تويت
بسم الله الرحمن الرحيم
السلام عليكم ورحمة الله وبركاته
للامام السجاد زين العابدين(ع) ومسيرة حياته والامه .. اقول
اسال زماني..... منك شجاني
شبل النبي المختار.....والفحل حامي الجار
بسمه رماني
اسال زماني اليوم.....وانه ابحيره
ام الخدر ياناس ..... تصبح اسيره
عفنه الوطن والكوم....عفنه الديره
حال السكم والنوح ....حاله عسيره
لا ذله لا للعار..... نحيه ونموت احرار
بهاي المعاني
نحيه ونموت اعزاز......علمنه حيدر
كالاهه ابوي احسين....كلا للمنكـر
نهج الرسول ايكون....منه االبشـر
ساس العدل للناس....امي الكوثـر
حتى بكبره اسرار....من يمهه ال معبار
يالجنت عاني
يالجنت عاني حسين....لكبره تزوره
كوم اعتني السجاد.... واشعل بخوره
هو وصاحبه اهناك....تشملهم السوره
ولحبيب انه اعنيت...هو وحـــوره
ذوله حماة الدار..... بالدنيه النه انوار
فوك المباني
نور الارض سجاد ...... ابن الزجيه
بيهم علوم الله.....خير البريـــه
الهم شفاعه اهناك....والطب اليـه
الرحمه عدهم ساس....ولده ونبيه
بيك الفكر لوحار ...... بس اندب الكرار
تحصل اماني
اسم الله بيهم صار .....واكتمل دينه
كال الرسول اسنين.... احنه المدينه
خيري البريه احسين....واهله السفينه
كال الرسول احسين...وانه احسينه
دمي بدماه اندار....احسين ابو الثوار
صوت اللفاني
لخادم اهل البيت
اخوكم
ابو علي السعيدي
تعليق