اجت تبجي زليخه وردت من اجديد

ودمعهه ايصب دجل ومبيته النيه

اجت ثوب الشرف والعفه تبجي عليه
اتريد اليفزعلهه وتطلب الديه
الجنابيه رخيصه وارخص من الماي
من عرضت شرفهه عله الفضائيه
مفضوح الفلم والدور نفس الدور
انتاج الجزيره اتموله بعثيه
امفتش باللبن صار العراق اليوم
وما ينفع جذب وافلام هنديه
عراقيه ابد لا ما اصدك بيج
عيب عله العراق انتي عراقيه
اضربلج مثل والمثل موش ابعيد
مثبوت وصدك موقصه وهميه
مسعوده مره وصارت باسم مسعود
خافت عالشرف ينجاس طاريه
سالوفة دجل والدجل صار اهواي
ذره من الصدك مابيهه عاريه
الجنابيه شرف بيرغ عشيره انشال
ونكستي عكلهم يالجنابيه
مسلسل بالخفاء ونعرف احنه اشبيه
مفهوم القصد والطبخه سريه
قديتي قميصج عالفضائيات
ذره من الخجل ماعندج اشويه
يوسف للسجن لا مايرد هيهات
غصبن عالحقد واهل الوهابيه
يضل حر العراق وما يحب اقيود
وابأذنه الفهمهه ايحطهه ترجيه
خل تبجي الجزيره اتفزع العربان
الاسد يبقه اسد متهمه واويه
العراق ابحر شراعه وما يهاب الموج
يشك حلك البحر مرفوع ساريه
عله دمعة رخيصه بلا خجل تبجون
حثاله انتم نعم لا انتو هت .....
يضل قبضه العراق من الحديد اليوم
ونزالاته حسم صارت نهائيه