تويت
بسم الله الرحمن الرحيم
السلام عليكم ورحمة الله وبركاته
هذا ماكتبته لوطني (المباع)
doPoem(0)السلام عليكم ورحمة الله وبركاته
هذا ماكتبته لوطني (المباع)
مبيوع هـذا الوطـنواليشتـري معـروف
شنهي ويفيـد الحـزنونطلك احنه الخـوف
نسـكـت وليا؟مـتـهوالسكـتـه تاذيـنـه
خسـران هـذا البلـدوالواسـتـه عيـنـه
تبجـي وتهـل الدمـعجيفن وطنـه انبـاك
معصوب عين اصبحتواثنين اديـه اشبـاك
يلتفـت ياهـو الالـهولا واحـد العـانـه
بس دمعه حدر الجفـنوالساعـده السـانـه
يصيح اهـل الرحـموالاجــو يحمـونـه
خشم انسحـك بالجـدموانكسـرت اسنـونـه
جفنـه صوتـه علـهخل ينضرب بيه مثـل
ميهمـه مـن انجـرحوالثاني يمـه انكتـل
المهـم هـو الحـكـمويجـمـع امـوالـه
بالشعب ماله غـرضالمـهـم اطـفـالـه
واطفالي مثـل البلـديضـمـد اجـراحـه
وجه الغريب انعـرفاتشـوفـه بالسـاحـه
يكسـب ود الـغـربوشحجـه مجلسـهـم
ابريمـر اللـي فتـهاو بــوش قائـدهـم
خطـه البلـد ينهـبوتــروح نفطـاتـه
ويبقـى هـذا الشعـباتـزيـد حسـراتـه
لاشاكـي لامشتـكـيشكوانه لااهل البيـت
رديــت يامسـعـدهخايـب جـدم رديـت
لاحافظة علـى البقـهولازادت امـوالــي
بالعكس فـر الوكـتشودولـب احـوالـي
مدري الـوم الزمـنمدري الذنب بالنـاس
صارت ارضنه وقفللاجو مـن تكسـاس
هذا اليبيـع برخـصوذاك النفـش ريشـه
والناس مـن تشتكـييـاذلـة العـيـشـه
وينك ياغايب وصـلسيل الزبـى للـراس
وانحشم احنـه بعلـيواحسيـن والعـبـاس
اظـهـر للمعـتـديوخاين وطنـه البـاع
من ارضي خل ينجليوالصاع نعيد بصـاع
تحذير رسمـي انعلـنلـلاجـو شـرايــه
كاع الوطـن مشكلـهوتـشـور الـثـايـه
اخوكم
ابو علي السعيدي
تعليق