تويت
قمر.......خالد قصه جنان لاتفوتكم السلام عليكم ورحمة الله وبركاته
كيفكم إن شاء الله الجميع بخير
حبيت اكتبلكم هذي القصه قريتها وصراحة عجبتني وحبيت إني أكتبها لكم وإن شاء الله تعجبكم مثل ماعجبتني وصراحة هي طويلة وراح تملون وتتطفشون لأنها أجزاء طويلة وكل جزء مقسم لفصلين وأكثر بس إن شاء الله تعجبكم ونبدأ مع القصه :
ملحوظة :
ابي تفاعلكم معاي في هالقصة اذا لقيت تفاعل راح اكملها مالقيت ماراح اكملها مع انه غصب عني بكملهاههههه بس ان شاءالله القى تجاوب منكم اوكي صار؟؟؟؟
:
:
:
:
:
:
:
:
:
:
:
:
:
قمر 00000خالد 0 0 للكاتبة :حمران النواظر
نبذه عن القصه.............
:
:
خالد .......
أمير أحلام ملايين البنات وسيم---أسمر---عريض---يحب الحب
وغروره واعتداده بنفسه لأنه عربي------كبير ........
حب بنت من كل أعماق قلبه ---- وعاش على حبها واضطر بالآخر إنه يدوس على قلبه وياخذ غيرها ----
اللي مسرع مااستوت أكبر زوبعه في حياته ..
قمر ........
حوريه بشرية ---- جمال ورقة وأخلاق وستر----
تربت بحظن يدها ----عاشت وكلت من يد الدين والأخلاق ----- تعيش الحب ----وتحلم للحب---- وتكتب بالحب---
ولكن أحلامها كلها تبخرت وكل أحاسيسها اندفنت لما تزوجت من ولد عمها خالد عشان مصلحة العايله.....
:
:
:
:
عايلة بن ضاحي-----
قبل 10سنوات كانوا من أفضل العوايل ---- عايلة معروفه عنها بمجال التجارة والحرفة والمقاولات----
اسم وسمعه – طيبه بالكويت ---- البداوة ظلت فيهم على الرغم من التحضر الواجب في هذا الوقت ----
بعد موت احد افراد عايلتها بحادثة انتقام قديم----- تقطعت الأواصر----- الكل ابتعد عن الثاني ----
المصارعات على المواريث---والثروة فرقت بين الأخ واخته----
ولكن زواج خالد وقمر --- بدأ منهال يديد بالعايله وفتح الباب امام العديد من الأواصر اللي راح تتجمع مرة ثانيه..............
:
:
:
:
في هذي القصه راح تتعرفون على ::::
الحب----------العايله----------احترام الكبير--------------واهم شي----------العلاقات الزوجية الإنسانية----
كيف من الممكن ان الحب ينولد من بعد الزواج ------وكيف ان هذي الظاهرة الجميلة انقضى عليها بالحب الفاشل والعلاقات الغرامية خارج إطار الزواج------
مني لكم -----------حمران النواظر ----------اكتب مشاعري -----------واكتب امنياتي -----------بالمستقبل اللي لابد أن يكون هو0000000000000
- - - - - - - - - - - - - - - - - - - - - - - - - - - - - - - -
- - - - - - - - - - - - - - - - - - - - - - - - - - - - - - - -
الجزء الأول
:
:
الفصل الأول000
في أكبر فنادق عاصمة........
وبأفخم صالتين بالفندق.......
كانت حفلة زواجهم .... خالد بن إبراهيم بن ضاحي على قمر بنت سعيد بن ضاحي........
الكل كان يتحسب لهذا الزواج ويحسب له ألف حساب ...........
لأن إن تزوج مدلل نيمه (خالد) على ربيبة سبع (قمر) كل الأماني راح تتحقق وراح تتحقق معاها الأواصر اللي تقطعت على مر السنين من بعد وفاة أكبر الأخوان عبد العزيز بحادثة إنتقام هشمت كل العلاقات وفرقت امبين الأخوان والأخوات وما كان شي بينقذ هالكارثة إلا زواج العيال ببعض .........
انيي أول للمعرس ------
خالد المحطم اللي انغصب على الزواج من بنت عمه عشان العايله واسم العايله ومصالح العايله------
اضطر إنه يدوس على أحلامه وحياته وأهم شي قلبه عشان هذا الزواج يتم-----
بصالة الرياييل الكل كان فرحان وكان مبتهج والدنيا مو شايلته ----- إلا خالد اللي كان يطالع الناس والإبتسامه البارده على شفايفه اللي ترتعش من الغيض والقهر والألم العميق---- يتذكر حبه العنيف لندى ويتذكر أيامه وياها بلندن والجامعه ---- اربع سنوات قضاها من أحلى سنوات عمره----- عاشها وكأنها آخر أربع سنوات بيعيشها بحياته ----- يطالع الناس بعيون حيرانه------ يناشد أبوه------ عمه الصديق جاسم------- أخوانه------ أهله------أصدقائه اللي انعزموا من كل بقعه وين ماكانوا -----بس------محد يسمعه-------يقبض على مسند الكرسي بكل قوته واهو يكظم غضب عميق------يحس نفسه مثل الكاسر المحبوس داخل قفص عظيم مايقدر حتى إنه يتنفس فيه--------حس إن البشت اللي عليه مثل سترات الميانين يحبسه عشان مايتحرك -------الوحيد اللي كان حاس فيه اهو عمه جاسم-------لأنه يعرف كل شي عن خالد وعن ندى ------ وعن علاقة الحب القوية لأن خالد كان يخبره بكل شي من الألف إلى الياء ------ جاسم عمرهـ 25سنه كبر خالد ------انولدوا بنفس الفترة----- وعاشوا وتربوا ويا بعض حتى إنهم استغنوا عن أصدقاء غير بعضهم بس يوم قرر إبراهيم ابو خالد إنه يدرسه برع البلاد اضطروا الصديقين إنهم يتفارقون بالجسد بس ظلوا مع بعض بالروح وما شاء الله وسائل الإتصالات اتوسعت وصاروا يخصصون يوم بالأسبوع يتقابلون فيه بالنت والكاميرا ويسولفون بالمايك ------
جاسم تقرب من خالد :: ياخالد حاول إنك تهدي روحك شوي احس ان الكرسي بينكسر اللحين خفف شوي من عصبيتك ........
خالد يهمس :: ماأقدر ياجاسم ----احس إني بموت ----- ماأبي هالزواج ---- شلون يزوجوني من بنت أنا ماأعرف عنها إلا إن اسمها قمر----- وأنا قلبي ينشد لندى-------
قاطعه جاسم :: صل على النبي يا خالد علامك طالع أبوك وعمك شلون فرحانين بالمناسبة ------ إنت تناسى حزنك شوي مو عشان شي عشانهم------
خالد وهو يهز راسه بقوة وصوت الطيران يدق براسه :: ما أقدر يا جاسم لاتطلب مني المستحيل ----- تدري شنو أفكر ----- أفكر أشرد ------ اشرد واحطهم كلهم جدام الامر الواقع------
جاسم هز راسه من كلام خالد وراح عنه ------ أخذ زاويه بعيده عن الفوضى واتصل بمريم أخت خالد-----
مريم تتكلم بصوت عالي :: هلا جسوم شصاير ؟؟؟
جاسم :: ماصاير شي ------ شنو هالهيله اللي عندكم والله وناسه -----
مريم :: ههههههههههههههههههههه أي والله الديجي لاعب بحسبتنا والأغاني على حدها ---------وناسه---
جاسم :: يا حظكم مو أنا يالس هني ويا هالمزاهيق ------ يرقصون على الطيران والطبول ------- ياخوفي أحد منهم يصيبه زار هههههههههههههههههههههههه
مريم :: هههههههههههههههههههههه يالله خلصني ليش داق ؟؟؟؟
جاسم :: عطيني ارفيجتج نور والله إنها غوتني -----
مريم :: جب ----- تدري عاد هي قالت نفس الكلام ----
جاسم :: ههههههههههههه ذبحتهاها ابالدشداشه ------ اهي متعوده علي بنطلون وقمصان ----- اوريج يابنت المصريه -----
مريم :: بس عاد ------ خلصني------ ليش متصل اللحين ؟؟؟؟؟
جاسم :: مريم ابيج توقفين يم خالد لين يدخل ولا تفارجينه ------- قاعد يخربط ويقول كلام يخرع 00000
مريم :: خير شصاير ؟؟؟
جاسم :: لا ولا شي بس اهو متضايق ليش ان الاهل قرروا عنه وعن مستقبله من دون ما يستشيرونه وقاعد يقول كلام اهو مايحس فيه ----- كل اللي ابيج تسوينه انج توقفين يمه ------وتحاولين تهدينه وعطيه عبارات تشجيعيه-----
مريم :: إن شاء الله عمي ما طلبت يا بو محمد ---- ها خلصت أوامرك ؟؟؟؟
جاسم :: لا والله وينها نور ؟؟؟؟
مريم :: ههههههههههههههههه كاهي واقفه يمي ----- تبيها ؟؟؟؟؟
جاسم :: إيه والله -----
مريم التفتت عن التلفون تكلم نور
نور تصفق :: هااااااا
مريم :: عمي جاسم يبي يكلمج ؟؟؟
نور تطالع مريم باستهبال :: شنو------ عمج------ شيبي فيني؟؟
مريم :: بس جذي يسولف------ حباب عمي كلميه------
نور :: روحي زين----أمي يالسه يمي تبيني أكلم عمج ؟؟؟؟
مريم ردت على جاسم :: تقول لك أمها يالسه يمها شلون تكلمك ؟؟؟؟
جاسم يضحك من قلب :: هههههههههههههههههههههههههههههههههههههههههههههه مافيها شي خليني أكلم خالتي بعد هههههههههههههههههههههههههههههههههههههههههههههه
مريم :: هههههههههههههههههههههههههههههههههههههههههههههه
نور :: علامج ؟؟؟؟
مريم :: ايقول لج بيكلم أمج بعد----
نور :: شكله عمج شارب له شي ؟؟؟
مريم :: الووووجسوم------ فارج اللحين بيدخلون قمور----
جاسم :: أنا أقول اشفيهم الرياييل قاموا مرة وحده يالله نتلاقى عند الباب-----
تغطي زين ويبي وياج نور—
مريم :: هههههههههههههههههههههههههه يصير خير----
سكر جاسم من عند مريم وراح عند ولد أخوه اللي كان يدور عليه بعيونه-------
جاسم كان وسيم وبنيته قوية وجماله كان جمال عربي أصيل حتى عيونه من كثر ما أهي حلوة انكتبت فيها القصايد------ بس خالد كان اوسم من جاسم بألف مررررررررررررررة ---------خالد كان غير-------ولد عرب فتي قوي الساعد محد يقدر ينافسه لا بالطول ولا بالعرض ولا بالغرور والكبرياء ----لين يشوفه احد يحس انه شموخ العرب كله فيه خصوصا مع خشمه الطويل السليل -----عيونه ماكانت بنيه مايله للسواد ورموشه كثيفه وحواجبه مرسومه على طول العين -------- أمه وخواته وبنات العايله كلهن مغرمات فيه وفي جاسم ------ بس خالد كان عاشق وحده بس --------(((ندى)))
إبراهيم ---أبو خالد ----كان مريض بالقلب لذا ماسار ويا الناس بالزفه طلب من جاسم --- أصغر أخوانه --- إنه يوقف على يمين خالد عشان يحسسه بالراحه ---- وأخوه الكبير خليل على يساره-----والفرقة الشعبيه توقف جدام عشان تزف المعاريس-----
مصيبه ثانيه بغرفة العروس-------
أم خليفة :: بسج عاد يمه والله ذبحتيني وإنتي تبجين -----
ذبحتي هالبنيه واهي تعدل فيج وإنتي تخربين كل شي----
قمر وهي تشهق من الصياح :: يمه شسويت فيكم ؟؟ أنا بنتج يمه ---- تسوقيني لشي ما أبيه ولا أفكر فيه ---- يمه كانت في بالي أحلام وايد---- تقومون تهدمون حياتي وتزوجوني من ولد عمي اللي ماشفته إلا مرة وحده بحياتي ----
أم خليفة :: بس ياقمر بس بتفضحينا جدام الناس ----- إذا مو عشاننا عشان عمج التعبان واعليه حاول الميتحيل عشان هالعرس ....
قمر :: ما أبي يمه ---- أبوس ايدج يمه ---- يمه تكفين
أم خليفة وخلاص عصبت من أصغر بناتها :: بسج قمر---- بتسكتين وبتمشين الحين أبوج ينطرج على الباب الناس ليل خلينا نخلص ونفتك ياقمر .....
قمر سكتت ---- ماباليد حيلة ---- راح تنساق يعني تنساق-----تمشي على ريلها لموتها وحياتها المستقبلية ---- تتزوج من إنسان ماتحبه ولاتعرفه عشان تحبه ---- قمر كانت طموحاتها غير---- ماكانت حاسبه في بالها من بعد الثانويه إنها تتزوج ولا تكون حياة زوجيه----- كانت تبي تروح الجامعه وتدرس عشان تصير مدرسه وتدرس بالمدارس------- وتكون لإنسان يستحقها ----- يحبها وتحبه ---- بس كل هذا تهدم يوم زارهم عمها قبل شهرين وخطبها وأهلها وافقوا من دون ما يستشيرونها وما فتحوا معاها الموضوع إلا بعد ما خلصت المدرسة------
طلعت أم خليفة من الغرفة ودخلت عليها ارفيجتها العزيزة لولوة......
لولوة :: بسم الله ما شاءالله قمر ماغلطوا يوم سموج قمر ---- ألف ألف مبروك ....
((لولوة هذي كانت وايد غالية على قمر ---وزاد غلاها بآخر سنه عشان أخوها زايد ))
قمر بصوت يقطع القلب :: لولوه----لولوه الغالية ---- أنقذيني لولوه----ما أستحمل والله بموت -----أحس إني مثل العنزة يقودونها للذبح ----شسوي بعمري يالولوه ------ساعديني تراني بموت؟؟
لولوه :: جبي زين وايد تمثلين إنتي ----شنو ذبح وعنزة ----أنا ما توقعت إني اسمع منج هالكلام والله إنج بايخة ----قمور----قومي شوفي ريلج شحليله والله إني وقفت يم الرياييل وأنا أطالعه----حتى حجابي طاح من كثر ما كنت مفهيه هههههههه ((مصطلح بحريني يعني سرحت ))
قمر :: والله إنج متفرغه بحياتج ....
لولوه :: أنا مو متفرغه بالعكس ---- أنا وايد حزينة ياقمر -----بس هذي قسمة الله ونصيبه إنج تتزوجين ولد عمج بالغصب ----بس لازم تتصبرين ؟؟
(( قمر وخت راسها تكمل بجيها ))
لولوه بحنان :: أنا تمنيتج حق أخوي عشان ما نتفارق أبد ----بس يا قمر ----إحنه مو من مستواكم ولا إنتي ناسيه احنى منو وإنتو منو ؟؟؟
قمر :: لا تقولين جذي ----أنا كنت مستعده اقبل بزايد لو على قص رقبتي .....
لولوه بإبتسام زاد من جمالها :: أدري فيج حبيبتي ------ بس عسى تكرهوا شيئا وهو خير لكم..
قمر بإستسلام :: خلاص ----- أنا حياتي انتهت ----ولا يمكن أرد البنت اللي الكل يعرفها ---- وأبوي راح يعرف اهو شنو فقد في حياته يوم زوجني من هذا المغرور ؟؟؟
لولوه بخبث :: والله على الغرور اهو له الحق --- وايد حلو --- بس ما كان لابس بشت ---
قمر :: بشت ولا بدون---- ما اشتهيه ما أطيقه ياربي -------والله إنه مغرور----
لولوه :: ما أدري -----بس إنتي الحين جبي ويالله خلي البنت تعدلج ولو إنج تخبلين بس يبيلج شوي هني تحت عيونج (وتاشر للمزينه الإنجليزيه Good Job )----
الترجمه :: ( الشغل جيد )
المزينه :: thank you
didn,t no any thing she has the most beautiful face ever...
الترجمه ::مفهوم الكلام (شكرا ---- وإنها ماتحتاج شي وجها أكثر جمالا )
لولوه :: سمعتي ---- حتى المزينه تقول ان ويهج حلو---يا ملقج والله بقوم عنج ....
قمر :: خلج وياي ----- ما أبيج تخليني بروحي ---- تطلعين وياي ....
لولوه :: ما يصير أنا ما أقرب لج شي ---- اخوج وابوج بيدخلونج على المعرس ...
بدخلة أم خليفة :: لا حبيبتي إنتي بتدخلين وياي وأنا مالي شغل...
لولوه :: خالتي ماعليه أكفخ بنتج ؟؟؟
أم خليفة :: لا مو ماعليه------هالقمر الحلو تكفخينه---- اسحبج من شعرج--- وش هالكلام --- إذا إنتي ما طلعتي وياها من يطلع وياها---- لطوف تعابل عيالها ---- ومرووو ما تبي تتحرك عن لا يخترب شي فيها ----ونوفه وياارفيجاتها -----من لها غيرج يالولوه؟؟؟؟
لولوه بفرح كبير من حب الخاله لها :: إن شاءالله خالتي ----- أنا اصلا قلت بطلع وياها بس العوزها الحمارة شوي ----
((قمر ضحكت من كلام ارفيجتها وردت حق افكارها وحق الخوف الفضيع اللي فيها ----- شلون تعيش طول العمر مع إنسان ما تحبه ولا تقدر تحس به أبدا ----- واهي موجها مشاعرها لزايد اللي حبها من أول ما شافها ببيتهم في زيارة لأخته ------))
(( قمر بنت ولا كل البنات ----- جمال فتان ----- وأخلاق عسل ----ودين --- وستر --- قمر كانت البنت الوحيده اللي تلبس حجاب وجلباب من بنات العايله ----- كانت تحافظ على طول شعرها ---ولا تحط لها من المكياج إلا الكحل الغامج اللي يبين جمال عيونها ويخفف حده النظرات اللي يسميها جاسم النظرات القاتلة ----قمر كانت بطبعها هاديه واجتماعيه بصوره رهيبه ---- وارفيجاتها كانن ماليات نص الصاله ---- تحب الأشياء الرقيقه وتحب الأصاله والعادات الشرقيه على غير خواتها اللي معاصرين الحياة بكل معنى الكلمة ----- وهذا الشي اللي خله أم خليل تخطبها لخالد دون خواتها --مم كثيفة متشابكة حواجبها مرسومه على عيونها مثل خالد --- بشرتها كانت بيضه ناعمه على عكس مريم ومروة ونوفه القمر ---- شفايفها كانن موردات ---- وخشمها صغير نحيل ----
بعد آخر نداء لها من لولوه تطلب منها إنها تستعد عشان يطلعونها ----استسلمت قمر خارجيا وطلعت منها عبره كلها ألم سالت على ويهها مسحتها عنها المزينه واهي تبتسم :
( every thing will be fine .. don,t you be worry))
الترجمه مفهوم الكلام (( لاتكوني قلقه ---كل شي سيكون بخير))
((قمر تبتسم لها ---- أي ما خاف ---- حياتي كلها تحطمت ---- للأبد
دخلت لولوه واهي متغطيه مع بو خليفة --- لبسوها الشينول الثقيل على شينولها الفاخر الشفاف ---- يودت يدها لولوه وأبوها ماسكها من جتفها ----- وطلعوا ---- مشن وراها الحريم والبنات والمصورة من جدامها ----- قمر ماكانت تشوف شي لان ويهها مغطى عن الرياييل اللي كانوا بزفة خالد ----
خالد في الطرف الثاني بأبهته وكشخته يمشي ويا أخوه خليل وعمه جاسم وابوه من وراهم ---- تلاقوا عند باب الصاله وكل اللي بالصاله عيونهم على الباب ---))
جاسم أول من تكلم :: مبروك قموره ....
قمر ردت بصوت شبه مسموع :: الله يبارك فيك عمي
جاسم طالع خالد بنظرات شزر عشان يكلم قمر
خالد من غير نفس :: ألف مبروك ياقمر
قمر بغير نفس واهي تصرخ في داخلها ((ألف رحمة علي مو ألف مبروك )) :: الله يبارك فيك
مريم :: يالله بسرعه خلونا ندخل ---- ووقفت مريم يم خالد وجاسم يمها وقف معاها كان طويل واهي وصلت لجتفه ---- دموعها تجمعت بعيونها تعلن التساقط ---- أخذت نفس قوي ومشت---الإضاءة كانت خافته ---- والفرقه تطق على اغنية هب السعد التقليدية --- والجو صار ملائكي ---- والبنات كلهن ماتن يوم شافن خالد وشكثركان وسيم – طبعا ارفيجات قمر شافن ارفيجتهن أحلى عن ريلها بألف مرة بس البنات اللي ما يعرفن قمر قاموا يقولن --- أكيد أهي جيكرة حذاله ---- أحد يتزوج واحد بهالحلاة لازم اهو جيكر ومو حلو
وسيمه اشطن ارفيجات قمر تكلم نادية :: والله قهر ---- ما أدري اخبصها بطراق على ويهها ؟؟
ناديه :: اووش وسيمه علامج بتتهاوشين هني بعد --- خليهن بينصدمن لين ترفع الغاليه الطرحه ....
وسيمه :: بس شنو غاوي ريلها ---- ياربي والله أحلى عن زيود اخو لولووووه ...
ناديه :: أحلى بس إلا واااااااايد أحلى ---- ويناسب قمر -----بس وايد مغرور ......
شهلا العيميه :: يحق له ---- أحد يتزوج هالقشنقوو---- هنيالج ياقمور--- قمر ما خذ قمر
ناديه ووسيمه :: إيه والله
(( وصلت قمر وخالد للكوشه والقوم كلهم وراهم --- الشباب كانوا يرقصون واهم متلثمين لأنهم استخفوا يوم شافوا البنات والبنات يضحكن عليهن ----- جاسم أول ماشاف لولوه ما شال عيونه عنها --- جاسم قوي عين ولين يطالع بنت حلوة ما يفارج عنها ---- لولوه طبعا لاحظت عيون جاسم وتأكدت إنه مو المعرس مثل مافكرت ---- بس عطته نظرات اللامبالاه مع إنها انعجبت فيه ---- من ما زاد عناد جاسم ))
ركبت لولوه الكوشه على هدوء ومريم ولولوه يساعدنها
مريم لخالد :: تقدر تساعد ولا يدك منشله ؟؟
خالد :: مو شغلج --- محد قال لها تلبس هالفستان ....
مريم :: سخيف وربي سخيف ...
خالد واهو مغاور عيونه عنها :: خليت خفافة الدم لج
مريم :: يالله عن الكلام الفاضي ويالله ارفع شنيولها
خالد يلتفت واهو يتنهد ويرفع شنيول قمر ---- أول مارفعه وقف قلبه ---- ماشاءالله ---- في أحد بالدنيا يملك هالملامح غير الحوريات --- التف مخ خالد 180درجه --- وحس عمره يرتجف ----ماظن إن قمر الشيطانه الياهل تصير مثل هالحوريه --- قمر طبعا كانت موخيه نظرها ولاماعطته ويه
الكل شهق يوم شاف قمر ---- البنات كلهن ---- حتى ارفيجاتها لكن وسيمه الشيطانه وقفت اهي وشهلا وقعدن يصلن على النبي واهن يتشهدن ---- عن الحسد طبعا ....
مريم :: مدي ايدج قمر ؟؟
قمر بخوف :: لييييش ؟؟؟
مريم :: بنعضها هههههههههه
قمر انحرجت من مريم ----- ساعات تقهر
خالد بهدوء :: ماتبين دبلتج يعني ؟؟؟
قمر زادت احراجها ----- يتكلم وياها بطريقة تبجي الواحد ----مدت يدها المرتجفه ----- لبسها الدبله وتوه بيخليها لكن المصوره قالت له إنه يبوسها ------
خالد تنرفز من السالفه لكن سواها ---- والناس كلهم ميتين من قناع الرومانسيه اللي لبسه خالد في دقايق وكل البنات تنهدن من الموقف ...
وسيمه :: آآآآآآآآآآآآه متى بعرس ؟؟؟
ناديه :: أي والله متى نعرس ؟؟؟
شهلا :: الحين كل وحده منكن تخربط متى بعرس متى بعرس---إلا قولوا أنا اللي انخطبت من 10سنين متى بعرس
وسيمه وناديه يضحكون عليها
(( جاسم لاحظ على خالد إنه متعجب من جمال قمر ولو إنه مبرطم شوي وما يعطيها ويه ---- حتى جاسم نفسه انصدم --- بنت أخوه مو بس حلوه --- إلا كانت حوريه ----- الكل بارك للمعرسين من الأهل --- أبو إبراهيم يود يد قمر ولبسها خاتم ذهب ضخم مرصع بالماس ------- لمعت دموع قمر بالماسات ورفعت راسها تبوس عمها على خده ...))
بو خليل :: ماخطيت يوم خذيتج لخالد --- بنتي وأخذت ولدي --- أأأألف مبروك ياقمر بن ضاحي ...
قمر تأثرت وايد من كلام عمها لكن وين :: الله يبارك في حياتك ..
((تحرك بو خليل يعطي مجال لأبو قمر يهنيها ويبارك لها ----وأمها وأم خالد اللي عطتها خاتم ثاني مرصع بعد بالماس بس بشكل خفيف ))
جاسم :: الله بالزين يالحور والله ماخطى الوالد يوم سماج قمر....
قمر :: الله يخليك عمي ...
جاسم :: أي الله يرحمه الوالد ----- ياريته ويانا
(( قمر من صج تمنت هالأمنيه لأنه يدها مستحيل يخليهم يزوجونها بالغصب وسبحت دمعه بعينها ---- الله يرحمك يا سبع الخير -----لو تشوف حالتي اليوم شبتقول ----
بعد ما هدى الجو شوي على الكوشه ---- قعدت الفرقه عند طرف المسرح بالمكان المخصص لهم خلف الستار ----
مريم ونوفه يرقصن من خاطر على الأغاني ومريم كانت رقاصه من الزين ---- وجمالها كان ساحر ---- حتى لولوه ووسيمه وشهلا وناديه عملن جو من بآخر الصاله --- وسيمه كانت ترقص لهن مختلف الرقصات والكل يضحك وينعجب بها ---- ليما مريم راحت لعندهن اهي وارفيجتها نور
جاسم يطالع لولوه باعجاب بالغ من بره الصاله واهي تدري بعيونه بس ماتعبره لأنها ان سوت حركه ما حركه وياه بتروح عليها ---
جاسم ابدوي ----- والبداويه طبعهم خطير ---تملكي
يلست قمر مع خالد ---- بنفس الكرسي ---قربهم لبعض كان ولا شي بالبعد والبرود اللي كان بيناتهم --- كانت المصورة تبي تاخذ لقطات رومانسيه أو حميميه بين العروسين بس ماقدرت ---خالد يايوقف وأياديه متشابكه وقمر تشغل نفسها بالبوكيه الضخم---- أو لين يلسوا كل واحد منهم يطالع الجهة الثانيه --- راحت المصوره عنهم وخالد قعد يتنهد --- قمر التفتت له --- تخبلت عليه ---صج وسيم --- آخر مره شافته قبل خمس سنين كان للحين بالكويت---- كان وسيم بس مو مثل اللحين ---اللحين استوى ريال ---- ولا كل الرياييل ----بس خسارة --- ما تقدر تشعر بوجوده فستانها كان من الحلا والفخامه لدرجه إنه طاح على ريل خالد بعد ---- فستانها من تصميم امريكي --- الصدر عاري من طرف وتلتف نوع من الحركه على رقبتها تغطي اليد الثانيه --- الفستان مخفف بلمعه ذهبيه وحتى داخل الورود المطرزه ---
خصلاتها كانت طايحه على جتفها من طول شعرها ولأن بعد التسريحه خفيفه وما فيها مثبت بس شكلها كان روعه –قمر كانت مفتشله واهي تحمل البوكيه --- كان أكبر منها وثجيل ---بس لولوه واوامرها --- كلمت مريم عن البوكيه اللي بالغرفه اتييبه لهااحسن من هذا --- راحت مريم ويابت البوكيه اللي كان أحلى وأنعم بألف مره عن اللي عند قمر --- حتى إنه لفت انتباه خالد وتحمد الله عن البوكيه الثاني --- قمر كانت اللي مصممه الورد بهذا البوكيه ---منسقه الألوان بين الأصفر والأبيض --- لأن فستانها كان أبيض بلمعه الذهب على الأطراف وبين النقش اليدوي ---
خالد كان يفكر في ندى ويتخيلها على الكوشه وياه ---
حس بالغصه في حلقه وإنه ما يقدر يتنفس --- ولا يقدر يسوي شي إلا إنه يستسلم ويسكت---
يو البنات دفعات دفعات يسلمن على قمر وأكثر الأسباب عشان يشوفن العريس والعروس عن قرب ---- لين ماوصلت وسيمه وشهلا وناديه ويت معاهن لولوه لأن تدري عن وسيمه وناديه وطبعهن الشيطان----))
وسيمه :: ألف ألف ألف ألف مبروك ياقمر--- والله إنج جيكره--- صج لي قالوا المكياج فن -----ههههههههههههههههه
الكل ضحك وخالد قعد يسمع كلامهن
وسيمه :: إلا قولي لي --- خدودج علامهم حمر ---- خلصتي بلاشر الدنيا---- صج إنج مصطنعه .....
قمر :: طالعه عليج ياللوسه----
وسيمه :: هاااااا.... جان زين والله إنتي تحلمين في ملمح من ملامحي ---- ولا شنو ندوي ؟؟؟
خالد التفت من الاسم على باله ندى
نادية :: أي نعم ---- ولا عاد خشمج بالبلوشيه حلاته والله أمووووووواه
شهلا :: بس عاد فضحتونا يم المعرس ----
توجه كلامها لخالد :: ألف مبروك عليك بقمر --- تراها غاليه حطها بعيونك ماقصرت ويانا والله لو ما أهي جان إحنه نعيد السنه الله يخليها --------
وسيمه :: أي والله --- الله يخلي براشيمها سنه ولا أحد يشوفها ههههههههه
قمر انحرجت من كلام وسيمه
شهلا :: بس عاد فضحتوني تراها مديرة المدرسة هني---
وسيمه واهي ميته من الضحك :: ويه ياربي لاتسمعني ---مافيني أعيد السنه بيخلوني أقعد أول كرسي ----ههههههههههههههههههه
ناديه تكمل :: جنج بقره جدام الأبلات ههههههههههههههههههههههههههههه
(( حتى خالد الي حلف على عمره ما يضحك ضحك على خبال ارفيجات قمر ----
حسهن صغيرات وعلى نياتهن --- مثل قمر ---يطالع قمر وأهي تضحك بحياء جدامه ----ياترى حياتنا شلون راح تكون يا قمر ---- شلون راح نعيش عمر كله مع بعض وأنا ما أحس بشي تجاهج -----------))
وسيمه تتكلم هالمرة بجديه أكثر :: صج صج خلود (( خالد فتح عيونه --- أصغر عيالها خلود )) أوه أوه خالد الشيخ ---- قمر عزيزه وغاليه ولو إنها تهذر وايد بس حبابه وأنا ارفيجتها من يوم الصف الأول أي من بعد لولوه ---حاسب عليها ---- وحطها بقلبك قبل عيونك -----
خالد بكل جديه :: إن شاء الله أقدر على اللي تطلبينه ---
(( الكل استغرب من كلامه إلا قمر اللي ما تعير كلامه أي انتباه ))
لولوه :: يالله يا بنات ---- ورانا درب ؟؟؟
قمر بصدمه :: وين رايحه ؟؟؟
لولوه :: بسم الله الرحمن أهني يا حبيبتي هو إنه بس زايد أخوي بيوصلهن ----
(( قمر لمعت عيونها يوم إنذكر اسم زايد --- زايد راعي الجوري مثل ما تسميه وسيمه ---- كان كل يوم يوصل ورده جوري لقمر مع لولوه وقمر تحتفظ فيها وعقب تجففها وتخليها بكاس بلوري عندها بدارها ---- وخت راسها بس لولوه هزتها ---
لولوه :: لا تحاتين----- ربع ساعه وأنه راده لج ---
وسيمه بدت تبجي على هدوء :: بتوحشينا يالكريهه والله إنج كل الخير قمور ---
قمر بجت وياهن ---- ارفيجاتها ماراح تشوفهن مرة ثانيه ---- وإن شافتهن يمكن مره بالسنه
قمر توصي وسيمه وأهي تبجي :: تكفين وسووم لاتنسيني وكل ما تقصدين ذكريني --- أحب قصايدج ---
وسيمه لمت قمر :: فديت عمرج وأنا لي غيرج بالقصايد ----
نادية مسحت دمعتها :: يالله وسوووم حرام عليج بجيتيها --- حبيبتي قمور لا تنسينا تكفين --- تراج بالقلب ياروحي ----
قمر :: وإنتي ندوي بعد --- وهاج أي شي محتايه له لا تنسيني ؟؟؟
(( ناديه بنت شهيد ومن أسره محتاجه وقمر ما تقصر وياها وويا أهلها ))
ناديه :: أنا أقدر --- إنتي الغاليه أم الخير ----
قمر :: الله يخليج يا بنت الشهيد ---- (( ناديه تحب الاسم إلي تناديه قمر لأنها كانت على طول تتمنى أحد بفخر بكونها بنت شهيد ))
شهلا :: حبيبتي لا تنسيني تبين حجاب ولا عمل ولا يني أنزله بأحد دقي علي أم الطبوب أنا ------
قمر واهي تمسح دموعها :: ما شاء الله عليج فج الفال لمتد ههههههههههههه
شهلا والكل ضحكن ووسيمه ردت :: أي أي هذا هو هههههههه العيم عندهم غير فج الفيلان -------
شهلا :: وووويه على ويهج ما أدري منو أمه اللي أربع وعشرين ساعه ببيتنا حق هالسوالف --------
وسيمه :: سكتي لا بارج الله فيج يالله نمشي -----
(( ودعن قمر وراحن وخلن قمر بذكرياتها --- قعدت قمر مكانها واهي موخيه راسها تسترجع الذكريات --- الهده ---- وأيام الامتحانات --- والتوصيلات وسوالف وسيمه وحب ناديه العميق لواحد من الشباب اللي ايون عند المدرسه --- التلفونات والعلاقات وهواش الصف والأبلات والفسحه والمحاظرات وربشه وسيمه وناديه ---- وتذكرت أول ما شافت زايد عند المدرسه --- البنات كلهن تخبلن عليه ولكن اهو تخبل عليها اهي --- تذكرت صدها لزايد وتخيب أمله وتحرق دمه مع إنها وايد تعزه --- كانت مراسيله توصلها واهي تشق الورقه وتحتفظ بالورود --- وتوده بس عمرها ما قالت إنها تحبه --- يمكن لأنها تقدس الحب ما تفكر إنها توهبه لكل من --- ومع خالد ماراح توهبه لأحد --- بتحتفظ فيه بقلبها --- لنفسها-----
خالد من طرف ثاني كان يطالع جاسم اللي الجو عنده عال العال يرقص --- وياكل ويا الفرقه --- والجو كل ما ايي له يخلى من الناس ----
الأهل كانوا فرحانيين حيل ما شبعوا من الرقص والرباشه والأكل --- ماكوا إلا اهو --- مع إن النار اللي فيه تخف شوي شوي وتهدى وكأنها تستعد لعاصفه بس اهو ما يدري عنها --- عيونه كانت موجهه على الباقه اللي جدامه --- ما يطالع الناس القاعده وما لاحظ البنت اللي يالسه تطالعه ودموعها شوي وتسجب حار على ويهها --- أغنية يوسف العماني ((مبروك )) كانت مشغله بهذي الحزه ))
شيماء :: يالله يا ندى ---- ما فينا نفشل روحنا أكثر --- لي متى بنيلس هني --- الناس كلها طلعت ما بقى إلا أهله ---
ندى :: ما أقدر --- أقوى مني --- أقوى مني ----
شيماء :: بس يالله قومي نطلع ---- الدنيا صارت فير وأكيد يبون يقعدون لحالهم
ندى تمسح دموعها وتزيد من كحلتها :: بس أول شي أسلم عليها --- وأشوفها ---
شيماء :: لكن يا ندى--------
(( راحت ندى للكوشه ---- تمشي بخطى كلها ألم وعذاب --- وتحس روحها تتقطع ألف مرة بكل خطوة ناحية حبيبها ورفيق أحلى أربع سنوات عاشتها بلندن ------
خالد وكأنه حس بقدوم احد ناحيته رفع راسه وانصدم كانت ندى ---- حبه الأول والأخير --- نبض قلبه مثل ما يناديها --- الله ياندى يايه تسمين قلبي وترطميني بالواقع المرير إنج ماراح تكونين لي ولا أنا راح أكون لج --- وقف على طول وقمر التفتت له وطالعت وين ما تطالع عيونه ---
ركبت ندى الكوشه وعيونها على قمر --- قمر وقفت واهي تبتسم للبنت --- ندى لاحظت الشبه بين عيون خالد وعيون قمر --- وكأنهم مرسومين لبعض من مازاد الألم بقلبها ---))
ندى :: ألف مبروك ياقمر ---
قمر باستغراب :: الله يبارك في حياتج
بيية مريم وجاسم اللي شهق يوم شاف ندى :: أنتي ما تعرفيني --- لكن أنا اعرفج ----((تطالع خالد ))—خالد كلمنا عنج وايد ---
خالد انصدم وقمر استغربت :: خالد ؟؟؟؟
خالد تكلم بارتجاف :: ندى رفيقة الدراسه كانت معانا بجماعه الدراسه والحلقه الدراسيه ----
قمر :: اهااا --- هلا فيج ندى ---
ندى واهي حاسه بالغصه تتصاعد فيها ---- قمر وطيبه :: ها يا قمر ما وصيج --- خالد بعيونج ---- تراه غالي حيل علينا ---
خالد يبلع الغصه وقمر ترد من غير نفس بس بابتسام :: ولا يهمج --- مهما كان --- اهو ولد عمي قبل لا يكون زوجي ----
ندى :: يالله ---- اترخص ---
خالد بلهفه :: وين ؟؟؟؟؟؟
ندى تلتفت له :: وراي درب للمطار ---- اليوم برد لندن ---
خالد اللي نسى وجود قمر :: ليييييش ؟؟؟
ندى بارتباك :: بروح أكمل دراستي ----و---- ماعندي أحد بالديره بعد ---- مالي قعده ---
خالد يطالع ندى بكل ألم :: الله يحفظج من كل شر ----
ندى :: وأنت بعد ---- يالله اشوفج على خير يا قمر ---
قمر اللي ضاعت بالموقف :: الخير بويهج ---
(( راحت ندى واهي ترفع الغشى على ويهها تخبي دموعها اللي نسفت ويهها بحرارة وعنف ---- وخالد من شدة الألم قعد على الكرسي مكانه --- حس إنه ميت --- روحه راحت ويا ندى --- وعيون ندى --- حبيبته ندى --- أخ يا قلبي --- ما أقدر استحمل أكثر --- أنا شمقعدني هني --- لازم اروح وراها --- معاها انا انتمي --- ليش يحملوني فوق طاقتي --- ليش يا ندى ييتي ومرضتي روحي أكثر وأكثر ---
جاسم ومريم يوا عند خالد من بعد ما شافوا حالته من روحة ندى ))
مريم لاحظت شحوب خالد :: خالد اسم الله عليك علامك ؟؟؟
خالد :: ولا شي ---- يالله خلونا نقوم نروح -----
جاسم :: تو الناس وقت ماقطعتوا الكيك وأنا خاطريه فيه؟؟
خالد :: خاطرك فيه خذه كامله وياك ----ما أبي شي ----
جاسم يطالع مريم :: عادي آخذه ؟؟؟
مريم :: أنت من صجك بعد ---- ها قمر شرايج ---- تقومون ؟؟
قمر حست روحها بتطلع ---بتكون بروحها ويا خالد بارتجاف :: وين ؟؟؟؟
مريم :: وين بعد ----المطار ----
جاسم :: بسم الله علامكم اختسفتوا مره وحده ---- اللي يتنافض واللي يرتجف ههههههههه صج معاريس----
مريم :: والله انك فارغ من الزين ----يالله أنه بروح أخبر أبوي عشان يقومون ----------
خالد :: سرعي الله يخليج -------------
مريم :: إن شاء الله
(( راحت مريم وسحبت وياها جاسم عشان تخبر أبوها --- قمر تمت تطالع خالد من طرف عيونها ---- خالد وايد تأثر من البنت اللي يات وتغير من يوم ما ركبت الكوشه عشان تسلم ---شتكون بالنسبه له ----لازم مكانتها جبيره ولا خالد ما بيتغير جذي مرة وحده ---بس أنا شيهمني أنا من بيفكني من هالمصيبه---بطلع وياه -----بنكون روحنا --- بنكون روحنا ---ياربي استر على عبيدك ---الهمني الصبر يا ربي----
خبرت مريم الكل إن خالد يبي يروح مع إن رحلتهم الساعه ((3))واللحين الساعه (( 1:30)) محد أعترض وقام أبو خليل وأبو خليفة للمعاريس وكل الأهل ----
غطوا قمر مرة ثانيه ----ولولوه للحين ما وصلت ))
قمر لمريم :: وينها لولوه ؟؟؟؟
مريم :: ما أدري--- شكلها راحت -----
قمر ارتبكت :: أهي قالت ما بتروح ---ربع ساعه وبترد؟؟
مريم :: ما أدري قمور -----يمكن غيرت رايها ----
قمر :: من دون ما تقولي ؟؟؟؟
مريم مستغربه :: علامج قمور هدي بالج ---خبري فيج رياله ههههههههههههههه ----
قمر :: لا يا مريم بس ..............
(( سكتت قمر ---شتقول ----ما في كلام بالدنيا يمكن يوفي بمشاعرها --- خايفه ---ومرتبكه --- وحاسه روحها بتطلع من جسدها --- ماتبي خالد ---ما تبي تكون وياه بمكان لروحها --- ما تعرفه---هذا إنسان غريب عليها ---ما تحس بأي قرب تجاهه ---دموعها أخذت حريتها ---تتناثر يمين ويسار --- والكل يبجي من خواتها ---حتى مروة اللي ما تبي مكياجها يخترب قعدت تبكي على أختها الصغيره اللي ما شافت الدنيا للحين ----
تتزوج مره وحده ---قمر كان شكلها يقطع القلب --- أمها على يمينها وأبوها على يسارها والكل حواليها ---تبجي بصمت وعيونها خايفه --- الكل حسباله إنها دموع فراق الأهل بس أهي كانت تبجي من الألم والمرارة اللي بقلبها ---شراح أسوي بعمري كله مع إنسان ما أشتهيه ولا أواطنه بعيشة الله --- أنا شسويت يا ربي عشان تعاقبني جذي ----))
قمر :: يودي يدي مريوم والله إني بطيح اللحين ---
مريم :: بسم الله عليج حبيبتي ما بتطيحين وإن طحتي قوليلي عشان اصورج ههههههههههههههه ..
قمر :: مريم ؟؟؟
مريم :: اتغشمر ههههههههههههههه..
جاسم :: فجي يدج عنها أنا بيودها
(( ويود جاسم يد قمر واهو اللي دخلها الليموزين اللي كان موقف للمعاريس ---ركبوا فيه أربعتهم ومريم وجاسم اللي كانوا حاشرين الجو ولا عن خالد كان ساكت واهو يسمع السوالف وقمر تحس بالتعب والإرهاق --- من قعدتها لصلات الفير واهي ما رقدت---
في بيت بو خليل الحفل كان غير --- الفرقه تعزف والمنزل مزين بمصابيح بشكل هندسي حلو وعلى النخيل بعد ---
أول ما دخلوا --- خالد راح غرفته القديمه عن الرياييل وقمر راحت غرفتهم المشتركه ---
النسوان ظلن بالصاله والبنات راحن وياها --- حست بالإرتباك والخجل أول ما دخلت الغرفه --- الكل كان يمدح بالديكور وكل شي --- إلا قمر --- كانت تسحب لها جلابيه بشكل عشوائي من غير نفس تلبسها عشان بيروحون المطار بعد شوي ---لبست جلابيه ورديه مطرزه باليد بحبات خرز على شكل الورود --- الكم كان وسيع يبين نحول رسغها ---والحنه باللون الأحمر الروعه خلاها تصير مثل القمر ---
مسحت المكياج والكل حرج عليها ---قامت مروه حطت لها مكياج وردي خفيف بينها بمنتهى الجمال --- فتحت شعرها عن التسريحه اللي كانت مثبته بالطرحه وما حطوا عليه الأسبري خفيف لأنه قمر وايد تخاف على شعرها من هالمواد ---
قبل لا تطلع من الدار التفتت لحوض الكريستال --- قعدت تحوس بالأوراق اللي فيها --- ريحتها حلوه وينبع منها الصدق ---)) التفتت لمريم ---
قمر بحزن :: مريم --- أبيج تقطين اللي بالحوض اوكي ؟؟
مريم :: ليش شكله جوري ---مرووو يا بته لج ؟؟؟
قمر :: لا ما أبيه لين رديت بسوي لي واحد غيره ----
مريم :: إن شاء الله أمرج ولا أمر الحكومه ---يالله خالد ينادينا---
(( نزلت مريم وظلت قمر مكانها --- تسلم على خواتها --- وتوصيهن بالخير بأمهن وأبوهن ---
صارت الساعه(( 2:30)) وتحركت السياره للمطار --- خالد وقمر وجاسم ومريم بالأكس فايف السوده --- بس هاذول اللي راحوا المطار لأن خالد ماكان يبي أحد يروح المطار عشان ما يتعطلون مع إن شغلهم زاهب قبل لا يروحون -----خالد وجاسم كانوا قاعدين جدام والحريم ورى --- قمر كانت يالسه تطالع الدنيا من برع الدريشه --- سرحانه تفكر ---لو إن زايد كان زوجها --- شنو راح تكون مشاعرها ---أي شي إلا هالشعور المخيف ---مسرع ما نفضت هالأفكار من بالها لأنها حستها عار عليها وتعتبر قلة احترام لخالد على الرغم من إنها ماتهتم فيه ----
خالد كان يرد على كلام جاسم بجمل مقتضبه (( زين -----الحمدلله ----- مو وايد ---- إذا عن جذي لاتحاتي ---- إن شاء الله ))
بس هذا كان كلام خالد ---- لأنه مخه كله ويا إنسانه وحده --- ندى ----شلون تحملت ويات تشوفني قبل لا تسافر ---- وبأي يوم ؟؟؟---
يوم عرسي ---- تذكر اليوم اللي قال لها إنه راح يتزوج من بنت عمه ---- ندى أغمى عليها من شدة الخبر ---- ما توقعت إنها تسمع مثل هالخبر بحياتها ----خالد بجى لأول مرة بحياته ---بجى على حبه ----بجى على حبيبته الغاليه ----وما كان يدري إن هذي الدموع راح تكون بداية ماساه بحياته --- ))
ندى :: لا تبجي يا خالد ---تبي تزعلني أكثر ---دموعك غاليه حبيبي ....
خالد :: ما أقدر اشوفج وإنتي جذي ----أحس نفسي نذل وخسيس ؟؟؟؟
ندى :: لا يا حبيبي ---- أنت لا نذل ولا خسيس أنت أشهم رجل عرفته بحياتي --- أنت حبيبي ومستحيل حبيبي يطلع نذل أو خسيس ----بس هذي الدنيا لعبت علينا لعبتها ----ما تقدر نقول لها لا ------
خالد :: أنا مستحيل أخليهم يسيروني على هواهم ----أنا بكلم أبوي ؟؟؟؟
ندى :: لا يا خالد ---- أنت ما بتكلم أبوك ----أنت راح تسمع كلامه ------
خالد باستغراب :: لكن يا ندى ؟؟؟؟؟
ندى :: لا يا خالد يعني لا ----أنت ناسي إن أبوك مريض بالقلب ورفضك لبنت عمك راح يؤدي إلى ازمه كبيره بالنسبه له ---أنا مو مستعده إني ابني حياتي وياك على تعاسة عايلتك ----أنت أهم بالنسبه لي ----روح يا خالد ----تزوج من بنت عمك----واللي مقدره رب السما راح يصير --------
جاسم يرجع خالد للواقع :: هيييييييييييييييييييييييه بو وليد ----وين وصلت ----------
خالد :: هاا ------ولا مكان ----بس---------
جاسم :: انزين بو وليد ---- ما أوصيك في قمور أول سفرة لها برع الحضانه هههههههههههههههههه
(( مريم وجاسم ضحكوا إلا قمر وخالد اللي تنرفز من الموضوع ---ما يقدر يفكر إنه راح يكون ويا هالياهل بروحه لمدة شهرين ----ساعتين وما قدر يستحمل ----الله يعينه ---
قمر تكلمت ولأول مره بصوت مسموع للكل :: عمي بغيت أوصيك على مرسوم خالتي أنيسه ----تدري ما قدرت اتيي العرس --- بس أبيك توصل لها الشريط والحلا واللي زهبته لها --- تعرفها تحب الحلاو--------
(( خالد قعد يسمع كل كلمة تقولها قمر ---صوتها مخملي ----وكأنه من سالف الزمان ---حسها وايد أثيريه ----وكأنها من زمن ثاني ---))
جاسم :: إن شاء الله عمتي ---كل شي ولا هل الخير والبركه ---ما ننساهم آمري بعد ---تدللي ؟؟؟؟
قمر واهي تتذكر :: وارفيجاتي ---أبيك توصل لهم كل شي ----الشريط والحلا والبوكيه كلهن لازم يحصلن على ورده من ورداته ----
مريم :: أي واحد فيهم الجبير ولا الناعم ؟؟؟؟
قمر :: الناعم أي الجبير ----هذاك حذفوا وين ما تبون -----
مريم :: لا عاد هذاك يناسب غرفتي بخليه على الطاوله ---
جاسم :: من قال اصلا أنا باخذه----
مريم :: ليييييييييييش ؟؟؟؟
جاسم :: لعانه ----والله شرايج قمر ؟؟؟؟
قمر بشرود :: على راحتك -------
(( جاسم يطالع مريم من المنظره ويطلع لسانه ))
مريم :: وإنتي ما لقيتي إلا هالمطفوق يلبي لج كل طلباتج أنا وين رحت عنج ؟؟؟؟؟؟؟
قمر بإحراج :: لا بس ----لأن عمي يعرفهم وبيخبر نوفه عن اللي أبيه -----أنتي ما تعرفينهم زين -----------
مريم :: ماعليج -----بتعرف عليهن وحده وحده بس عشان خاطرج يالغاليه جم قمر بن ضاحي عندنا -------وحده وما شاء الله عليها ------
قمر بابتسام :: الله يخليج مريم -------
(( وصلوا المطار ----توادعوا ودعوا لبعض بالسلامه ----خالد شل حرمته وراح داخل الطياره ----قمر كانت تخاف من الطيارات وحرمت نفسها من لذة السفر بسبب هالشي ----بس لأنها ما تقدر تقول شي لخالد ولا تشكي له تحملت وحاولت إنها تتغلب على خوفها ---وخالد مايعطيها ويه ولا يوجه لها الكلام ---توجهوا للمقاعد اللي مأشره لهم ----قعد خالد عند الدريشه وقمر على الطرف ---ربطت حزام الأمان أول ما قعدت وكانت تنتفض من الخوف ---يا ربي ساعدني ---كانت تدعي بقلبها وعرق جبينها من الخوف بس ماتكلمت ---غمضت عيونها ---خالد حس إن قمر فيها شي بس ما تكلم وياها ---لين تبي تتكلم بتتكلم ---وأول ما سارت الطياره قمر شبصت على يد خالد اللي تفاجأ من الحركه ---طالع قمر اللي كانت مغمضه عيونها واهي تشد وقوتها كلها بيدها اللي تمسك يده----حس بالدوران ---شعور غريب انولد فيه من لمستها ----مع إنه لمسها من شوي عند الكوشه بس حس الحين بدفو يدها ونعومتها ----وأول ما ركدت الطائره شوي وخف التوتر فتحت قمر عيونها ----تنهدت بالقو عشان تزفر وتاخذ نفس ---انتبهت ليدها اللي كانت شابصه في يد خالد وبسرعه وبإحراج بالغ سحبتها وردتها لحظنها ))
قمر واللون الأحمر يصبغ خدودها بطريقه كرتونيه :: آسفه -----
خالد :: لا عادي ----بس حاسبي مره ثانيه ------
قمر باستغراب وشعور بالازدراء :: إن شاء الله ---
(( قمر حست بالقهر من هذا المغرور ---شقصده يعني اهي بالعمد سوت جذي ---لا هي بتموت عليه ولا شي ----
(( هههههههههه بيني وبينكم قمر كانت منحرجه حيييييييييييييل من كلام خالد ))
(( خالد لام نفسه شوي بس مسرع ما تعدل مزاجه -------
بعد شوي يات المظيفه تسألهم عن طلباتهم وقمر ما بغت شي ))
خالد :: إذا خاطرج فشي قولي ترى الرحله طويله لإيطاليا ؟؟؟
قمر :: لا ما أبي شي ----إن بغيت بناديها ---
خالد :: على راحتج ----تصبحين على خير-----
قمر بغير اكتراث :: وأنت من أهله ----
(( سند خالد راسه وغمض عيونه لكن هيهات يرقد مع إنه كان تعبان ----
قمر كانت تعبانه وحست شوي بالراحه يوم غمض خالد عيونه ----ردت حق مساعه شوي ---شلون مسكت يده ----أكيد يتحسبها الحين ياهل وخبله وتخاف من الطيارات ----والله كيفه يتحسب اللي يتحسبه بس لا يقعد يتغشمر علي جدام الكل المغرور المتكبر ---لذا حاولت تكون هادئه قدر الإمكان ---هدوئها هذا قادها للنوم ---خذت راسها على طرف خالد ورقدت ---خالد انتبه للهدوء اللي يمه ----كانت قمر راقده وكأنها ياهل ----شكلها كان جميل ويخلي الواحد يتعمق بالنظر لشكلها ----خصله شعر نزلت من تحت الشيله الناعمه تغطي جبينها ----خالد يعرف مدى تمسك قمر لذا رفع الخصله ودخلها بهدوء تحت الحجاب ---ورد يده مكانها ---ورد إحساسه بالذنب يطق على اللي قاله قبل شوي خالد قعد يفكر ---قمر ياهل ---بنت توها داخله ال18سنه ---تتزوج بهذا السن من شخص أكبر عنها بست سنوات ---ليش يسوون فيها جذي ---واهي ----ليش تتخلى عن حياتها عشان الزواج ولا اهي انغصبت مثل ما أنا انغصبت ----والله ما يندرى ----امبين إن الدرب راح يكون طويل وحياتنا راح تكون صعبه ----ياهل وعاشق ---الله يعينا إحنه الاثنين ياقمر ---الله يعينا ))
وهذي نهاية الفصل الأول ها وش رايكم إن شاء الله عجبتكم أنا متوقعه إن احد يكون قراها بس الله أعلم أنا ما اخذتها من موقع ولا شي أخذتها من جوال بس اللي ما قراها اتمنى تكون عجبتكم وإن شاء الله تعجبكم وانتظروا الفصل الثاني ---------
:
:
:
:
:
:
:
:
:
:
:
:
:
:
:
:
كيفكم إن شاء الله الجميع بخير
حبيت اكتبلكم هذي القصه قريتها وصراحة عجبتني وحبيت إني أكتبها لكم وإن شاء الله تعجبكم مثل ماعجبتني وصراحة هي طويلة وراح تملون وتتطفشون لأنها أجزاء طويلة وكل جزء مقسم لفصلين وأكثر بس إن شاء الله تعجبكم ونبدأ مع القصه :
ملحوظة :
ابي تفاعلكم معاي في هالقصة اذا لقيت تفاعل راح اكملها مالقيت ماراح اكملها مع انه غصب عني بكملهاههههه بس ان شاءالله القى تجاوب منكم اوكي صار؟؟؟؟
:
:
:
:
:
:
:
:
:
:
:
:
:
قمر 00000خالد 0 0 للكاتبة :حمران النواظر
نبذه عن القصه.............
:
:
خالد .......
أمير أحلام ملايين البنات وسيم---أسمر---عريض---يحب الحب
وغروره واعتداده بنفسه لأنه عربي------كبير ........
حب بنت من كل أعماق قلبه ---- وعاش على حبها واضطر بالآخر إنه يدوس على قلبه وياخذ غيرها ----
اللي مسرع مااستوت أكبر زوبعه في حياته ..
قمر ........
حوريه بشرية ---- جمال ورقة وأخلاق وستر----
تربت بحظن يدها ----عاشت وكلت من يد الدين والأخلاق ----- تعيش الحب ----وتحلم للحب---- وتكتب بالحب---
ولكن أحلامها كلها تبخرت وكل أحاسيسها اندفنت لما تزوجت من ولد عمها خالد عشان مصلحة العايله.....
:
:
:
:
عايلة بن ضاحي-----
قبل 10سنوات كانوا من أفضل العوايل ---- عايلة معروفه عنها بمجال التجارة والحرفة والمقاولات----
اسم وسمعه – طيبه بالكويت ---- البداوة ظلت فيهم على الرغم من التحضر الواجب في هذا الوقت ----
بعد موت احد افراد عايلتها بحادثة انتقام قديم----- تقطعت الأواصر----- الكل ابتعد عن الثاني ----
المصارعات على المواريث---والثروة فرقت بين الأخ واخته----
ولكن زواج خالد وقمر --- بدأ منهال يديد بالعايله وفتح الباب امام العديد من الأواصر اللي راح تتجمع مرة ثانيه..............
:
:
:
:
في هذي القصه راح تتعرفون على ::::
الحب----------العايله----------احترام الكبير--------------واهم شي----------العلاقات الزوجية الإنسانية----
كيف من الممكن ان الحب ينولد من بعد الزواج ------وكيف ان هذي الظاهرة الجميلة انقضى عليها بالحب الفاشل والعلاقات الغرامية خارج إطار الزواج------
مني لكم -----------حمران النواظر ----------اكتب مشاعري -----------واكتب امنياتي -----------بالمستقبل اللي لابد أن يكون هو0000000000000
- - - - - - - - - - - - - - - - - - - - - - - - - - - - - - - -
- - - - - - - - - - - - - - - - - - - - - - - - - - - - - - - -
الجزء الأول
:
:
الفصل الأول000
في أكبر فنادق عاصمة........
وبأفخم صالتين بالفندق.......
كانت حفلة زواجهم .... خالد بن إبراهيم بن ضاحي على قمر بنت سعيد بن ضاحي........
الكل كان يتحسب لهذا الزواج ويحسب له ألف حساب ...........
لأن إن تزوج مدلل نيمه (خالد) على ربيبة سبع (قمر) كل الأماني راح تتحقق وراح تتحقق معاها الأواصر اللي تقطعت على مر السنين من بعد وفاة أكبر الأخوان عبد العزيز بحادثة إنتقام هشمت كل العلاقات وفرقت امبين الأخوان والأخوات وما كان شي بينقذ هالكارثة إلا زواج العيال ببعض .........
انيي أول للمعرس ------
خالد المحطم اللي انغصب على الزواج من بنت عمه عشان العايله واسم العايله ومصالح العايله------
اضطر إنه يدوس على أحلامه وحياته وأهم شي قلبه عشان هذا الزواج يتم-----
بصالة الرياييل الكل كان فرحان وكان مبتهج والدنيا مو شايلته ----- إلا خالد اللي كان يطالع الناس والإبتسامه البارده على شفايفه اللي ترتعش من الغيض والقهر والألم العميق---- يتذكر حبه العنيف لندى ويتذكر أيامه وياها بلندن والجامعه ---- اربع سنوات قضاها من أحلى سنوات عمره----- عاشها وكأنها آخر أربع سنوات بيعيشها بحياته ----- يطالع الناس بعيون حيرانه------ يناشد أبوه------ عمه الصديق جاسم------- أخوانه------ أهله------أصدقائه اللي انعزموا من كل بقعه وين ماكانوا -----بس------محد يسمعه-------يقبض على مسند الكرسي بكل قوته واهو يكظم غضب عميق------يحس نفسه مثل الكاسر المحبوس داخل قفص عظيم مايقدر حتى إنه يتنفس فيه--------حس إن البشت اللي عليه مثل سترات الميانين يحبسه عشان مايتحرك -------الوحيد اللي كان حاس فيه اهو عمه جاسم-------لأنه يعرف كل شي عن خالد وعن ندى ------ وعن علاقة الحب القوية لأن خالد كان يخبره بكل شي من الألف إلى الياء ------ جاسم عمرهـ 25سنه كبر خالد ------انولدوا بنفس الفترة----- وعاشوا وتربوا ويا بعض حتى إنهم استغنوا عن أصدقاء غير بعضهم بس يوم قرر إبراهيم ابو خالد إنه يدرسه برع البلاد اضطروا الصديقين إنهم يتفارقون بالجسد بس ظلوا مع بعض بالروح وما شاء الله وسائل الإتصالات اتوسعت وصاروا يخصصون يوم بالأسبوع يتقابلون فيه بالنت والكاميرا ويسولفون بالمايك ------
جاسم تقرب من خالد :: ياخالد حاول إنك تهدي روحك شوي احس ان الكرسي بينكسر اللحين خفف شوي من عصبيتك ........
خالد يهمس :: ماأقدر ياجاسم ----احس إني بموت ----- ماأبي هالزواج ---- شلون يزوجوني من بنت أنا ماأعرف عنها إلا إن اسمها قمر----- وأنا قلبي ينشد لندى-------
قاطعه جاسم :: صل على النبي يا خالد علامك طالع أبوك وعمك شلون فرحانين بالمناسبة ------ إنت تناسى حزنك شوي مو عشان شي عشانهم------
خالد وهو يهز راسه بقوة وصوت الطيران يدق براسه :: ما أقدر يا جاسم لاتطلب مني المستحيل ----- تدري شنو أفكر ----- أفكر أشرد ------ اشرد واحطهم كلهم جدام الامر الواقع------
جاسم هز راسه من كلام خالد وراح عنه ------ أخذ زاويه بعيده عن الفوضى واتصل بمريم أخت خالد-----
مريم تتكلم بصوت عالي :: هلا جسوم شصاير ؟؟؟
جاسم :: ماصاير شي ------ شنو هالهيله اللي عندكم والله وناسه -----
مريم :: ههههههههههههههههههههه أي والله الديجي لاعب بحسبتنا والأغاني على حدها ---------وناسه---
جاسم :: يا حظكم مو أنا يالس هني ويا هالمزاهيق ------ يرقصون على الطيران والطبول ------- ياخوفي أحد منهم يصيبه زار هههههههههههههههههههههههه
مريم :: هههههههههههههههههههههه يالله خلصني ليش داق ؟؟؟؟
جاسم :: عطيني ارفيجتج نور والله إنها غوتني -----
مريم :: جب ----- تدري عاد هي قالت نفس الكلام ----
جاسم :: ههههههههههههه ذبحتهاها ابالدشداشه ------ اهي متعوده علي بنطلون وقمصان ----- اوريج يابنت المصريه -----
مريم :: بس عاد ------ خلصني------ ليش متصل اللحين ؟؟؟؟؟
جاسم :: مريم ابيج توقفين يم خالد لين يدخل ولا تفارجينه ------- قاعد يخربط ويقول كلام يخرع 00000
مريم :: خير شصاير ؟؟؟
جاسم :: لا ولا شي بس اهو متضايق ليش ان الاهل قرروا عنه وعن مستقبله من دون ما يستشيرونه وقاعد يقول كلام اهو مايحس فيه ----- كل اللي ابيج تسوينه انج توقفين يمه ------وتحاولين تهدينه وعطيه عبارات تشجيعيه-----
مريم :: إن شاء الله عمي ما طلبت يا بو محمد ---- ها خلصت أوامرك ؟؟؟؟
جاسم :: لا والله وينها نور ؟؟؟؟
مريم :: ههههههههههههههههه كاهي واقفه يمي ----- تبيها ؟؟؟؟؟
جاسم :: إيه والله -----
مريم التفتت عن التلفون تكلم نور
نور تصفق :: هااااااا
مريم :: عمي جاسم يبي يكلمج ؟؟؟
نور تطالع مريم باستهبال :: شنو------ عمج------ شيبي فيني؟؟
مريم :: بس جذي يسولف------ حباب عمي كلميه------
نور :: روحي زين----أمي يالسه يمي تبيني أكلم عمج ؟؟؟؟
مريم ردت على جاسم :: تقول لك أمها يالسه يمها شلون تكلمك ؟؟؟؟
جاسم يضحك من قلب :: هههههههههههههههههههههههههههههههههههههههههههههه مافيها شي خليني أكلم خالتي بعد هههههههههههههههههههههههههههههههههههههههههههههه
مريم :: هههههههههههههههههههههههههههههههههههههههههههههه
نور :: علامج ؟؟؟؟
مريم :: ايقول لج بيكلم أمج بعد----
نور :: شكله عمج شارب له شي ؟؟؟
مريم :: الووووجسوم------ فارج اللحين بيدخلون قمور----
جاسم :: أنا أقول اشفيهم الرياييل قاموا مرة وحده يالله نتلاقى عند الباب-----
تغطي زين ويبي وياج نور—
مريم :: هههههههههههههههههههههههههه يصير خير----
سكر جاسم من عند مريم وراح عند ولد أخوه اللي كان يدور عليه بعيونه-------
جاسم كان وسيم وبنيته قوية وجماله كان جمال عربي أصيل حتى عيونه من كثر ما أهي حلوة انكتبت فيها القصايد------ بس خالد كان اوسم من جاسم بألف مررررررررررررررة ---------خالد كان غير-------ولد عرب فتي قوي الساعد محد يقدر ينافسه لا بالطول ولا بالعرض ولا بالغرور والكبرياء ----لين يشوفه احد يحس انه شموخ العرب كله فيه خصوصا مع خشمه الطويل السليل -----عيونه ماكانت بنيه مايله للسواد ورموشه كثيفه وحواجبه مرسومه على طول العين -------- أمه وخواته وبنات العايله كلهن مغرمات فيه وفي جاسم ------ بس خالد كان عاشق وحده بس --------(((ندى)))
إبراهيم ---أبو خالد ----كان مريض بالقلب لذا ماسار ويا الناس بالزفه طلب من جاسم --- أصغر أخوانه --- إنه يوقف على يمين خالد عشان يحسسه بالراحه ---- وأخوه الكبير خليل على يساره-----والفرقة الشعبيه توقف جدام عشان تزف المعاريس-----
مصيبه ثانيه بغرفة العروس-------
أم خليفة :: بسج عاد يمه والله ذبحتيني وإنتي تبجين -----
ذبحتي هالبنيه واهي تعدل فيج وإنتي تخربين كل شي----
قمر وهي تشهق من الصياح :: يمه شسويت فيكم ؟؟ أنا بنتج يمه ---- تسوقيني لشي ما أبيه ولا أفكر فيه ---- يمه كانت في بالي أحلام وايد---- تقومون تهدمون حياتي وتزوجوني من ولد عمي اللي ماشفته إلا مرة وحده بحياتي ----
أم خليفة :: بس ياقمر بس بتفضحينا جدام الناس ----- إذا مو عشاننا عشان عمج التعبان واعليه حاول الميتحيل عشان هالعرس ....
قمر :: ما أبي يمه ---- أبوس ايدج يمه ---- يمه تكفين
أم خليفة وخلاص عصبت من أصغر بناتها :: بسج قمر---- بتسكتين وبتمشين الحين أبوج ينطرج على الباب الناس ليل خلينا نخلص ونفتك ياقمر .....
قمر سكتت ---- ماباليد حيلة ---- راح تنساق يعني تنساق-----تمشي على ريلها لموتها وحياتها المستقبلية ---- تتزوج من إنسان ماتحبه ولاتعرفه عشان تحبه ---- قمر كانت طموحاتها غير---- ماكانت حاسبه في بالها من بعد الثانويه إنها تتزوج ولا تكون حياة زوجيه----- كانت تبي تروح الجامعه وتدرس عشان تصير مدرسه وتدرس بالمدارس------- وتكون لإنسان يستحقها ----- يحبها وتحبه ---- بس كل هذا تهدم يوم زارهم عمها قبل شهرين وخطبها وأهلها وافقوا من دون ما يستشيرونها وما فتحوا معاها الموضوع إلا بعد ما خلصت المدرسة------
طلعت أم خليفة من الغرفة ودخلت عليها ارفيجتها العزيزة لولوة......
لولوة :: بسم الله ما شاءالله قمر ماغلطوا يوم سموج قمر ---- ألف ألف مبروك ....
((لولوة هذي كانت وايد غالية على قمر ---وزاد غلاها بآخر سنه عشان أخوها زايد ))
قمر بصوت يقطع القلب :: لولوه----لولوه الغالية ---- أنقذيني لولوه----ما أستحمل والله بموت -----أحس إني مثل العنزة يقودونها للذبح ----شسوي بعمري يالولوه ------ساعديني تراني بموت؟؟
لولوه :: جبي زين وايد تمثلين إنتي ----شنو ذبح وعنزة ----أنا ما توقعت إني اسمع منج هالكلام والله إنج بايخة ----قمور----قومي شوفي ريلج شحليله والله إني وقفت يم الرياييل وأنا أطالعه----حتى حجابي طاح من كثر ما كنت مفهيه هههههههه ((مصطلح بحريني يعني سرحت ))
قمر :: والله إنج متفرغه بحياتج ....
لولوه :: أنا مو متفرغه بالعكس ---- أنا وايد حزينة ياقمر -----بس هذي قسمة الله ونصيبه إنج تتزوجين ولد عمج بالغصب ----بس لازم تتصبرين ؟؟
(( قمر وخت راسها تكمل بجيها ))
لولوه بحنان :: أنا تمنيتج حق أخوي عشان ما نتفارق أبد ----بس يا قمر ----إحنه مو من مستواكم ولا إنتي ناسيه احنى منو وإنتو منو ؟؟؟
قمر :: لا تقولين جذي ----أنا كنت مستعده اقبل بزايد لو على قص رقبتي .....
لولوه بإبتسام زاد من جمالها :: أدري فيج حبيبتي ------ بس عسى تكرهوا شيئا وهو خير لكم..
قمر بإستسلام :: خلاص ----- أنا حياتي انتهت ----ولا يمكن أرد البنت اللي الكل يعرفها ---- وأبوي راح يعرف اهو شنو فقد في حياته يوم زوجني من هذا المغرور ؟؟؟
لولوه بخبث :: والله على الغرور اهو له الحق --- وايد حلو --- بس ما كان لابس بشت ---
قمر :: بشت ولا بدون---- ما اشتهيه ما أطيقه ياربي -------والله إنه مغرور----
لولوه :: ما أدري -----بس إنتي الحين جبي ويالله خلي البنت تعدلج ولو إنج تخبلين بس يبيلج شوي هني تحت عيونج (وتاشر للمزينه الإنجليزيه Good Job )----
الترجمه :: ( الشغل جيد )
المزينه :: thank you
didn,t no any thing she has the most beautiful face ever...
الترجمه ::مفهوم الكلام (شكرا ---- وإنها ماتحتاج شي وجها أكثر جمالا )
لولوه :: سمعتي ---- حتى المزينه تقول ان ويهج حلو---يا ملقج والله بقوم عنج ....
قمر :: خلج وياي ----- ما أبيج تخليني بروحي ---- تطلعين وياي ....
لولوه :: ما يصير أنا ما أقرب لج شي ---- اخوج وابوج بيدخلونج على المعرس ...
بدخلة أم خليفة :: لا حبيبتي إنتي بتدخلين وياي وأنا مالي شغل...
لولوه :: خالتي ماعليه أكفخ بنتج ؟؟؟
أم خليفة :: لا مو ماعليه------هالقمر الحلو تكفخينه---- اسحبج من شعرج--- وش هالكلام --- إذا إنتي ما طلعتي وياها من يطلع وياها---- لطوف تعابل عيالها ---- ومرووو ما تبي تتحرك عن لا يخترب شي فيها ----ونوفه وياارفيجاتها -----من لها غيرج يالولوه؟؟؟؟
لولوه بفرح كبير من حب الخاله لها :: إن شاءالله خالتي ----- أنا اصلا قلت بطلع وياها بس العوزها الحمارة شوي ----
((قمر ضحكت من كلام ارفيجتها وردت حق افكارها وحق الخوف الفضيع اللي فيها ----- شلون تعيش طول العمر مع إنسان ما تحبه ولا تقدر تحس به أبدا ----- واهي موجها مشاعرها لزايد اللي حبها من أول ما شافها ببيتهم في زيارة لأخته ------))
(( قمر بنت ولا كل البنات ----- جمال فتان ----- وأخلاق عسل ----ودين --- وستر --- قمر كانت البنت الوحيده اللي تلبس حجاب وجلباب من بنات العايله ----- كانت تحافظ على طول شعرها ---ولا تحط لها من المكياج إلا الكحل الغامج اللي يبين جمال عيونها ويخفف حده النظرات اللي يسميها جاسم النظرات القاتلة ----قمر كانت بطبعها هاديه واجتماعيه بصوره رهيبه ---- وارفيجاتها كانن ماليات نص الصاله ---- تحب الأشياء الرقيقه وتحب الأصاله والعادات الشرقيه على غير خواتها اللي معاصرين الحياة بكل معنى الكلمة ----- وهذا الشي اللي خله أم خليل تخطبها لخالد دون خواتها --مم كثيفة متشابكة حواجبها مرسومه على عيونها مثل خالد --- بشرتها كانت بيضه ناعمه على عكس مريم ومروة ونوفه القمر ---- شفايفها كانن موردات ---- وخشمها صغير نحيل ----
بعد آخر نداء لها من لولوه تطلب منها إنها تستعد عشان يطلعونها ----استسلمت قمر خارجيا وطلعت منها عبره كلها ألم سالت على ويهها مسحتها عنها المزينه واهي تبتسم :
( every thing will be fine .. don,t you be worry))الترجمه مفهوم الكلام (( لاتكوني قلقه ---كل شي سيكون بخير))
((قمر تبتسم لها ---- أي ما خاف ---- حياتي كلها تحطمت ---- للأبد
دخلت لولوه واهي متغطيه مع بو خليفة --- لبسوها الشينول الثقيل على شينولها الفاخر الشفاف ---- يودت يدها لولوه وأبوها ماسكها من جتفها ----- وطلعوا ---- مشن وراها الحريم والبنات والمصورة من جدامها ----- قمر ماكانت تشوف شي لان ويهها مغطى عن الرياييل اللي كانوا بزفة خالد ----
خالد في الطرف الثاني بأبهته وكشخته يمشي ويا أخوه خليل وعمه جاسم وابوه من وراهم ---- تلاقوا عند باب الصاله وكل اللي بالصاله عيونهم على الباب ---))
جاسم أول من تكلم :: مبروك قموره ....
قمر ردت بصوت شبه مسموع :: الله يبارك فيك عمي
جاسم طالع خالد بنظرات شزر عشان يكلم قمر
خالد من غير نفس :: ألف مبروك ياقمر
قمر بغير نفس واهي تصرخ في داخلها ((ألف رحمة علي مو ألف مبروك )) :: الله يبارك فيك
مريم :: يالله بسرعه خلونا ندخل ---- ووقفت مريم يم خالد وجاسم يمها وقف معاها كان طويل واهي وصلت لجتفه ---- دموعها تجمعت بعيونها تعلن التساقط ---- أخذت نفس قوي ومشت---الإضاءة كانت خافته ---- والفرقه تطق على اغنية هب السعد التقليدية --- والجو صار ملائكي ---- والبنات كلهن ماتن يوم شافن خالد وشكثركان وسيم – طبعا ارفيجات قمر شافن ارفيجتهن أحلى عن ريلها بألف مرة بس البنات اللي ما يعرفن قمر قاموا يقولن --- أكيد أهي جيكرة حذاله ---- أحد يتزوج واحد بهالحلاة لازم اهو جيكر ومو حلو
وسيمه اشطن ارفيجات قمر تكلم نادية :: والله قهر ---- ما أدري اخبصها بطراق على ويهها ؟؟
ناديه :: اووش وسيمه علامج بتتهاوشين هني بعد --- خليهن بينصدمن لين ترفع الغاليه الطرحه ....
وسيمه :: بس شنو غاوي ريلها ---- ياربي والله أحلى عن زيود اخو لولووووه ...
ناديه :: أحلى بس إلا واااااااايد أحلى ---- ويناسب قمر -----بس وايد مغرور ......
شهلا العيميه :: يحق له ---- أحد يتزوج هالقشنقوو---- هنيالج ياقمور--- قمر ما خذ قمر
ناديه ووسيمه :: إيه والله
(( وصلت قمر وخالد للكوشه والقوم كلهم وراهم --- الشباب كانوا يرقصون واهم متلثمين لأنهم استخفوا يوم شافوا البنات والبنات يضحكن عليهن ----- جاسم أول ماشاف لولوه ما شال عيونه عنها --- جاسم قوي عين ولين يطالع بنت حلوة ما يفارج عنها ---- لولوه طبعا لاحظت عيون جاسم وتأكدت إنه مو المعرس مثل مافكرت ---- بس عطته نظرات اللامبالاه مع إنها انعجبت فيه ---- من ما زاد عناد جاسم ))
ركبت لولوه الكوشه على هدوء ومريم ولولوه يساعدنها
مريم لخالد :: تقدر تساعد ولا يدك منشله ؟؟
خالد :: مو شغلج --- محد قال لها تلبس هالفستان ....
مريم :: سخيف وربي سخيف ...
خالد واهو مغاور عيونه عنها :: خليت خفافة الدم لج
مريم :: يالله عن الكلام الفاضي ويالله ارفع شنيولها
خالد يلتفت واهو يتنهد ويرفع شنيول قمر ---- أول مارفعه وقف قلبه ---- ماشاءالله ---- في أحد بالدنيا يملك هالملامح غير الحوريات --- التف مخ خالد 180درجه --- وحس عمره يرتجف ----ماظن إن قمر الشيطانه الياهل تصير مثل هالحوريه --- قمر طبعا كانت موخيه نظرها ولاماعطته ويه
الكل شهق يوم شاف قمر ---- البنات كلهن ---- حتى ارفيجاتها لكن وسيمه الشيطانه وقفت اهي وشهلا وقعدن يصلن على النبي واهن يتشهدن ---- عن الحسد طبعا ....
مريم :: مدي ايدج قمر ؟؟
قمر بخوف :: لييييش ؟؟؟
مريم :: بنعضها هههههههههه
قمر انحرجت من مريم ----- ساعات تقهر
خالد بهدوء :: ماتبين دبلتج يعني ؟؟؟
قمر زادت احراجها ----- يتكلم وياها بطريقة تبجي الواحد ----مدت يدها المرتجفه ----- لبسها الدبله وتوه بيخليها لكن المصوره قالت له إنه يبوسها ------
خالد تنرفز من السالفه لكن سواها ---- والناس كلهم ميتين من قناع الرومانسيه اللي لبسه خالد في دقايق وكل البنات تنهدن من الموقف ...
وسيمه :: آآآآآآآآآآآآه متى بعرس ؟؟؟
ناديه :: أي والله متى نعرس ؟؟؟
شهلا :: الحين كل وحده منكن تخربط متى بعرس متى بعرس---إلا قولوا أنا اللي انخطبت من 10سنين متى بعرس
وسيمه وناديه يضحكون عليها
(( جاسم لاحظ على خالد إنه متعجب من جمال قمر ولو إنه مبرطم شوي وما يعطيها ويه ---- حتى جاسم نفسه انصدم --- بنت أخوه مو بس حلوه --- إلا كانت حوريه ----- الكل بارك للمعرسين من الأهل --- أبو إبراهيم يود يد قمر ولبسها خاتم ذهب ضخم مرصع بالماس ------- لمعت دموع قمر بالماسات ورفعت راسها تبوس عمها على خده ...))
بو خليل :: ماخطيت يوم خذيتج لخالد --- بنتي وأخذت ولدي --- أأأألف مبروك ياقمر بن ضاحي ...
قمر تأثرت وايد من كلام عمها لكن وين :: الله يبارك في حياتك ..
((تحرك بو خليل يعطي مجال لأبو قمر يهنيها ويبارك لها ----وأمها وأم خالد اللي عطتها خاتم ثاني مرصع بعد بالماس بس بشكل خفيف ))
جاسم :: الله بالزين يالحور والله ماخطى الوالد يوم سماج قمر....
قمر :: الله يخليك عمي ...
جاسم :: أي الله يرحمه الوالد ----- ياريته ويانا
(( قمر من صج تمنت هالأمنيه لأنه يدها مستحيل يخليهم يزوجونها بالغصب وسبحت دمعه بعينها ---- الله يرحمك يا سبع الخير -----لو تشوف حالتي اليوم شبتقول ----
بعد ما هدى الجو شوي على الكوشه ---- قعدت الفرقه عند طرف المسرح بالمكان المخصص لهم خلف الستار ----
مريم ونوفه يرقصن من خاطر على الأغاني ومريم كانت رقاصه من الزين ---- وجمالها كان ساحر ---- حتى لولوه ووسيمه وشهلا وناديه عملن جو من بآخر الصاله --- وسيمه كانت ترقص لهن مختلف الرقصات والكل يضحك وينعجب بها ---- ليما مريم راحت لعندهن اهي وارفيجتها نور
جاسم يطالع لولوه باعجاب بالغ من بره الصاله واهي تدري بعيونه بس ماتعبره لأنها ان سوت حركه ما حركه وياه بتروح عليها ---
جاسم ابدوي ----- والبداويه طبعهم خطير ---تملكي
يلست قمر مع خالد ---- بنفس الكرسي ---قربهم لبعض كان ولا شي بالبعد والبرود اللي كان بيناتهم --- كانت المصورة تبي تاخذ لقطات رومانسيه أو حميميه بين العروسين بس ماقدرت ---خالد يايوقف وأياديه متشابكه وقمر تشغل نفسها بالبوكيه الضخم---- أو لين يلسوا كل واحد منهم يطالع الجهة الثانيه --- راحت المصوره عنهم وخالد قعد يتنهد --- قمر التفتت له --- تخبلت عليه ---صج وسيم --- آخر مره شافته قبل خمس سنين كان للحين بالكويت---- كان وسيم بس مو مثل اللحين ---اللحين استوى ريال ---- ولا كل الرياييل ----بس خسارة --- ما تقدر تشعر بوجوده فستانها كان من الحلا والفخامه لدرجه إنه طاح على ريل خالد بعد ---- فستانها من تصميم امريكي --- الصدر عاري من طرف وتلتف نوع من الحركه على رقبتها تغطي اليد الثانيه --- الفستان مخفف بلمعه ذهبيه وحتى داخل الورود المطرزه ---
خصلاتها كانت طايحه على جتفها من طول شعرها ولأن بعد التسريحه خفيفه وما فيها مثبت بس شكلها كان روعه –قمر كانت مفتشله واهي تحمل البوكيه --- كان أكبر منها وثجيل ---بس لولوه واوامرها --- كلمت مريم عن البوكيه اللي بالغرفه اتييبه لهااحسن من هذا --- راحت مريم ويابت البوكيه اللي كان أحلى وأنعم بألف مره عن اللي عند قمر --- حتى إنه لفت انتباه خالد وتحمد الله عن البوكيه الثاني --- قمر كانت اللي مصممه الورد بهذا البوكيه ---منسقه الألوان بين الأصفر والأبيض --- لأن فستانها كان أبيض بلمعه الذهب على الأطراف وبين النقش اليدوي ---
خالد كان يفكر في ندى ويتخيلها على الكوشه وياه ---
حس بالغصه في حلقه وإنه ما يقدر يتنفس --- ولا يقدر يسوي شي إلا إنه يستسلم ويسكت---
يو البنات دفعات دفعات يسلمن على قمر وأكثر الأسباب عشان يشوفن العريس والعروس عن قرب ---- لين ماوصلت وسيمه وشهلا وناديه ويت معاهن لولوه لأن تدري عن وسيمه وناديه وطبعهن الشيطان----))
وسيمه :: ألف ألف ألف ألف مبروك ياقمر--- والله إنج جيكره--- صج لي قالوا المكياج فن -----ههههههههههههههههه
الكل ضحك وخالد قعد يسمع كلامهن
وسيمه :: إلا قولي لي --- خدودج علامهم حمر ---- خلصتي بلاشر الدنيا---- صج إنج مصطنعه .....
قمر :: طالعه عليج ياللوسه----
وسيمه :: هاااااا.... جان زين والله إنتي تحلمين في ملمح من ملامحي ---- ولا شنو ندوي ؟؟؟
خالد التفت من الاسم على باله ندى
نادية :: أي نعم ---- ولا عاد خشمج بالبلوشيه حلاته والله أمووووووواه
شهلا :: بس عاد فضحتونا يم المعرس ----
توجه كلامها لخالد :: ألف مبروك عليك بقمر --- تراها غاليه حطها بعيونك ماقصرت ويانا والله لو ما أهي جان إحنه نعيد السنه الله يخليها --------
وسيمه :: أي والله --- الله يخلي براشيمها سنه ولا أحد يشوفها ههههههههه
قمر انحرجت من كلام وسيمه
شهلا :: بس عاد فضحتوني تراها مديرة المدرسة هني---
وسيمه واهي ميته من الضحك :: ويه ياربي لاتسمعني ---مافيني أعيد السنه بيخلوني أقعد أول كرسي ----ههههههههههههههههههه
ناديه تكمل :: جنج بقره جدام الأبلات ههههههههههههههههههههههههههههه
(( حتى خالد الي حلف على عمره ما يضحك ضحك على خبال ارفيجات قمر ----
حسهن صغيرات وعلى نياتهن --- مثل قمر ---يطالع قمر وأهي تضحك بحياء جدامه ----ياترى حياتنا شلون راح تكون يا قمر ---- شلون راح نعيش عمر كله مع بعض وأنا ما أحس بشي تجاهج -----------))
وسيمه تتكلم هالمرة بجديه أكثر :: صج صج خلود (( خالد فتح عيونه --- أصغر عيالها خلود )) أوه أوه خالد الشيخ ---- قمر عزيزه وغاليه ولو إنها تهذر وايد بس حبابه وأنا ارفيجتها من يوم الصف الأول أي من بعد لولوه ---حاسب عليها ---- وحطها بقلبك قبل عيونك -----
خالد بكل جديه :: إن شاء الله أقدر على اللي تطلبينه ---
(( الكل استغرب من كلامه إلا قمر اللي ما تعير كلامه أي انتباه ))
لولوه :: يالله يا بنات ---- ورانا درب ؟؟؟
قمر بصدمه :: وين رايحه ؟؟؟
لولوه :: بسم الله الرحمن أهني يا حبيبتي هو إنه بس زايد أخوي بيوصلهن ----
(( قمر لمعت عيونها يوم إنذكر اسم زايد --- زايد راعي الجوري مثل ما تسميه وسيمه ---- كان كل يوم يوصل ورده جوري لقمر مع لولوه وقمر تحتفظ فيها وعقب تجففها وتخليها بكاس بلوري عندها بدارها ---- وخت راسها بس لولوه هزتها ---
لولوه :: لا تحاتين----- ربع ساعه وأنه راده لج ---
وسيمه بدت تبجي على هدوء :: بتوحشينا يالكريهه والله إنج كل الخير قمور ---
قمر بجت وياهن ---- ارفيجاتها ماراح تشوفهن مرة ثانيه ---- وإن شافتهن يمكن مره بالسنه
قمر توصي وسيمه وأهي تبجي :: تكفين وسووم لاتنسيني وكل ما تقصدين ذكريني --- أحب قصايدج ---
وسيمه لمت قمر :: فديت عمرج وأنا لي غيرج بالقصايد ----
نادية مسحت دمعتها :: يالله وسوووم حرام عليج بجيتيها --- حبيبتي قمور لا تنسينا تكفين --- تراج بالقلب ياروحي ----
قمر :: وإنتي ندوي بعد --- وهاج أي شي محتايه له لا تنسيني ؟؟؟
(( ناديه بنت شهيد ومن أسره محتاجه وقمر ما تقصر وياها وويا أهلها ))
ناديه :: أنا أقدر --- إنتي الغاليه أم الخير ----
قمر :: الله يخليج يا بنت الشهيد ---- (( ناديه تحب الاسم إلي تناديه قمر لأنها كانت على طول تتمنى أحد بفخر بكونها بنت شهيد ))
شهلا :: حبيبتي لا تنسيني تبين حجاب ولا عمل ولا يني أنزله بأحد دقي علي أم الطبوب أنا ------
قمر واهي تمسح دموعها :: ما شاء الله عليج فج الفال لمتد ههههههههههههه
شهلا والكل ضحكن ووسيمه ردت :: أي أي هذا هو هههههههه العيم عندهم غير فج الفيلان -------
شهلا :: وووويه على ويهج ما أدري منو أمه اللي أربع وعشرين ساعه ببيتنا حق هالسوالف --------
وسيمه :: سكتي لا بارج الله فيج يالله نمشي -----
(( ودعن قمر وراحن وخلن قمر بذكرياتها --- قعدت قمر مكانها واهي موخيه راسها تسترجع الذكريات --- الهده ---- وأيام الامتحانات --- والتوصيلات وسوالف وسيمه وحب ناديه العميق لواحد من الشباب اللي ايون عند المدرسه --- التلفونات والعلاقات وهواش الصف والأبلات والفسحه والمحاظرات وربشه وسيمه وناديه ---- وتذكرت أول ما شافت زايد عند المدرسه --- البنات كلهن تخبلن عليه ولكن اهو تخبل عليها اهي --- تذكرت صدها لزايد وتخيب أمله وتحرق دمه مع إنها وايد تعزه --- كانت مراسيله توصلها واهي تشق الورقه وتحتفظ بالورود --- وتوده بس عمرها ما قالت إنها تحبه --- يمكن لأنها تقدس الحب ما تفكر إنها توهبه لكل من --- ومع خالد ماراح توهبه لأحد --- بتحتفظ فيه بقلبها --- لنفسها-----
خالد من طرف ثاني كان يطالع جاسم اللي الجو عنده عال العال يرقص --- وياكل ويا الفرقه --- والجو كل ما ايي له يخلى من الناس ----
الأهل كانوا فرحانيين حيل ما شبعوا من الرقص والرباشه والأكل --- ماكوا إلا اهو --- مع إن النار اللي فيه تخف شوي شوي وتهدى وكأنها تستعد لعاصفه بس اهو ما يدري عنها --- عيونه كانت موجهه على الباقه اللي جدامه --- ما يطالع الناس القاعده وما لاحظ البنت اللي يالسه تطالعه ودموعها شوي وتسجب حار على ويهها --- أغنية يوسف العماني ((مبروك )) كانت مشغله بهذي الحزه ))
شيماء :: يالله يا ندى ---- ما فينا نفشل روحنا أكثر --- لي متى بنيلس هني --- الناس كلها طلعت ما بقى إلا أهله ---
ندى :: ما أقدر --- أقوى مني --- أقوى مني ----
شيماء :: بس يالله قومي نطلع ---- الدنيا صارت فير وأكيد يبون يقعدون لحالهم
ندى تمسح دموعها وتزيد من كحلتها :: بس أول شي أسلم عليها --- وأشوفها ---
شيماء :: لكن يا ندى--------
(( راحت ندى للكوشه ---- تمشي بخطى كلها ألم وعذاب --- وتحس روحها تتقطع ألف مرة بكل خطوة ناحية حبيبها ورفيق أحلى أربع سنوات عاشتها بلندن ------
خالد وكأنه حس بقدوم احد ناحيته رفع راسه وانصدم كانت ندى ---- حبه الأول والأخير --- نبض قلبه مثل ما يناديها --- الله ياندى يايه تسمين قلبي وترطميني بالواقع المرير إنج ماراح تكونين لي ولا أنا راح أكون لج --- وقف على طول وقمر التفتت له وطالعت وين ما تطالع عيونه ---
ركبت ندى الكوشه وعيونها على قمر --- قمر وقفت واهي تبتسم للبنت --- ندى لاحظت الشبه بين عيون خالد وعيون قمر --- وكأنهم مرسومين لبعض من مازاد الألم بقلبها ---))
ندى :: ألف مبروك ياقمر ---
قمر باستغراب :: الله يبارك في حياتج
بيية مريم وجاسم اللي شهق يوم شاف ندى :: أنتي ما تعرفيني --- لكن أنا اعرفج ----((تطالع خالد ))—خالد كلمنا عنج وايد ---
خالد انصدم وقمر استغربت :: خالد ؟؟؟؟
خالد تكلم بارتجاف :: ندى رفيقة الدراسه كانت معانا بجماعه الدراسه والحلقه الدراسيه ----
قمر :: اهااا --- هلا فيج ندى ---
ندى واهي حاسه بالغصه تتصاعد فيها ---- قمر وطيبه :: ها يا قمر ما وصيج --- خالد بعيونج ---- تراه غالي حيل علينا ---
خالد يبلع الغصه وقمر ترد من غير نفس بس بابتسام :: ولا يهمج --- مهما كان --- اهو ولد عمي قبل لا يكون زوجي ----
ندى :: يالله ---- اترخص ---
خالد بلهفه :: وين ؟؟؟؟؟؟
ندى تلتفت له :: وراي درب للمطار ---- اليوم برد لندن ---
خالد اللي نسى وجود قمر :: ليييييش ؟؟؟
ندى بارتباك :: بروح أكمل دراستي ----و---- ماعندي أحد بالديره بعد ---- مالي قعده ---
خالد يطالع ندى بكل ألم :: الله يحفظج من كل شر ----
ندى :: وأنت بعد ---- يالله اشوفج على خير يا قمر ---
قمر اللي ضاعت بالموقف :: الخير بويهج ---
(( راحت ندى واهي ترفع الغشى على ويهها تخبي دموعها اللي نسفت ويهها بحرارة وعنف ---- وخالد من شدة الألم قعد على الكرسي مكانه --- حس إنه ميت --- روحه راحت ويا ندى --- وعيون ندى --- حبيبته ندى --- أخ يا قلبي --- ما أقدر استحمل أكثر --- أنا شمقعدني هني --- لازم اروح وراها --- معاها انا انتمي --- ليش يحملوني فوق طاقتي --- ليش يا ندى ييتي ومرضتي روحي أكثر وأكثر ---
جاسم ومريم يوا عند خالد من بعد ما شافوا حالته من روحة ندى ))
مريم لاحظت شحوب خالد :: خالد اسم الله عليك علامك ؟؟؟
خالد :: ولا شي ---- يالله خلونا نقوم نروح -----
جاسم :: تو الناس وقت ماقطعتوا الكيك وأنا خاطريه فيه؟؟
خالد :: خاطرك فيه خذه كامله وياك ----ما أبي شي ----
جاسم يطالع مريم :: عادي آخذه ؟؟؟
مريم :: أنت من صجك بعد ---- ها قمر شرايج ---- تقومون ؟؟
قمر حست روحها بتطلع ---بتكون بروحها ويا خالد بارتجاف :: وين ؟؟؟؟
مريم :: وين بعد ----المطار ----
جاسم :: بسم الله علامكم اختسفتوا مره وحده ---- اللي يتنافض واللي يرتجف ههههههههه صج معاريس----
مريم :: والله انك فارغ من الزين ----يالله أنه بروح أخبر أبوي عشان يقومون ----------
خالد :: سرعي الله يخليج -------------
مريم :: إن شاء الله
(( راحت مريم وسحبت وياها جاسم عشان تخبر أبوها --- قمر تمت تطالع خالد من طرف عيونها ---- خالد وايد تأثر من البنت اللي يات وتغير من يوم ما ركبت الكوشه عشان تسلم ---شتكون بالنسبه له ----لازم مكانتها جبيره ولا خالد ما بيتغير جذي مرة وحده ---بس أنا شيهمني أنا من بيفكني من هالمصيبه---بطلع وياه -----بنكون روحنا --- بنكون روحنا ---ياربي استر على عبيدك ---الهمني الصبر يا ربي----
خبرت مريم الكل إن خالد يبي يروح مع إن رحلتهم الساعه ((3))واللحين الساعه (( 1:30)) محد أعترض وقام أبو خليل وأبو خليفة للمعاريس وكل الأهل ----
غطوا قمر مرة ثانيه ----ولولوه للحين ما وصلت ))
قمر لمريم :: وينها لولوه ؟؟؟؟
مريم :: ما أدري--- شكلها راحت -----
قمر ارتبكت :: أهي قالت ما بتروح ---ربع ساعه وبترد؟؟
مريم :: ما أدري قمور -----يمكن غيرت رايها ----
قمر :: من دون ما تقولي ؟؟؟؟
مريم مستغربه :: علامج قمور هدي بالج ---خبري فيج رياله ههههههههههههههه ----
قمر :: لا يا مريم بس ..............
(( سكتت قمر ---شتقول ----ما في كلام بالدنيا يمكن يوفي بمشاعرها --- خايفه ---ومرتبكه --- وحاسه روحها بتطلع من جسدها --- ماتبي خالد ---ما تبي تكون وياه بمكان لروحها --- ما تعرفه---هذا إنسان غريب عليها ---ما تحس بأي قرب تجاهه ---دموعها أخذت حريتها ---تتناثر يمين ويسار --- والكل يبجي من خواتها ---حتى مروة اللي ما تبي مكياجها يخترب قعدت تبكي على أختها الصغيره اللي ما شافت الدنيا للحين ----
تتزوج مره وحده ---قمر كان شكلها يقطع القلب --- أمها على يمينها وأبوها على يسارها والكل حواليها ---تبجي بصمت وعيونها خايفه --- الكل حسباله إنها دموع فراق الأهل بس أهي كانت تبجي من الألم والمرارة اللي بقلبها ---شراح أسوي بعمري كله مع إنسان ما أشتهيه ولا أواطنه بعيشة الله --- أنا شسويت يا ربي عشان تعاقبني جذي ----))
قمر :: يودي يدي مريوم والله إني بطيح اللحين ---
مريم :: بسم الله عليج حبيبتي ما بتطيحين وإن طحتي قوليلي عشان اصورج ههههههههههههههه ..
قمر :: مريم ؟؟؟
مريم :: اتغشمر ههههههههههههههه..
جاسم :: فجي يدج عنها أنا بيودها
(( ويود جاسم يد قمر واهو اللي دخلها الليموزين اللي كان موقف للمعاريس ---ركبوا فيه أربعتهم ومريم وجاسم اللي كانوا حاشرين الجو ولا عن خالد كان ساكت واهو يسمع السوالف وقمر تحس بالتعب والإرهاق --- من قعدتها لصلات الفير واهي ما رقدت---
في بيت بو خليل الحفل كان غير --- الفرقه تعزف والمنزل مزين بمصابيح بشكل هندسي حلو وعلى النخيل بعد ---
أول ما دخلوا --- خالد راح غرفته القديمه عن الرياييل وقمر راحت غرفتهم المشتركه ---
النسوان ظلن بالصاله والبنات راحن وياها --- حست بالإرتباك والخجل أول ما دخلت الغرفه --- الكل كان يمدح بالديكور وكل شي --- إلا قمر --- كانت تسحب لها جلابيه بشكل عشوائي من غير نفس تلبسها عشان بيروحون المطار بعد شوي ---لبست جلابيه ورديه مطرزه باليد بحبات خرز على شكل الورود --- الكم كان وسيع يبين نحول رسغها ---والحنه باللون الأحمر الروعه خلاها تصير مثل القمر ---
مسحت المكياج والكل حرج عليها ---قامت مروه حطت لها مكياج وردي خفيف بينها بمنتهى الجمال --- فتحت شعرها عن التسريحه اللي كانت مثبته بالطرحه وما حطوا عليه الأسبري خفيف لأنه قمر وايد تخاف على شعرها من هالمواد ---
قبل لا تطلع من الدار التفتت لحوض الكريستال --- قعدت تحوس بالأوراق اللي فيها --- ريحتها حلوه وينبع منها الصدق ---)) التفتت لمريم ---
قمر بحزن :: مريم --- أبيج تقطين اللي بالحوض اوكي ؟؟
مريم :: ليش شكله جوري ---مرووو يا بته لج ؟؟؟
قمر :: لا ما أبيه لين رديت بسوي لي واحد غيره ----
مريم :: إن شاء الله أمرج ولا أمر الحكومه ---يالله خالد ينادينا---
(( نزلت مريم وظلت قمر مكانها --- تسلم على خواتها --- وتوصيهن بالخير بأمهن وأبوهن ---
صارت الساعه(( 2:30)) وتحركت السياره للمطار --- خالد وقمر وجاسم ومريم بالأكس فايف السوده --- بس هاذول اللي راحوا المطار لأن خالد ماكان يبي أحد يروح المطار عشان ما يتعطلون مع إن شغلهم زاهب قبل لا يروحون -----خالد وجاسم كانوا قاعدين جدام والحريم ورى --- قمر كانت يالسه تطالع الدنيا من برع الدريشه --- سرحانه تفكر ---لو إن زايد كان زوجها --- شنو راح تكون مشاعرها ---أي شي إلا هالشعور المخيف ---مسرع ما نفضت هالأفكار من بالها لأنها حستها عار عليها وتعتبر قلة احترام لخالد على الرغم من إنها ماتهتم فيه ----
خالد كان يرد على كلام جاسم بجمل مقتضبه (( زين -----الحمدلله ----- مو وايد ---- إذا عن جذي لاتحاتي ---- إن شاء الله ))
بس هذا كان كلام خالد ---- لأنه مخه كله ويا إنسانه وحده --- ندى ----شلون تحملت ويات تشوفني قبل لا تسافر ---- وبأي يوم ؟؟؟---
يوم عرسي ---- تذكر اليوم اللي قال لها إنه راح يتزوج من بنت عمه ---- ندى أغمى عليها من شدة الخبر ---- ما توقعت إنها تسمع مثل هالخبر بحياتها ----خالد بجى لأول مرة بحياته ---بجى على حبه ----بجى على حبيبته الغاليه ----وما كان يدري إن هذي الدموع راح تكون بداية ماساه بحياته --- ))
ندى :: لا تبجي يا خالد ---تبي تزعلني أكثر ---دموعك غاليه حبيبي ....
خالد :: ما أقدر اشوفج وإنتي جذي ----أحس نفسي نذل وخسيس ؟؟؟؟
ندى :: لا يا حبيبي ---- أنت لا نذل ولا خسيس أنت أشهم رجل عرفته بحياتي --- أنت حبيبي ومستحيل حبيبي يطلع نذل أو خسيس ----بس هذي الدنيا لعبت علينا لعبتها ----ما تقدر نقول لها لا ------
خالد :: أنا مستحيل أخليهم يسيروني على هواهم ----أنا بكلم أبوي ؟؟؟؟
ندى :: لا يا خالد ---- أنت ما بتكلم أبوك ----أنت راح تسمع كلامه ------
خالد باستغراب :: لكن يا ندى ؟؟؟؟؟
ندى :: لا يا خالد يعني لا ----أنت ناسي إن أبوك مريض بالقلب ورفضك لبنت عمك راح يؤدي إلى ازمه كبيره بالنسبه له ---أنا مو مستعده إني ابني حياتي وياك على تعاسة عايلتك ----أنت أهم بالنسبه لي ----روح يا خالد ----تزوج من بنت عمك----واللي مقدره رب السما راح يصير --------
جاسم يرجع خالد للواقع :: هيييييييييييييييييييييييه بو وليد ----وين وصلت ----------
خالد :: هاا ------ولا مكان ----بس---------
جاسم :: انزين بو وليد ---- ما أوصيك في قمور أول سفرة لها برع الحضانه هههههههههههههههههه
(( مريم وجاسم ضحكوا إلا قمر وخالد اللي تنرفز من الموضوع ---ما يقدر يفكر إنه راح يكون ويا هالياهل بروحه لمدة شهرين ----ساعتين وما قدر يستحمل ----الله يعينه ---
قمر تكلمت ولأول مره بصوت مسموع للكل :: عمي بغيت أوصيك على مرسوم خالتي أنيسه ----تدري ما قدرت اتيي العرس --- بس أبيك توصل لها الشريط والحلا واللي زهبته لها --- تعرفها تحب الحلاو--------
(( خالد قعد يسمع كل كلمة تقولها قمر ---صوتها مخملي ----وكأنه من سالف الزمان ---حسها وايد أثيريه ----وكأنها من زمن ثاني ---))
جاسم :: إن شاء الله عمتي ---كل شي ولا هل الخير والبركه ---ما ننساهم آمري بعد ---تدللي ؟؟؟؟
قمر واهي تتذكر :: وارفيجاتي ---أبيك توصل لهم كل شي ----الشريط والحلا والبوكيه كلهن لازم يحصلن على ورده من ورداته ----
مريم :: أي واحد فيهم الجبير ولا الناعم ؟؟؟؟
قمر :: الناعم أي الجبير ----هذاك حذفوا وين ما تبون -----
مريم :: لا عاد هذاك يناسب غرفتي بخليه على الطاوله ---
جاسم :: من قال اصلا أنا باخذه----
مريم :: ليييييييييييش ؟؟؟؟
جاسم :: لعانه ----والله شرايج قمر ؟؟؟؟
قمر بشرود :: على راحتك -------
(( جاسم يطالع مريم من المنظره ويطلع لسانه ))
مريم :: وإنتي ما لقيتي إلا هالمطفوق يلبي لج كل طلباتج أنا وين رحت عنج ؟؟؟؟؟؟؟
قمر بإحراج :: لا بس ----لأن عمي يعرفهم وبيخبر نوفه عن اللي أبيه -----أنتي ما تعرفينهم زين -----------
مريم :: ماعليج -----بتعرف عليهن وحده وحده بس عشان خاطرج يالغاليه جم قمر بن ضاحي عندنا -------وحده وما شاء الله عليها ------
قمر بابتسام :: الله يخليج مريم -------
(( وصلوا المطار ----توادعوا ودعوا لبعض بالسلامه ----خالد شل حرمته وراح داخل الطياره ----قمر كانت تخاف من الطيارات وحرمت نفسها من لذة السفر بسبب هالشي ----بس لأنها ما تقدر تقول شي لخالد ولا تشكي له تحملت وحاولت إنها تتغلب على خوفها ---وخالد مايعطيها ويه ولا يوجه لها الكلام ---توجهوا للمقاعد اللي مأشره لهم ----قعد خالد عند الدريشه وقمر على الطرف ---ربطت حزام الأمان أول ما قعدت وكانت تنتفض من الخوف ---يا ربي ساعدني ---كانت تدعي بقلبها وعرق جبينها من الخوف بس ماتكلمت ---غمضت عيونها ---خالد حس إن قمر فيها شي بس ما تكلم وياها ---لين تبي تتكلم بتتكلم ---وأول ما سارت الطياره قمر شبصت على يد خالد اللي تفاجأ من الحركه ---طالع قمر اللي كانت مغمضه عيونها واهي تشد وقوتها كلها بيدها اللي تمسك يده----حس بالدوران ---شعور غريب انولد فيه من لمستها ----مع إنه لمسها من شوي عند الكوشه بس حس الحين بدفو يدها ونعومتها ----وأول ما ركدت الطائره شوي وخف التوتر فتحت قمر عيونها ----تنهدت بالقو عشان تزفر وتاخذ نفس ---انتبهت ليدها اللي كانت شابصه في يد خالد وبسرعه وبإحراج بالغ سحبتها وردتها لحظنها ))
قمر واللون الأحمر يصبغ خدودها بطريقه كرتونيه :: آسفه -----
خالد :: لا عادي ----بس حاسبي مره ثانيه ------
قمر باستغراب وشعور بالازدراء :: إن شاء الله ---
(( قمر حست بالقهر من هذا المغرور ---شقصده يعني اهي بالعمد سوت جذي ---لا هي بتموت عليه ولا شي ----
(( هههههههههه بيني وبينكم قمر كانت منحرجه حيييييييييييييل من كلام خالد ))
(( خالد لام نفسه شوي بس مسرع ما تعدل مزاجه -------
بعد شوي يات المظيفه تسألهم عن طلباتهم وقمر ما بغت شي ))
خالد :: إذا خاطرج فشي قولي ترى الرحله طويله لإيطاليا ؟؟؟
قمر :: لا ما أبي شي ----إن بغيت بناديها ---
خالد :: على راحتج ----تصبحين على خير-----
قمر بغير اكتراث :: وأنت من أهله ----
(( سند خالد راسه وغمض عيونه لكن هيهات يرقد مع إنه كان تعبان ----
قمر كانت تعبانه وحست شوي بالراحه يوم غمض خالد عيونه ----ردت حق مساعه شوي ---شلون مسكت يده ----أكيد يتحسبها الحين ياهل وخبله وتخاف من الطيارات ----والله كيفه يتحسب اللي يتحسبه بس لا يقعد يتغشمر علي جدام الكل المغرور المتكبر ---لذا حاولت تكون هادئه قدر الإمكان ---هدوئها هذا قادها للنوم ---خذت راسها على طرف خالد ورقدت ---خالد انتبه للهدوء اللي يمه ----كانت قمر راقده وكأنها ياهل ----شكلها كان جميل ويخلي الواحد يتعمق بالنظر لشكلها ----خصله شعر نزلت من تحت الشيله الناعمه تغطي جبينها ----خالد يعرف مدى تمسك قمر لذا رفع الخصله ودخلها بهدوء تحت الحجاب ---ورد يده مكانها ---ورد إحساسه بالذنب يطق على اللي قاله قبل شوي خالد قعد يفكر ---قمر ياهل ---بنت توها داخله ال18سنه ---تتزوج بهذا السن من شخص أكبر عنها بست سنوات ---ليش يسوون فيها جذي ---واهي ----ليش تتخلى عن حياتها عشان الزواج ولا اهي انغصبت مثل ما أنا انغصبت ----والله ما يندرى ----امبين إن الدرب راح يكون طويل وحياتنا راح تكون صعبه ----ياهل وعاشق ---الله يعينا إحنه الاثنين ياقمر ---الله يعينا ))
وهذي نهاية الفصل الأول ها وش رايكم إن شاء الله عجبتكم أنا متوقعه إن احد يكون قراها بس الله أعلم أنا ما اخذتها من موقع ولا شي أخذتها من جوال بس اللي ما قراها اتمنى تكون عجبتكم وإن شاء الله تعجبكم وانتظروا الفصل الثاني ---------
:
:
:
:
:
:
:
:
:
:
:
:
:
:
:
:
انتظرونا في الحلقه القادمه من مسلسل قمر ------خالد
القصه منقوله
والله عشانك ياليللا بكمله وتفضلي بس اسمحي لي اذا ماشفت تفاعل مع القصه مارح اكمل واترى القصه هي مررره لطيفه 
بس اوعدك اذا قعدت عليه بحاول انزل اجزاء كثير ه 
تعليق