عهـد روحي
*********
لـون كل الشجر اقلام وحبر ماي البحر
وكل الكـون الـك دفتـر
ولون جن وانس مولاي من آدم لحد هالسـاع
والمنهـم جاي وتأخــر
اذا رادت شـعر تكـتب عـنـك والمـلك تحـــــــــــــــــــضر
مـا توصـف ظـفر منـك وجـذب من كَـال آنه أكَــدر
عذراً سيدي ومولاي اذا عـبدك بالشـعر كَــصر
ســيف الله وما يعرف أكَـراب أنت وبالعـدل بــــتـّر
مـنو مثلـك فـده الأسـلام قاتل جاهـد وكــبر
ولـو ردنـه نعدد كل صـفات البيك دفتر نطوي بدفتـر
عَـِلم
أنت العلم والباب ومنـك كَـام يتفجـر
كـرم
الكرم جابك يداحي الباب وغيرك ما ولد عسـر
شـجاعه
تسـابـكَ وي المـوت يشـهدلك حصـن خيــــــبر
لغـز بسـمك ترك رب الكـون وماظـن فد يوم يتفسـر
أنت عـلم الله ورسـوله ومو عـجيبه الكـون الك يفتر
مو حـكَـه الهـواك وبالغ بحبك وحـكَـه البيك يتحـير
عـلي يالحـيريت الناس مو حـكَـه الجدار الجيتك ينطر
عـلي من تطلـكَ امي تصيح يحظار الشدد احضر
علي من ذاك الوكت مولاي حبك بالـكَـلب خضر
علي وبروحي اصبحت تذكار شلتك بالـكَـلب منظر
علي طال البعد مولاي جـا يمته الضريحك اوصل وافتر
علي كل يوم اليمر نرجاه نكحل باجـر المنظر
علي والحبك والاك فاز وياك مايخسر
شفيعه وباجـر انته وياه تكضـه بسـاعة المحشر
حاشا هناك ماتنســاه
المثـلك ياعلي مولاه
عليه النار حاشـا بيوم تتجســر
علي وهاك اعترافي اليوم اخذه وسجل المحضــر
لـون كل الخــلـكَ عـدوان اليه وهم بعـد تكثـر
مـا اترك ودادك ياعلي وهيهات ولون اتـكَـطع اتوذر
وعهـد روحي يداحي الباب أكتبه وأختم المحضر
اضل الهج ابأسمك دوم لحد مايـكَـرب المحضر
وخـش ايدي بقفص صـدري والله واشـلع الدلال
لو لحظه يشـك بولايتك حيـدر
*****

تحياتي لكم
ضايج من الغربة