بسم الله الرحمن الرحيم
السلام على الحسين وعلى علي ابن الحسين وعلى أولاد الحسين وعلى أصحاب الحسين
يختنك كل صوت ويصبح سكون
الا صوت الحق أبد ما يختنك
سنين مرت على الحسين وهو ذاك
تطفه شمس الله وضواه ظل معتلك
حقه جون يشك قميصه بكربلا
وحق من يصيح سودني العشك
هو حب حسين هين بالنفوس
عفيه كلب الحمل حبه وما يطك
لو وهم حب حسين هم أهوى الوهم
اشلون ما أهوى وهو اهل الصدك
لأن حب حسين آمان من العذاب
ويا هو يتمنه بجهنم يحترك
اتريد تلغي كلبي عن حب الحسين
هاك كلبي وحيل اشلعه من العرك
كلب ثاني يخضر بحب الحسين
يدك بسم حسين اول مايدك
روحي تدفعني لضريحك وستميت
ومن امسنه الكلب يخفك خفك
مدري اشبكه مدري يشبكني الضريح
مدري ياهو اليشبك الثاني شبك
لأن بينه عطش كلش فضيع
مثل كلبك من عطش يوم الطبك
وحط روحي تحت جدام زوار الحسين
وفدوة روحي تروح لتراب الينسحك
اسألكم الدعاء

منقولة عن الشاعر عماد العكيلي--الشطرة--الناصرية