كان ياما كان .. في سالف العصر والاوان .. لا والله ! .. مو سالف العصر والاوان .. بل في هذا الزمان .. بنت عمرها ما حلمت تصير مدرسة ! .. لكنها تصاريف الزمان ، ويا للهوان ! ..

عدت مطب الثانوية ب 98 % وطلعت الرابعة على مستوى المنطقة ! .. " يا أرض انهدي .. ما عليك قدي .."
الى الجامعة .. وبدون ذرة تفكير ! .. شاورت على الانجليزي ! .. وقال: تم ! .. 4 سنين ما بين هاي وباي وقود مورننغ وسي يو ليتر و يو ار ولكم ! .. 4 سنين ما بين شكسبير وايملي برونتي وفرجيينيا وولف وسكنر ونعوم تشومسكي ... دكاترة عليهم الغضب ومنهم العجب ! .. تحملت هالاخت لانها -زي كل اخت - كانت واهمة بشي اسمه " مستقبل مشرق" ! ..

المهم .. تخرجت .. ممتاز مع مرتبة الشرف .. " واليوم عيدك يا مهنا .. ولبست جديدك يا مهنا .. "
اسبوعين وهالاخت بين السما والارض من الفرحة .. يالله ، ناخذ شهر "ريلاكسيشن" .. وسعي صدرك وتعلمي "يوغا" .. بعدين نشتري ملف علاقي أخضر ، ونبدأ جري في مؤسسات ومكاتب خلق الله ! ..

راح الشهر .. والشهرين .. والثلاثة .. ايش فيها يا بنت لو صرت مدرسة زي مدرسات خلق الله ؟! .. يعني اش فيها المدرسة ؟! .. كل اللي مزعلك إنها تفحط من الصبح للظهر ومحد داري اش تقول ؟! .. طيب الناس كلها تفحط و محد داري وين الله حاطه !! .. تعوذي بالله من الشيطان .. توكلي على الله ، وعسى ان تكرهوا شيئا وهو خيرٌ لكم ..

صارت البنت تفتح الجريدة على صفحة المحليات ، تشم أخبار الديوان ! .. وعلى فكرة ترى صفحة الوفيات والاعلانات الفردية كانت أحسن ! .. المهم ! .. شهر ، وشهرين ، وثلاثة في عين العدو ! .. فتح الديوان ، ووينك يا علاقي يا أخضر ! ..

الساعة ثمانية إلا خمسة كنت هناك .. طبعا مواعيد غربية ! .. أربع سنين مو معقول ما نتعلم شي مفيد ! .. تسعة إلا خمسة شرفوا الاخوات .. طبعا مواعيد عربية ! .. اقصد مواعيد عرقوبية ! ..
- انت ممتاز ، صح ؟
- اوف كورس ! .. (كان اليوم مخصص للحاصلات على ممتاز ، يعني السؤال في محله! .. وعلى فكرة ، ترى السؤال عندنا صار عادة ! .. نسأل ونسأل ونسأل وآخر شي نحتاجه : الاجابة ! ..)
-من فين ؟
-من .........
- بس ........ ماهي محتاجة مدرسات انجليزي ! ..
- مو مشكلة حطوني في اي مكان .. بروح ! .. ولا تدرون ، سمعت ان مدارس الشرقية محتاجه 3 مدرسات انجليزي ! .. تدرين يالاخت ! القعدة في البيت شينه ! .. والغربة للرجال !! .. (ولولا الطفش ما اتحملت خشتك دقيقة) .. بس هذي خليتها بالقلب تجرح ولا تطلع لبرة وتفضح ! ...
-ياماما .. روحي وتعالي في المرحلة الثانية بعد 5 أشهر .. للوظائف المتبقية (التي لم يتقدم لشغلها أحد، والتي يمكن شغلها بمدرسات من خارج المنطقة التعليمية !) ..
- ............. ! ( ايه .. قصدك القرى التي لا يمكن الوصول اليها الا بمساعدة الدفاع المدني وخفر السواحل )
- وإذا حابة تتقدمي لوظائف المرحلة الأولى ، لازم تكون شهادة الثانوي أو البكالوريوس من نفس المنطقة اللي حابة التدريس فيها .. أو يكون ولي أمرك يشتغل في المنطقة .. على فكرة ، لا تسووا فيها أذكياء وتروحوا تعملوا عقود ايجار وهمية ومن دا الكلام .. جهة عمل ولي الامر لازم تكون مكتوبة في كرت العائلة !!! ..
- ............... ! ( والله لو مقدمة على العسكرية أهون ) ..
- لا تطالعيني ! .. أنا عارفة ان الشروط تعجيزية ، بس ما جبتها من بيت أبوي ! ..
- ............... ! ( جابها غيرك من بيت أهله) ..
- اش فيك انبكمت ؟! .. أنا وراي شغل ماني فاضية لك ! ..
- ............... ! ( صحيح .. مشغولين بتحطيم الأحلام .. الله لا يقويكم ) ..

رجعت البيت .. وعلى طريقة وضحة وابن عجلان وبنفس "الاكسنت" :
- عسى ما شر يا بنتي ! ..
- لله .. الشر بره وبعيد يا وجه الخير ! ..
- أشوفك راجعة بأوراقك يا حظي ! ..
- لله .. يا وجه الخير .. هذي أوراق نلف فيها الملوخية ! ..

وتوته توته .. خلصت الحدوت