إعـــــــلان

**nosifatima** · 06-04-2007, 03:33 PM

وبهذلتهم امهم هم الاثنين وصارت تقوللهم هاي اخر تربيتي الكم انتم صدق ما تستحون يله كل واحد فيكم يروح على غرفته ........
يله كملوا

**بنوتة الخليج** · 06-04-2007, 03:49 PM

عاد بحراني طقها مشكلة وقال يمه هذي بنتج اللي اطقني ، أخته قامت تناظره بنظرات استغراب ودهشة وتقول له : شوف الخيانة اللحين آنا اللي علت عليك صج مب صاحي وطلعت وهي تبجي وتقوله بعدين شغلك بحط فيك حطة من الطق أوريك ، بحراني ماصدق خبر <<< صج صبيان ، المهم قام يظحك ومشى خطوات صغيرة علشان يروح غرفته واذا بـ ...............

يلا كملوا

**بنوتة الخليج** · 08-04-2007, 09:17 PM

يؤ يؤ

ماعجبتكم اللعبة؟؟؟؟؟؟؟؟؟

**Kuwaitty** · 08-04-2007, 10:26 PM

يا لكم المؤلف المخضرم كويتي أحو أحو تصفيق

جك جك جك جك (واحد يصفق)

وإذا بأخته الصغيرة عاملة كمين محكم حيث واضعه ماي على السرير والمسكين بحراني فيه النوم ولا ينام على الفراش وهدومة (ملابسه) كلها ماي فعصب ويبي يطق اخته ولا تيي له فكره انتقام (شرير معروف) ويعرف بحراني انه اخته تخاف من القصص الخيالية فقام بتلوين وجهه بشكل مرعب وبالظلام مسكينة اخت بحراني تبي تنام ولا يطلع لها بحراني ويخوفها وتبجي ووتوالى القصص والأحداث المشوقة بمؤامرات بين بحراني واخته ففكرة اخت بحراني بـ..........

يلا كملوا الأحداث

**عاشقة اهل العترة** · 09-04-2007, 06:15 PM

فكرت اخت بحراني بفكرة جهنمية ,, و عندما حل المساء راحت غرفة بحراني اللي كان

غارق في النوم و حطت خيشة بصل يم السرير و جيس متروس ضفادع

بعدين حطت قطوة

الجيران تحت السرير ,,, الصبح لما قعد من النوم اشتم الريحة الخايسة و قعد يبجي من البصل

كان بياخد له منديل من الجيس ,, بس الضفادع ما صدقوا خبر و كل ضفدع نط على ويهه و على كشته

و هو كان يترنح مو قادر يضبط روحه بسبب الضفادع المتيمعين عليه ,, داس على ذيل القطوة مالت الجيران

و ذاك الوقت صرخت القطوة بقوة و قامت و عضته

و اخته طاحت دموعها من كثر الضحك ما تقدر تتنفس

صادها ضيق تنفس >> الله يمهل و لا يهمل ,,, و ودوها المستشفى هههههههههههههههههههه

**بنوتة الخليج** · 09-04-2007, 09:23 PM

عاد في المستشفى بحراني رأف بالحال اللي فيه أخته من الموقف الذي لايحسد عليهههههههههههه عاد المينون زاد ينونه لان أخته بالمستشفى ، تسند بالجدار وغمض عينه وتذكر ذكرياتهم اهو وأخته ابتسم وطاحت دموعه وطلع الدكتور ومن شاف الدكتور ركظ له (( خير دكتور)) الدكتور : ((الحمدلله بخير مافيها الا العافية وتقدرون تاخذونها البيت)) ................

كملوا القصة ياحلوين

**nosifatima** · 09-04-2007, 09:42 PM

دخل بحريني على اخته الغرفه وحاول ان يتصالح معاها وصار يكلمه برقه هي ما متعوده عليه وصار يقوللها ما بك شيء يالغاليه وشنو رايك ننسى هذي الشقاوات وانصير اصدقاء وخرجوا من المستشفى وراحوا البيت وفي الطريق .............
كملوا

**فراشة لبنان** · 10-04-2007, 08:12 PM

وفي الطريق شاهدت اخته قط فركضت ورائها هي تركض والقط تركض حتى لم تنتبه فجائت سيارة مسرعة ودهست الفتاة فركض اخوها وهو يولولا ساعدوني اختى راح تموت فاخذوها الى المستشفي

وحالتها خطيره جدا ووقف اخوها كملو.......

**قدوتي الزهراء (ع)** · 10-04-2007, 08:46 PM

المسكينه ودوها مباشرة للطوارئ وعقب مده الدكتور المصري يبين للبحراني شدة خطورة حالة اخته :بحراني اختك قرى لها ايه ؟

بحراني وهو يصيح ومب عارف يتكلم : ا .. أخت...ي صد...متها .. س ..سيا ..ره ... مابيها تمووووت

وبعد ما هدأه الدكتور : اختك مش حتموت يا بحراني .. انكسرت ركلها و فيها كم رض

بحراني : يعني الحين اقدر اشوفها

الدكتور : لأه مش حتأدر تشوفها لأننا أديناها مهدئ وحتنام دي الوأتي

بحراني : انزين دكتور .. متى اقدر اشوفها

الدكتور .......... يالله كملوا انتو

احس وايد دعينا عليه وعلى اخته

بغيت ابجي الصراحه

ويسلموووو ع اللعبه

تحياتيي

**بنوتة الخليج** · 12-04-2007, 10:26 PM

احم احم

قلنا ألفوا قصة مو تفاولون على أخت بحراني هههههههههههههههه

على طول أكشن ماتنحدون بالمرة انتوا

المهم آنا ماكملها لان الدكتور مصرررررررررررري لوووووووووول

وآنا ماعرف مصري ولا أواطن شي اسمه مصري

**قدوتي الزهراء (ع)** · 13-04-2007, 07:50 PM

ههههههههههههه

اني احب كلام المصريين هع

مابكمل فشيله اكمل خخخخ

تحياتيي

**بنوتة الخليج** · 13-04-2007, 10:40 PM

لا كملي لاتوهقينا

هههههههههههههه

**قدوتي الزهراء (ع)** · 13-04-2007, 10:49 PM

ههههههه اوكي

الدكتور : حتقدر تشوفها بكره دي الوأتي روح لبيتك وطمن اهلك عليها

بحراني : اوكي .. مشكور دكتور .. مع السلامه

في البيت

ام بحراني حامله النعال : تعاااال .. تعال .. انت اللي خليتها تندعم .. اراويك ياعديم المسؤوليه

وطاااخ طيييخ طوووخ

المسكين تشلخ بالنعال الكعب ههههه

وبحراني وهو نايم ع السرير ويتألم : آآآخ الله يسامحج يأمي .. ذبحتيني .. الله يسامحج ياختي غربلتيني

وبعد مده اخته الصغيره دخلت عليه الحجره بدون استأذان وقالت : ويوووو بحراني ضربوه

جي بس احنا اللي ننضرب وانت الكبير مايضربونك ويووو ويووو

ههههههههه

وبحراني قال : انا مابقوم لج لايصير شي ويقولون مني

وظلت الاخت تخليه يوصل حده ليييين ....

تحياتيي

**بنوتة الخليج** · 20-04-2007, 10:27 PM

اممممممممممممممم

معليه

آنا تعبت مابكمل القصة

آبي الباقي يكملونها

خلهم يطلعون الابداعات

ههههههههههههههههههههه هع هع

بصراحة آنا زعلانة لا نكم ماتشاركون في هاي اللعبة

	المواضيع		إحصائيات	آخر مشاركة
	لقد كرمنا بني آدم بواسطة ibrahim aly awaly أنشئ بواسطة ibrahim aly awaly, يوم أمس, 09:44 PM		استجابة 1 10 مشاهدات 0 معجبون	آخر مشاركة بواسطة ibrahim aly awaly يوم أمس, 09:48 PM
	اثرة العترة في بقاء الاسلام بواسطة ibrahim aly awaly أنشئ بواسطة ibrahim aly awaly, يوم أمس, 07:21 AM		ردود 2 12 مشاهدات 0 معجبون	آخر مشاركة بواسطة ibrahim aly awaly يوم أمس, 07:23 AM

إعـــــــلان

للاشتراك في (قناة العلم والإيمان): واتساب - يوتيوب

تأليف قصة حلووووووووووووووووووووووووووة

تأليف قصة حلووووووووووووووووووووووووووة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين