تويت
يطكَـ بركان بيه من النداوه *** مـن يشتاكَـ كَلبي للسماوه
***
يطكَـ بركان بيه وألتهب نـار
مـن يشتاكَـ كَلبي لذيج الديار
أبد مرتاح ساعه بهاي الأسفار
عاف الفـرح وي الهـم تخاوه
***
تخاوه وي الهظم والنوح والونه
يلوج اهموم والحسرات لاجنه
شتظن يرتاح باللي يفكَد الجنه
يهيد شلون عاف اربوع ســاوه
***
يهيد شلون لمّن عاف الأوطان
حكَهه من تشب بالروح نيران
طـر جدمي درب بالحسبان ما جان
ونصب دهري عكَب أهلي عداوه
***
نصب دهري عداوه وشن الحروب
عليه وطشر الأحباب كل صوب
خلاني وحيد بغربه مذبـوب
ورد لي النوب وبحيله ايتلاوه
***
رد وصد عليه النوب عناي
نشيط وراد وكتي يلتوي وياي
مثل طير الوكَع مكسور بالماي
وجف جاهل يكضه بكل شقاوه
***
يكضه الجاهل وينتف الريشات
يجـغـص بيـه ما هـمـته النـكَــرات
يوصوص مو فرح من لوعة الجغصات
اللعب عنده وكسر ظلعي تساوه
***
تساوه اللعب عنده وظيم الوياي
وقست ياناس حيل وياي دنياي
كَمت أشركَـ واغص بشربة الماي
وجرح كَـلبي ما أظنه ايتداوه
***
ما أظن جرح كَلبي يشفه ويطيب
اهو شله بحياتي اليصبح غريب
لبس راسي بياض وغطه الشيب
وطعم العلكَــم بحلكَي حـــلاوه
***
حلاوه العلكَم بحلكَي ولهاتي
حرامات بغرب خلصت حياتي
اريدن بالوطن ساعة مماتي
ونعش جســمي تشــيله أهل السماوه
*********************
تحياتي لكم
ضايج من الغربة
***
يطكَـ بركان بيه وألتهب نـار
مـن يشتاكَـ كَلبي لذيج الديار
أبد مرتاح ساعه بهاي الأسفار
عاف الفـرح وي الهـم تخاوه
***
تخاوه وي الهظم والنوح والونه
يلوج اهموم والحسرات لاجنه
شتظن يرتاح باللي يفكَد الجنه
يهيد شلون عاف اربوع ســاوه
***
يهيد شلون لمّن عاف الأوطان
حكَهه من تشب بالروح نيران
طـر جدمي درب بالحسبان ما جان
ونصب دهري عكَب أهلي عداوه
***
نصب دهري عداوه وشن الحروب
عليه وطشر الأحباب كل صوب
خلاني وحيد بغربه مذبـوب
ورد لي النوب وبحيله ايتلاوه
***
رد وصد عليه النوب عناي
نشيط وراد وكتي يلتوي وياي
مثل طير الوكَع مكسور بالماي
وجف جاهل يكضه بكل شقاوه
***
يكضه الجاهل وينتف الريشات
يجـغـص بيـه ما هـمـته النـكَــرات
يوصوص مو فرح من لوعة الجغصات
اللعب عنده وكسر ظلعي تساوه
***
تساوه اللعب عنده وظيم الوياي
وقست ياناس حيل وياي دنياي
كَمت أشركَـ واغص بشربة الماي
وجرح كَـلبي ما أظنه ايتداوه
***
ما أظن جرح كَلبي يشفه ويطيب
اهو شله بحياتي اليصبح غريب
لبس راسي بياض وغطه الشيب
وطعم العلكَــم بحلكَي حـــلاوه
***
حلاوه العلكَم بحلكَي ولهاتي
حرامات بغرب خلصت حياتي
اريدن بالوطن ساعة مماتي
ونعش جســمي تشــيله أهل السماوه
*********************
تحياتي لكم
ضايج من الغربة
تعليق