حركات بعض البنات اثناء المذاكرة ....



هذي حركات بعض البنات اثناء المذاكرة ..

وبدون زعل ..

1- الثلاث وجبات الرئيسية لازم تقعد عليها أول وحده وماتقوم الا آخر وحده ..جوعانة المسكينة ياحراااام ،، واحيانا تزيد

وجبات اضافية اذا كانت المادة دسمة ..

2- تقعد تسوي نفسها طفشانه وتعبانه ويااااااربيه ماني قادرة اذاكر مدري وشفيني ..

حاسة بكتمة يمه ..الظاهر احد قاري علي والا صاكني عين ..و تقعد امها تقول باسم الله عليك.. تعالي اقرا عليك

يابنيتي..

كل هذا عشان اذا سقطت يقولون عين..>>> طبعا مهب الكل >>> فقط للكسالى

3- بعضهن ينزل عليها وسواس نظافة ايام الامتحانات تتروش الصبح والليل وتستشور .,

شعرها كل مرة طبعا مايصير تخليه يخرب وبكره كيف تروح الجامعة والكتاب على جنب ...

طبعا هذي من واجباتها اليومية ماتقدر تتركها عشان تذاكر مايصير..

4- وهذي تترك الكتاب على جنب وتقوم تقيس فساتين السهرات اللي عندها عشان بعد..الاختبارات على طول فيه عرس

فلانه بنت فلان لازم تحدد وش تلبس من الحين ..لا وبعضهن ليلة الاختبار عند الخياطة رايحه تسوي بروفه .الله من قل

الدبره بس..

5- وبعضهن تنزل عليها صلة الرحم فجأه تقوم تكلم وحده من صديقاتها القدام من زمان ماكلمتها ..تبي تشوف وش صار

عليها وتشغلها عن المذاكره ..

6- وهذي تنزل عليها الشطارة فجأة تقوم تسوي العشا لاهلها..وتغسل الصحون عن الشغالة وتقولها اطلعي نامي انتي

خلاص انا اكمل..

7- وهذي مبتليها ربي بحب الجوال قالبتها تشات حشا مو مسجات وماتصحى على نفسها الا قبل الفجر بساعتين.

-8 وهذي المسكينه اللي من قل الحيله توجع القلب لاقفلت معها قضبت المخده ونامت لين تصحى وتقول يووووووه راحت

علي نومه..

9- وهذي ايام الامتحانات تنزل عليها حالات غريبه كل شوي مشتهيه اكله معينه

وماتلقى السواق الا رايح جاي رايح جاي ..يعني اذاكر ..وامها ايه يابنيتي وش

تبين بس ..قال ايش تبي تساعدها عشان تفتح نفسها للمذاكرة وما تدري ان كل ذا هروووووب ..ذا النوع ماتنتهي

الامتحانات الا وهي زايده 4 كيلو.


.................................................. .................................................


بس فيه بعض البنات ماشاء الله تبارك الله ....يحبون الدراسة يموتون في شي اسمه مذاكرة
هم عارفين انفسهم .....................ماقووووووووووووووووووووووول إلا


الله يوفقهم


ههههههههههههههههههه

((يابنات بدون زعل حبايبي أنا ما أقول الجميع ))