ببساطه شوفوا عليوي شلون تصرف في هالموقف
كان عليوي مسرع على شارع الخليج و صاده رادار السرعه... وقفه الشرطي على اليمين و دار بينهم هالحديث
الشرطي : شعندك طاير ؟؟ عطني الاجازة لو سمحت
عليوي : آسف والله إجازتي ملغيه لأنها منتهيه من زمان.و لا جددتها
الشرطي : انزين عطني دفتر السيارة
عليوي : هذي مو سيارتي .. بايقها
الشرطي : تقول بايقها ؟؟؟
عليوي : إي بايقها ، بس لحظه تذكرت ،كني شفت ادفتر بالدرج لما حطيت مسدسي فيه
الشرطي: معاك مسدس بالدرج بعد ؟؟؟
عليوي: إي مسدس ، حطيته بالدرج عقب ما ذبحت راعي السياره و حطيته بالدبه
الشرطي: و في جثة معاك بالسياره بعد ؟؟؟
عليوي : إي نعم !!!
المسكين الشرطي سمع هالحجي قام علطول و صوب مسدسه على عليوي و قاله و لا حركه، و كلّم الضابط المسئول و بلّغه عن عليوي و سوالفه و بسرعه يت سيارات الشرطه و حاصروا عليوي ... المهم ما أطول عليكم ... قرّب الضابط يم سيارة عليوي و قال خلني أتأكد أول
الضابط : ممكن أشوف إجازتك ؟
عليوي: أكيد تفضل و كانت الرخصة سليمه
الضابط: من سيارته هذي ؟
عليوي: هذي سيارتي و هذا دفتر السيارة
الضابط : ممكن تفتح درج السيارة بكل هدوءعلشان أشوف اذا فية مسدس ؟
عليوي: على هالخشم .. بس ترى ما في مسدس بالدرج .. حتى شوف بنفسك ما في أي شي
الضابط: شي غريب ..الشرطي اللي وقفك قال انه ما عندك إجازة و لا دفترو السيارة اللي انت فيها مبيوقه و عندك جثة بالدبه
عليوي : بل بل بل ...الله يغربل ابليسه .. الكذاب ... مو ناقص الا يقول اني كنت مسرع بعد؟؟؟؟






وصلني عبر الايميل