تويت
السلام عليكم
حياكم الله
كم بيت لموطني العراق
ارجو ان تنال رضاكم
ياوطن يالـﭼنت ملفة الـــــكل غريب
اشمالك وياعين حــــــــــــدّك صابته
ياعراق اجـــــــروح كثرة وماتطيب
كل جــــرح لتدحـــﭼـة تكتل شوغته
توجر الجلمة بلســـاني اشما اگــــول
وتحرگ الدمعه المصاب الشـــــافته
ياوطن مثلك بلاد الــــــــــــرافدين؟
ايسيل غيره وفيضه غرّگ تــــربته
ﭼم جســـــــر طاح وگطع مجرىالفرات
.وگلي ﭼم عبوة اعله جامــــع نسفته
اخ يمراكض هميم اعله الصــــــلاة
حفرت بصدره الرصاصــــة وكتلته
وعفية حيل اعلة امه وگفت بس تنوح.
هبّطت راس اعلــــــه ابنهه وشبگته
اتحط حلگهه بحلگه واتسيل الدموع
وتمسح بشيلتهه دمـــــــــــــه وشمته
واخ يمراكض طفل من خوفة طاح
وطــــــوّل بصف الرصيف بخنسته
جيت اشيلة ولنه جثة ابلايـــــة راس
فصلت الـــــــــراس الشظية اللاحته
وعفية عين الماعمت لمّن تشــــوف
طفل ناغى بحضن امـــــه الحضنته
هالطفل حي شفته بــــــي شم الحياة
لاﭼن امه الطاحـــــت ودم رضعته
ألك الله ياعراق
تحياتي
ابو رضا السماوي
الثانية
تعليق