اللهم صل على محمد وعترته واحشرنا في زمرته وبوئنا معه دار الكرامة ومحل الأقامة
سلام الله ومنّه وامانه ومننهِ وأحسانه عليكم


جميل ان يكون لدينا حماس لتعلم والسعي خلفه ولكن الاجمل ان لا نتوقف عند نقطه معينه ونخمد هذا الحماس
ارى ان الاخ الفاضل اكتفى بالتفرج على الموضوع

المهم بعد اذن الأخت الفاضله فقط اردت ان اوضح شغله ان اغلب المواقع تعطي صورة جليتر غير مفككه لهذا اول خطوه هي تعلم كيفية تفكيك الجليتر

و الجليتر عباره عن عدة طبقات تبدأ من أثنتين الى مايحددهُ صانع الجليتر فقد تصل الى عشرين طبقه واكثر وحتى تستفيد منه لابد ان تفكك هذا الجليتر الى طبقاته الحركيه وبالاستعانه باطار الحركه في برنامج الايمج ( وهو برنامج ملحق بالفوتوشوب ) تستطيع ان تحصل على رسم او خط مغطى بهذهِ اللمعه


طريقة تفكيك الجليتر
1) لو دخلنا لهذا الموقع مثلاً

http://www.geocities.com/elsa2421/gl..._patterns.html

فقط تختار الصورة اللي تريدها وتحفظها بالجهاز مثل هيج




2) نفتح برنامج الايمج وتجدهُ اما :
• بالذهاب الى ابدأ >> كافة البرامج >> وتلاقيه بأسم Adobe ImageReady 7.0.1 ME
طبعاً الرقم اللي يمه هاي الاصدار اللي عندك اني عندي الأصدار السابع

• او اسرع شي انك تفتح الفوتوشوب ومن قائمة الادوات تضغط على زر الانتقال الى الايمج كما في الصوره




3) فقط تتاكد هل اطار الحركه موجود لو لا
• اذا موجود مثل الصوره تنتقل للخطوه الرابعه



• لو مو موجود يعني فتحت الصفحه ومحل اطار الحركه فاضي بس عليك تسوي جلب لهالاطار وهاي بس :
تضغط على ( اطارات ) وتحط اشارة عند ( حركه ) وراح يظهر الاطار في الاسفل




4) هسه نجي لتفكيك تختار من قائمة الاوامر في الاعلى ( ملف ) وبعدها ( فتح )




• راح يظهر اطار يحتوي على الصور مالتك فتختار صورة الجليتر اللي خزنته




• بمجرد ما تختاره راح يظهر وراح يتفكك طوالي باطار الحركه لطبقاته
هسه بصورة الجليتر اللي اخترناه بس اله 3 طبقات بس مثل ما خبرتك احتمال اكثر




5) لحد هنا نكون خلصنا شغلنا بالايمج وهسه ننقل الجليتر المفكك الى الفوتوشوب وبس بحركه بسيطه انك تضغط على زر الانتقال الى الفوتوشوب من قائمة الادوات




6) لما ننتقل الى الفوتوشوب راح تلاقي الطبقات في اطار الشفائف على ايدك اليمين




7) اهم خطوه هي حفظ هاي الطبقات داخل اطار الحشوه او التعبئه لحتى من تريد تستخدمها بياوقت تلاقيها جاهزه وراح يكون شغلك كله على بس اطار الشفائف
• اول خطوه تضغط على الطبقه الاولى واللي تكون بالاسفل لان ترتيب الطبقات يكون ( من الاسفل للاعلى ) من تضغط عليها راح تلاقي يمها ظهر رمز الفرشه والعين
• وبعدها تزيل رمز العين عن باقي الطبقات . ولأزالتها فقط تضغط على رمز العين نفسه فيختفي




8) هسه بس تضغط من قائمة الاوامر اللي فوق على كلمة ( تحرير ) وتختار من القائمه ( تحديد الحشوه )



• راح يظهرلك اطار مكتوب داخله اسم الصورة . عادي انت تقدر تغيره وتحط مثلا رقم (1) لحتى من تجي تستخدمه تعرف ياطبقه استخدمت . وتضغط موافق




9) هسه نكرر نفس الشغله السابقه اللي ذكرناها بـ 7 يعني
• تضغط على الطبقه رقم (2) .. وتشيل العين عن الطبقه الاولى




• تروح لقائمة الاوامر تختار ( تحرير ) بعدها ( تحديد الحشوه ) بعدها يظهر الاطار تكتب بيه الاسم وليكن رقم ( 2) وتضغط موافق




10) نكرر نفس القصه ويه الطبقه رقم (3) حتى نحفظها ولو جان عدنا بعد اكثر نسوي نفس الطريقه ويه الجميع ..
وبهالشكل نكون حفظنا الجليتر اللي نريده بالفوتوشوب


11) لو رايد بس تتاكد ان الجليتر موجود
• تضغط من شريط الاوامر على ( تحرير ) بعدها تعبئه



• راح يظهر اطار وبيه صور الجليترات اللي انت مفككها



ملاحظه : احتمال هاي الاطار يظهر بس ماتطلعلك طوالي الصور انت بس تختار كلمة حشوه من المستطيل اللي مكتوبه بيه في الصورة فوق وتطلعلك لان هالاطار بيه ثلاث خيارات لتعبئه .

وبس هاي بالنسبه لتفكيك الجليتر وبيا يوم اجى ببالك تسويلك رسم او نص كتابي مغطى بلمعة الجليتر
تبدا بس من فتح عمل جديد وتكتب النص او تشتغل على الصورة اللي ببالك مثل ما ذكرتلك الاخت الفاضله بالنسبه لطريقة الكتابه

واذا اكو اي استفسار لا تتردد الشغله مابيها تعب ولا زحمه المهم توصل الى الشي اللي تريد تتعلمه
ومعذرة لان الفوتوشوب عندي بالعربي بس ان شاء الله بالمقارنه ويه الصور تستفيد


في حفظ الله ورعايته

اللهم صل على محمد وعترته واحشرنا في زمرته وبوئنا معه دار الكرامة ومحل الأقامة

تفضلوا :
هاي بعض الجليترات لاسمكم

.......

.......

.......

وهاي مواقع تحتوي على جليترات منوعه

http://auburn_angel1.tripod.com/aagraphics/id16.html

في هذا الموقع فقط الصفحات الاخيره المميزه اما الاوائل فيها عاديه

http://www.geocities.com/elsa2421/gl..._patterns.html

http://seira55.tripod.com/glitterfiles2.htm
http://www.russadir.net/GlitersPSP.htm
http://www.scri8e.com/stars/flashites/





في حفظ الله ورعايته