تويت
عباس طب المشرعه وسوى زلزال
كلهم يعرفونه ابن خواض لهوال
شتت العسكر وابنرىيذبح بالبطال
وبن سعد نادى حرمله وينك يا نبال
والشمر نادوه بعجل خل ايجي في الحال
صاح الشمر يابن سعد ابغي انا ارجال
توقف تجابه هالبطل في التو والحال
قلة استووا اربع فرق بحجار ونبال
وسيوف وياها بعد لرماح لطوال
هجموا عليه في المشرعه وقتلوه في الحال
جرد احسامه بو الفضل وتلقى لبطال
فرت مثل حمر النعم بتشوف رئبال
عباس ياسيف القضا ياموت لرجال
لولا المقدر تقطع يمينك ولشمال
انجان ما منهم بقى راجل وخيال
وحسين جاله من وقع عباس في الحال
قله انكسر ظهري يابن خواض لهوال
بعدك ياشيال اللواءعزي ترى مال
خلني بشيلك للخيم عن حر لرمال
قله يخويه بمطرحي خلني يمفضال
مقدر على نوح الحرم وصياح لطفال
كلهم يصيحون العطش والدمع همال
خلني اموت بمطرحي اشوى لي هالحال
تعليق