يا عراق الطاح فدوه وما أنحنيت
ولو طبع السيف اصلن منحني
حارسك حيدر علي وطف كربلاء
وكلنا فد نروحلك انا وبني
سمل طابوكات طاحن وتفداك
العثر ينهض والتهدم ينبني
هذن مرن عليّ وفايتات هواي
الويهن صبر ويخسن يلوّني
جبت عمري سفينة مكّالب ويا الموج
ما شفت المراسي ويوم ّلفني
من حد السيوف الظالمة اشرب موت
ورحى الطاغية بكل يوم تطحني
صرت كلي مقابر والبيوت سجون
جن حزب البعث مصنوع يسجني
هذن كلهن ضكتهن والعرب يا حيف
شربت نخب موتي وكاعدة تغني
طرب غنت الموت وساندت صدام
شنسى من العروبة الكثرت وني
ضايع بين غربة وخنجر الجلاد
وسفارات العرب ما رضت تقبلني
وتصافح قاتلي بعض العرب لليوم
وفضائياتهم للان تقتلني
حكام العرب يا جيفة التاريخ
طز بالجامعة الحاولت تخذلني
وطز بعمر موسى وكائنا من كان
ما اريد العرب فد يوم توصلني
ما محتاج كلب القاهرة بأي عون
أنا اندل المجد والمجد يندلني
انا سن الصخر والنايبات بماي
ينشف مايهن بس ما يطيحني
تعلمت البطولة من الشهيد حسين
من كّل للسيوف الباشقة اخذني
أوجن واشتعل كلي وأصيح عراق
وا كل للجفوف الغرب طفني
عراق ويا عراق أتحملك شتصير
وما بدلك بجنة ولو تبهذلني

الشاعر العراقي رحيم المالكي





مرة أخرى تضيف قوى الشر والضلالة جريمة أخرى بحق الشرفاء من أبناء هذا الوطن وهو استشهاد الشاعر رحيم المالكي معد ومقدم برامج الشالما
المالكي مقدم برنامج في الفضائية العراقية( ومن شعراء اهل البيت (عليهم السلام)

وقد صرح ناطق رسمي

(
استشهد الشيخ فصال الكعود محافظ الرمادي سابقا بانفجار داخل فندق المنصور ميليا وسط بغداد ظهر اليوم. وقال مصدر في الشرطة ان انتحاريا يرتدي حزاما ناسفا فجر نفسه داخل فندق المنصور ميليا".
واضاف:" ان الانتحاري كان على ما يبدو يستهدف مؤتمرا لشيوخ العشائر كان يعقد في الفندق واضاف المصادر الاعلامية من مكان الحادث في الفندق ان الشاعر العراقي رحيم المالكي قد استشهد ايضا في الحادث واضاف ارتفع عدد ضحايا التفجير الانتحاري الذي استهدف مؤتمرا للعشائر في فندق المنصور ميليا الى 25 شهيداً و15 جريحا .
)