تويت
بسم الله الرحمن الرحمن الرحيم
السلام عليكم ورحمة الله وبركاته
كتبت هذه القصيده في سوريا ليلة البارحه؟؟؟؟؟؟؟؟؟؟؟
ياغريب اذكر هلك....واذكر اشكال المثل
كن اديب بغربتك......بين حيرة هل الملل
وجاوب انت بكل رتابه..... لواحد وعنك سأل
انت من ياديره انته.....وشنهو صنفك والعمل
وليش عايفه البلاد.....وليش اتركت الاهل
وياذنب انت الجنيته.....وكلي ياصوب الخلل
وجاوبيت بوجه عابس....بصوت تخترقه العلل
انا من اهل بالعراق......كثرت اهواي الزلل
انخرس صوت الحقيقه..... وحتى ذكر الله انهمل
وصارت الوادم مشركه......وساتر الحق انسدل
انا من اتركت اهلي....انعدمت اهناك السبل
والحرامي صار خير.....وصار صاحب للمحل
هو يامر بينه ينهي.....في جبالي والسهل
وصابت الاخلاق غمه......بسرعه من عم الجهل
وانتهت حرمة بلادي .....وشفنه انواع القتل
راحت ايام السكينه.....ونوجد بينه الشلل
هاي قصتي ياللي رايد.....وعني لو واحد سأل
بين افكر بين اعيش......بين اموت بهل الدول
لااحد يمسع الشكوى....بس عتاب وي المقل
حسرتى تبقى بكلبي.....ويبقى بس خير العمل
عزة الغربه مذله.....وعزتي بذل الاهل
[اخوكم
ابو علي السعيدي]
تعليق