تويت
القصيده بحق الطفل الرضيع عليه السلام ...مع الصوت
بسم الله الرحمن الرحيم
اللهم صل على محمد وال محمد
القصيده
موشح
عبد الله الرضيع
عليه
السلام
*
يعبد الله الگطــع مابينك إوبيني ... سهم مصيوب ريته إتصوب العيني
*
يريته إتصوب العيني ولا شوفــك ...تفرفح بالگمــــاط وتومي بچفوفك
سهمك خان بيه وخان بظروفــــك ... عامني سهـــــــــم فرگاك عاميني
*
سهم مصيوب ريته إتصوب العيني
*
عاميني عساً يالراحة أحلامـــك ... چنت أنتظر وأحسب فرحة أيامك
أحلامك صفت وتلاشت أحلامــك ... وأصبح بس حــلم عمرك يسليني
*
سهم مصيوب ريته إتصوب العيني
*
تسليني ييمـــــــه إوظنتي تكبر ... وأشوفك بالمــــــهد تلعب وإلي منور
والله إيطيح گلبي لو ردت تعثر ... وعثرني زماني إوضاعت إسنيني
*
سهم مصيوب ريته إتصوب العيني
*
ضاعت يالچنت بگلبي تدفـــه ... وإعيونك تنام وعيني ماتغفــــه
الف وسفه يعبدالله الف وسفـــه ... بگت ذكراك والآهــــات وإونيني
*
سهم مصيوب ريته إتصوب العيني
*
أذكر من چنت أتعنه يم مـهدك ... أشيلك عالصدر وأشتم عطر ودك
يعبد الله لون حبيتك إبخــــدك ... تضحكلـــــي وأناغيك وتناغيني
*
سهم مصيوب ريته إتصوب العيني
*
أبوسك عالخدود ومبسمك يضحك ... وأخاف عليك من إرموشي لتجرحك
يبني أشلون سهم النايبه يذبحك ... ياذيني منذكر السهم يايمه ياذيني
*
سهم مصيوب ريته إتصوب العيني
*
أويلي أشلون أعمه الگلب ما شافك ... تلوب من العطش وإتحرك إشفافك
وماعافك يعبدالله ولا عــــافك ... رماك ومن رماك إنهدم كل حيلي
*
سهم مصيوب ريته إتصوب العيني
*
رماك ومارحم لابوك لا إمك ... وحليبك ياچبدتي إنخـــبط وي دمك
أحير بهم أبوك إحسين لوهمك ... رسيني علــــــى فد راي رسيني
*
سهم مصيوب ريته اتصوب العيني
*
بالدم والحليب إنصـــــبغن إثيابك ... وللخيمة ييمه والدك جابك
وعلى مصابك هوت روحي على مصابك ... القدرصابك حسافه يابعد عيني
*
سهم مصوب ريته إتصوب العيني
*
وحده إتصيح خافن ضيگ إگماطه ... وحده إتگول خلي نفتح إرباطه
دليلي إشلون ما تتگطع إنياطه ... يعبد الله وسهم الگدر واليني
*
سهم مصيوب ريته إتصوب العيني
*
رمله إتصيح ميت لو عدل بعده ... وسكنه تگول نايم لحد إيگعده
صحت بصوت عبدالله گرب وعده ... يبو السجاد سهمه گص شرايني
*
سهم مصيوب ريته إتصوب العيني
*
إريدن للنجف إشلون ماأدري ... لبو الحسنين ينهض سلبوا خدري
ويشوفك ييمه ومنحرك يجري ... شربة ماي حالت بينك وبيني
*
سهم مصيوب ريته إتصوب العيني
*
تمت
عسى ان تتقبل رضاكم
تحياتي
نسألكم الدعاء
بسم الله الرحمن الرحيم
اللهم صل على محمد وال محمد
القصيده
بحق الطفل الرضيع
عليه السلام
بصوت الرادود
خادم
الحسين عليه السلام
الحاج
ابو السلامي النجفي
ونسألكم الدعاء
ادخل
على الرابطhttp://www.9q9q.net/up3/index.php?f=qpOmKJNlI
__________________
تعليق