تويت
رفقاً بالدجاجه. .......
السلام عليكم حبايبي الاعضاء والمتواجدين في قسم الطبخ هذا القسم الراقي, ,,
حبيت اسولفلكم عن تجربتي الخضتها اليوم بين اركان مطبخنا العزيز
. ..كانت أمي وي اختي (عمري ياعراق)غايبات عن البيت و طلب مني ابوي اطبخله
, ,,طبعاً لأول مرة بتاريخي
. ..مضطره يعني
صدگ والله آنا هم گمت اسويلهم دجاجه
هههههه
حرت منين افتحها من گفاها لو من بطنها
سألت ابوي گالي فكري شويه, ,,
رحت اتصل عله امي
بس ما قبل ابوي وگالي :ممنوع الاتصال بصديق
رديت عالمطبخ
ههههههه
سويت قرعه بين البطن و الظهر منين افتحها
طلعت البطن ههههههه
صدگ فتت عالبطن
شفت عجايب غرايب الله وكيلكم ههههه
وطبعاً كلشي جديد عليّه داخل البطن طلعته وذبيته عله جهه
ناس غربه ما نعرفهموبعدين
شلعت الكتف
. ..والكتف الثاني ما رضه ينزاح خليته على هواه هههه
. .. رجعت گطعت الفخذ والصدر رجعت عالكتف انشلع
صلوات ههههه
هههه هسه بقت بس الرقبه
إبيناتنه آنا اخترعت منها
شي عجيب غريب
سبحان الخالق
هنا تمنين امي توصل
حتى تسوي فد چاره للدجاجه
بس للآسف ما اجت
. ..المهم هسه وين وصلنه.
خلصنه التقطيع و هسه املحهن و ابهرهن
. ..ودهنتهن بشوية زيت وووو قطعت بطاطة و بصل اقراص و خليتهم عليها
ههههه اهنا تأملت خير
خليت الفرن عله 250 وبالنص
و اكيد خليت الاكله بصينية الشوي و غطيتها بسليفون. ..
ههههه تدرون شصار
استوت
ومو بس هذا
لا طلعت ولا اروع
ههههه شفتوا شگد آنا طباخه
وهيچ اتعرفت اليوم عله الدجاجه
بعدما كنت ما اعرفه ابد هههههه. ..
و اوصيكم على كيفكم وياها
هي صحيح قوية حيل
و مرمرتني و قهرتني
وينرادله لاعب اثقال خاطر يقطعها
بس شوية شوية وياها ,,,,,
ابين قوسين
(رفقاً بالدجاجه)
وتعيشون وتسلمون وبالهنه والشفه. ..
تحياتي
تفرج ياعراق
بسم الله الرحمن الرحيم 
. ..
تعليق