما أزيـد بوصفي و أرسملك صــور
ــــــــــــــــ 1 ــــــــــــ
آنه مو عيب من أگول آنه ســكرت ** لچن سـكري ما نهـه عنه الشـــرع
وآنه مو عيب من أصيح آنه عشگت ** والعشگ صّوبه لگلبي المنصـدع
وآنه مــــو عيب من أگول تـــتيــّمت ** والمتيـّم لو فــــرح صب الــدمـــع
آنه عاشگ آنه ســكران وصحت ** تدري معشوگي أنـه البيه منصـــرع
بيا بلـــد تعـــــرف حبيبي لو ردت ** الهـّزني ولكل جارحـــه مني ســحـر
ها لحـــروف أحســــبها ديباجـــة كــلام ** وخـّـلك وياي وتهيــأ للســـفــر
ــــــــــــــــــ 2 ـــــــــــــــ
الســـفر للمحبـــوب وتلاگي الحبيب ** لابـــد تهيّـــــأ متاعك للــرحيـــل
وتســتعد لا تنحــرم من ها لنصيــب ** و إجمع أفكارك و إخلص للخليل
و إختبر نفسـك وخاطــــر ما تخيب ** صّـــفي النيّــه و تـوّجــه للجليــــل
و إخشـــع بها لباب من گلب منيـب ** و إنحني بأعتابها خاشــــع ذليـــــل
تشم من عدها المسـچ و يضوع طيب * من أرض سامره يحله بيها الســمر
البيها عشــــگي وكل ملايين الأنـــام ** الهمــت بيه هذا الإمام المنتظـــر
ــــــــــــــــــ 3 ـــــــــــــــ
لو نشــدت شــــلون غايب بيه تهيــم ** إنتـظــر رديتك وعنــدي شــهــود
الشمس حين تشــوفها و يحجبـها غيم ** عا لأرض با لفائـده حتمـا ً تجـود
هـذا جــّده المصطفـه من العليــم ** أحمــــد بأفضاله أســـــرار الوجــــود
هذا إبن حســــين والنهـج القـــويم ** والله أضفه عليه أســرار الـخــلــــود
هـذا غايبنـــه نعيـــم الله المقيــم ** هـذا عَـــدل الباري لو شــخصه ظهـــر
بعـد تعــــذرني إذا گلت الهيــــام ** عليّــه سـيطر و أخـذ ســـمعي والبصر
ــــــــــــــــــ 4 ــــــــــــ
عليـــه الآيــه يا بقيـــة الله خيـــــر** ليه أشــــار الباري بكتابــه المجـيـــد
و نعمة الله الســـابغه ولطف القــدير** وهذا بئر معطلـه وقصـــر ٍ مشـــيد
ألقابه وأســـماءه العقـــل بيها يحيـــر** ميـّــه وثمانيـــن وعليها تــــزيـــد
أســــماءه من ذات الإلـــه بلا نظيــر ** و الأديان السابقه بإســـمه تشـــيد
عله القـداســــه هذه الأســماء التشــير** خل نشـوف الكتب وأعلام الســير
هذا عــدله إنذخــر مو بس الإسلام ** يعود بيه عدل الوصي فارس مضـر
ـــــــــــــــــــــ 5 ــــــــــــــــــ
هــذا نــور البيه تتــّـم الأوصيـاء ** وبالعــرش مكتـــوب قائم ها لأطـهــار
على الملك والأوصيـاء والأنبيــاء ** تميّـــــز و بيـــه خاتمـــة كل الأدوار
مهــدي و حروفه رمز عدل السـماء** الميم شـــّـع الليله مصــدر للأنـوار
الهــا هـداية الله والـــدال الـــدواء ** لكل ظلـــوم اليوم هّـل طالب الثــار
الياء يوم الخيـــر و يعّـم الـرخـــاء ** و تنعــم الأرض بأمن ينتهي الشــّـر
والعـدل يشـــمل الكل حتى الهــوام ** **ما تـــّـأذي و يرتفع منـها الخطــر
ــــــــــــــــــ 6 ــــــــــــــــ
هاي ليله المبتسـم بيها الوجـــود ** من أرض ســامره بزغ نجــم الوليـد
من الحسن صلب الطهر نعم الجدود ** و نرجس الأطهار عـدها الليله عيـد
حمله ما بيّـــن بتاريخــه يعــــود ** مثل موســـه أخفــــاه بارينه المجيـــد
و محنة ا ُم موســـه بفرعون ويهـــود ** والله طمأنها لحضنها بيه يعــيد
الحسن داره مراقبه بأمن وشــهــود ** من بني العباس وأســـباب الحــذر
عرفوا المهدي الوصي و هــّوه الإمام ** تصّوروا يخفون من عنـده الأثــر
ــــــــــــــــــــ 7 ــــــــــــــــــ
شوكت نسمع صرخه وبصوت اليقين ** قائم آل المصطفه ببيت الحــرام
ظهـــر و أول بيعـــه جبــــريل الأمين ** يبايعه ما بين ركنـــه و المقــام
و صوب بيت أحـــزان بت طه الأمين ** شابح العين و ذكر غـــدر اللئام
و يبـــدي بأول ظالم و طاغي و لعيـــن ** هـــذا أول ثار بأولاد الحـــرام
شوكت أكحل بطلعتـــك ســيدي العين ** و يجي يدور الدور لأولاده لزفر
الشفنه منهم ضيم كل هــذي الأعوام ** بعد فگـــد المصطفه ســيد البشــر
ـــــــــــــــ 8 ـــــــــــــــــ
وأرجع لتفســـير و لـرمـز الحــروف ** الميم معشـوق الحيـاره الخائفين
الهـا هيــام المحب والگلب الخـــذوف ** بحبه هـــام وهذا يعتقــده بيقيـــن
الــدال تعني بيه دليــل و بيه شــغوف ** گلبي و إنتظــره عله مّـر السـنين
الياء يسـري و يه الدمه ودم الطفــوف ** چنها تصرخ يا لثارات الحســين
كـربله تســتصرخ تــريد الحتــوف ** بسـيفه يسقي ولو لعــد جـّده حضـر
يســمع من القبـر مــو طال المقــام ** خــُـذ رضيعي هـذا محـزوز النحــر
ـــــــــــــــــــــ 9 ـــــــــــــــــ
شوكت يا يوم اليجي دور النحوس ** الجــّرعونه الضيم و الذل و الهـــوان
مـــرّه مّرتــدين لو مـــرّه مجـــوس ** بذبح مالك مــن بــداه ذاك الجبــــان
و مرّه عـدهم يرجع الشــيعه بطقوس ** لوهم عبد الله ســـبأ صار الإعـلان
و وصل بينه الزمـــن لأولاد التيـوس ** لتــورا بــورا من حمير الطالبـــان
شــــلون با لفكره جمـــد صابه اليبوس ** تقنعه و تگله شــــنو ملا عمــــر
مســـتحيل يســــير خطــوه للأمـــام ** يرد ميـــل يوصّــفك عابـــد حجــــر
ـــــــــــــــ 10 ــــــــــــــــــــ
مصيبه يا لمهـــدي لفكرهم كل علاج ** ما كــو غيرك بيه نلوذ و ينـــّدب
ذوله مســـخ الفكــــر أشــباه النعـــاج ** و المصيبه إسلام لمن تنحســــب
شـــلون نتنــّطر لها لعقــــده إنفــراج ** و بعض شيعتنه سـلك نفس الدرب
مـدري أشـــكك بيه مــــدري من النتاج ** لإبن أبو ســـفيان لمن ينتســـب
و الذي بأفكاره مرســـوم إعـــوجاج ** ينعـــدل هيهات و يـــرد الضـــرر
عله المـــذهب وأختم بشـــعري الكــلام ** بالصلاة عله النبي وآله الغــرر
تـــــــــــــــــــ 11 ـــــــــــــــــــمت
منقوووووول
تعليق