تويت
تحياتي للجميع
جرح الطفوف
ياجرح الطفوف الما يلمه اضماد =ويا نحر اليلمه أضماد ونضمده
شحالك من عطش جبدك يبو الاحرار= وطفك شدة ظلت تتبع الشده
جرح الطفوف
ياجرح الطفوف الما يلمه اضماد =ويا نحر اليلمه أضماد ونضمده
امن الابهر يسيل ونزفه حار وحاد= وبجرف الاباء اتنومس ونــــــدّه
صعد ضوّة الزوايا الاظلمت بالكون= طش نوره وصفت عين الشمس رمده
بسيوف المناية ايذوب حد كل سيف =والشاطر يهج ويلبــــــــد بغمده
بس هذا الجرح شايل معاني السيف=يضحك عالمنية وضحكته بحـــده
مد روحه نهر كل ضفه معنى اتشيل=وحده ام الفرج والثانية الشده
يتفايض كرامة وعزة ماتنظام= وعيون الحياة اتروت بمدّه
ماشايف جرح يضحك بوجه السيف= وانطاه بكرم من طلب ما رده
شال اطباع راعيه ابيّ الظيم= ماهزه الوﮔف سبعين الف ضده
من مثلة ايتبرهج منه ﮔلب أعداه= يخطيله الجدم ذباحه ويـــــــرده
صاحتلة الرماح وصاح بيهه حسين= اﮔبل واﮔبلت واتصوره ابوحده
مد روحه وفه ومد جفه غطه الكون= خيّم عالطفوف بعزم يتحده
يافيّ اليتامه وياروي العطشان= ياسور العداله النحتمي بسده
ياكوسر هوانه العلّم المايوس= يتوزر شهامة وغيرتة بحده
يالعزمك رمح شل كل رماح اعداك= وأتعـﮔر الخيل المالهن عده
من مثلك ترس حلـﮓ المنية ابطال= كرم حتى برضيعه النايم بزنده
من مثلك وﮔف والموت صف اوياه= شتل روحه درع لاينسحـﮓ حده
فزعت من وﮔف نبض الزلم يحسين= صدرك ناحر السيل وصرت سده
تتسابـﮓ نصد العاديات اعليك= جم سيف انفرك بظلوعك وحدّه
صعد ضوّة الزوايا الاظلمت بالكون= طش نوره وصفت عين الشمس رمده
بسيوف المناية ايذوب حد كل سيف =والشاطر يهج ويلبــــــــد بغمده
بس هذا الجرح شايل معاني السيف=يضحك عالمنية وضحكته بحـــده
مد روحه نهر كل ضفه معنى اتشيل=وحده ام الفرج والثانية الشده
يتفايض كرامة وعزة ماتنظام= وعيون الحياة اتروت بمدّه
ماشايف جرح يضحك بوجه السيف= وانطاه بكرم من طلب ما رده
شال اطباع راعيه ابيّ الظيم= ماهزه الوﮔف سبعين الف ضده
من مثلة ايتبرهج منه ﮔلب أعداه= يخطيله الجدم ذباحه ويـــــــرده
صاحتلة الرماح وصاح بيهه حسين= اﮔبل واﮔبلت واتصوره ابوحده
مد روحه وفه ومد جفه غطه الكون= خيّم عالطفوف بعزم يتحده
يافيّ اليتامه وياروي العطشان= ياسور العداله النحتمي بسده
ياكوسر هوانه العلّم المايوس= يتوزر شهامة وغيرتة بحده
يالعزمك رمح شل كل رماح اعداك= وأتعـﮔر الخيل المالهن عده
من مثلك ترس حلـﮓ المنية ابطال= كرم حتى برضيعه النايم بزنده
من مثلك وﮔف والموت صف اوياه= شتل روحه درع لاينسحـﮓ حده
فزعت من وﮔف نبض الزلم يحسين= صدرك ناحر السيل وصرت سده
تتسابـﮓ نصد العاديات اعليك= جم سيف انفرك بظلوعك وحدّه
شحالك من عطش جبدك يبو الاحرار= وطفك شدة ظلت تتبع الشده
تلطّخ بالمذله وشّيب التاريخ = من شال النذل راسك ضرب خده
3صفر1428هـ
ابو رضا السماوي
3صفر1428هـ
ابو رضا السماوي
تعليق