تويت
اخذ كَلبي امانه وياك
***********
تانيني اريد انخاك يالـكَـاصد لبو اليمه
اخذ كَلبي امانه وياك شوفه كَـابع ابهمه
(1)
يالرايح تزور حسين تانيني اريد انخاك
طلبتي وحده يا زاير اخذ كَلبي أمانه وياك
وما بيهه كلافه عـليك لو طبيت بيه اهناك
الك لو بانت اعـتابه
وكَبل لا توصل لبابه
كَـلبي الفاجد احبابه
اخاف عليه ما يهجع بيدك هالـكَـلب لزمه
(2)
يزاير كَلبي من سنين يحـن يشتاكَ للحضره
شال من الحنين جروح وصارت بيه الف طبره
الك يا زاير ارد اوصيك بجاه الطاهره الـزهره
اذا توصل ضريح حسين
وتهل دمعاتك من العين
تذكر هالوصيه زين
رهيف وعـينك الدلال بالك بالك اتلـﭽـمه
(3)
ومن تدخل ضريح حسين وتشوف مزاحم الزوار
وتشوف الناس ملتمه شحلاهه ازغارهم واكبار
وتطب من تعـقـد النيه وتدور على الضريح ادوار
بهذيج الساعة أنه اريدك
تحط كَـلبي على جيدك
واسنده على الصحن بيدك
ومثل ما تشتم اطيابه اخذ لي وياك بس شمه
(4)
هـم بينه الزمان ايعود يزاير هـم يرد ويدور
ونركض ركضة طويريج يوم العاشر بعاشور
ومشاعـل نرفع ورايات كل مشعل يضوي بنور
حلم يازاير وبينه
كبر بيامه وسنينه
واخاف الموت يلفينه
بغرب والجسم عن حسين يصير وبالغرب طمه
(5)
صار سنين يا زاير ما مـشـتـم رياحـيـنـه
اخذ كَـلبي يبعـد الروح وامسح لي بحياطينه
تراهو صبح مثل الطير لو كسروا جناحـيـنه
يـكَضي العمر بالونه
حـكَـه مفاركَ الجنه
وانه يا زاير اتمنه
لو يوم المنيه ايحل رايد اندفن يمه
(6)
وبعد مر لي يزاير طوف بكتار الصحن ذرعـه
وأوكَف عند الاكبر عود واذرف يمه الدمعـه
ولعد جاسم اخذ وياك واعـلـكَ بالصحن شمعـه
ورد هالنوب للانصار
حبيب وصحبته الاطهار
واذكر بيهم شما صار
أصحاب الوفه ونعمين كل واحد فـده بدمه
(7)
يزاير واكَصد العباس من تتوادع وي حسين
ا كَـعـد يم ابوفاضل واذكر كَطعـت الـجفين
وي زوار راعـي الجود لا تبخل أبدمع العـين
وصـد للخيمـكَـه بعينك
وليهه كـثر ونينك
تون وكَـليبي يعينك
ومثل ما زينـب اتحشمه اريدك هالمســه أتحشمه
(8)
وبعد متودع العباس يزاير لو نويت اتعود
خل كَـلبي يظل اهناك عــليه لا ترده اردود
بعينك شفته يا زاير تراهو من البعـد ممرود
يزاير عوف كَلبي هناك
لـــيه لا ترده وياك
اخافن دنيتي ودنياك
حتى من الحلم دنياك خافن يوماً اتحرمه
***********
تحياتي لكم
ضايج من الغربة
11/3/2003
***********
تانيني اريد انخاك يالـكَـاصد لبو اليمه
اخذ كَلبي امانه وياك شوفه كَـابع ابهمه
(1)
يالرايح تزور حسين تانيني اريد انخاك
طلبتي وحده يا زاير اخذ كَلبي أمانه وياك
وما بيهه كلافه عـليك لو طبيت بيه اهناك
الك لو بانت اعـتابه
وكَبل لا توصل لبابه
كَـلبي الفاجد احبابه
اخاف عليه ما يهجع بيدك هالـكَـلب لزمه
(2)
يزاير كَلبي من سنين يحـن يشتاكَ للحضره
شال من الحنين جروح وصارت بيه الف طبره
الك يا زاير ارد اوصيك بجاه الطاهره الـزهره
اذا توصل ضريح حسين
وتهل دمعاتك من العين
تذكر هالوصيه زين
رهيف وعـينك الدلال بالك بالك اتلـﭽـمه
(3)
ومن تدخل ضريح حسين وتشوف مزاحم الزوار
وتشوف الناس ملتمه شحلاهه ازغارهم واكبار
وتطب من تعـقـد النيه وتدور على الضريح ادوار
بهذيج الساعة أنه اريدك
تحط كَـلبي على جيدك
واسنده على الصحن بيدك
ومثل ما تشتم اطيابه اخذ لي وياك بس شمه
(4)
هـم بينه الزمان ايعود يزاير هـم يرد ويدور
ونركض ركضة طويريج يوم العاشر بعاشور
ومشاعـل نرفع ورايات كل مشعل يضوي بنور
حلم يازاير وبينه
كبر بيامه وسنينه
واخاف الموت يلفينه
بغرب والجسم عن حسين يصير وبالغرب طمه
(5)
صار سنين يا زاير ما مـشـتـم رياحـيـنـه
اخذ كَـلبي يبعـد الروح وامسح لي بحياطينه
تراهو صبح مثل الطير لو كسروا جناحـيـنه
يـكَضي العمر بالونه
حـكَـه مفاركَ الجنه
وانه يا زاير اتمنه
لو يوم المنيه ايحل رايد اندفن يمه
(6)
وبعد مر لي يزاير طوف بكتار الصحن ذرعـه
وأوكَف عند الاكبر عود واذرف يمه الدمعـه
ولعد جاسم اخذ وياك واعـلـكَ بالصحن شمعـه
ورد هالنوب للانصار
حبيب وصحبته الاطهار
واذكر بيهم شما صار
أصحاب الوفه ونعمين كل واحد فـده بدمه
(7)
يزاير واكَصد العباس من تتوادع وي حسين
ا كَـعـد يم ابوفاضل واذكر كَطعـت الـجفين
وي زوار راعـي الجود لا تبخل أبدمع العـين
وصـد للخيمـكَـه بعينك
وليهه كـثر ونينك
تون وكَـليبي يعينك
ومثل ما زينـب اتحشمه اريدك هالمســه أتحشمه
(8)
وبعد متودع العباس يزاير لو نويت اتعود
خل كَـلبي يظل اهناك عــليه لا ترده اردود
بعينك شفته يا زاير تراهو من البعـد ممرود
يزاير عوف كَلبي هناك
لـــيه لا ترده وياك
اخافن دنيتي ودنياك
حتى من الحلم دنياك خافن يوماً اتحرمه
***********
تحياتي لكم
ضايج من الغربة
11/3/2003
تعليق