تويت
يحسين بضمايرنه صحنه بيك آمنه
لا صيحة عواطف هاي لا دعوة و مجرد رآي
هذي من مبادئنه صحنه بيك آمنه
****
ابتكوين البشر يحسين متساوين نوعيّه
جسمه و محتوى واضح معروف ابتساويّه
الشيء البي خفي اومجهول نزعاته النفسيه
هيّ ابدورها اتكشفه تظهر لك مخافيّه
اتكشفه امن اتجاهاته شر يو لا حسن نيّه
و احنه ابفسك آمنه امن اعرفناها قدسيّه
ابشخصيتك لمسنه اوصاف منوجدت بشخصيّه
لمسنه بيك أبو الأحرار عرفنه الموت حريه
لمسنه بيك أبي ومتلين عرفنه الذل عبوديّه
لمسنه اعله الكرامه اخطيت عرفنه انريدها هيّه
لمسنه ابذنب دم وحيك عرفنه الدنيه وقتيّه
لمسنه قسوة اعداءك عرفنه احنه فدائيّه
اعرفنه انظل بدين ايزيد من ايد القساوة الايد
*****
عن سابق علم يحسين عن تركيزز بالفكره
حبيناك و تبعناك نتوقع قصص مره
نتوقع وقت محذوف ساعات التمر خطره
ما بين اليكَيدنه بين ايدبر الغدره
مع احساسنه هذا و الشفنه او ننتظره
آمنه او توطنّه على كل شي بعد يجره
معلوم الشيم أزهار ايوخزه الشوك بالشجره
اعلى ريحتكم شنو الازهار نتحمل أذه جمره
تربة كربله تشهد من دمنه أصبحت حمره
يوم العاشر بعاشور هم يشهد بعد ذكره
كل طعنة رمح تشهد او كل سيف الطبر طبره
كلها اتصيح آمنه بمحبتك يبو العتره
حقيقتنا او طبيعتنه اكتبناها على الفطره
احنه و كل دمع مهدور كل طعنه او جرح و نحور
ابساعات الشرف كلنه صحنه بيك آمنه
*****
يحسين ارتبطنه اوياك بالدم بالنفس بالجيد
مثلما قلنه على الفطره لا صدفه و لا تعويد
افرض نشد عن خطك و انسير اعلى خط ابعيد
افرض يجتدبنه الكَاك يسحرنه هوه التجديد
افرض نلتهي انقامر نتصدق بلا تقييد
اشما تفرض بعد يحسين اشما نعمل بعد وانزيد
لا بد ما تجي الساعه البيها ننتبه و انعيد
لا بد ما هو الرحمه يدركنه اونرد اجديد
حتى انجانه نهرم يضعف حيلنه و انبيد
لا نقدر نحرك راس لا نقدر نحرك ايد
لنشوف و لا نسمع صوت اتسند له وسادة موت
بآخر نفس احسبنه
****
على سيرة عقايدنه انحبكم يبن داحي الباب
فتشنه ابمحبتكم ما ظل على العين احجاب
لا حب محترف طامع لا حب هاوي شب او غاب
حب المحترف عنده ابتحقيق الارباح احساب
حب الهادي يتنقل وي اهواءه اعلى ساعة او باب
الحب حبنه العله الفطره العلمعتقد بالالباب
رواد الأصول اتقول عاليعتقد ما ينعاب
حبيناكم او حنه ابين الرحم و الاصلاب
على هاي العقيدة انسير الحاضر و اليجي و الغاب
على كل صوت من عدكم نرفع صوتنه بيجاب
ابصوتك من صحت يحسين هل من ناصر الها الدين
ما بين الاصلاب احنه
***
مر بينه اعلى حبكم دور لا ينسّه او لا يخفه
من عدوانك الجانت بينه اتريد تتشفّه
علينه أفرضوا أحكام بلا رحمة و لا رأفه
ثبتنه بثقه اوبرهنّه للظالم رغم أنفه
حتى من نجي انزورك على العاده المأتلفه
يتحجج علينه ايريد يمنعنه بألف حرفه
قال اللي يزور احسين و لمهما يكن ظرفه
على مية ذهب يدفع رسم ازيارته ايكلفه
دفعنه او كل شخص منه يشعر بعده ما وفّه
شنهو الذهب شنهو المال اليحب يتوطن الحتفه
رد قال اليزور احسين امن ايده ينقطع جفه
انطينه اجفوفنه بالحال ركضنه انزورك ابلهفه
عنك ما منعنه الخوف قطعوا من ايدينه اجفوف
من الألم ما صحنه
***
عشت يبن النبي فترة يصعب عل اليحددها
مات النبي او انظمته جديدة عهد مولدها
و الناس ابكفر و بدين مضطربه عقايدها
لن حكم ابن ابو سفيان بدأ للنظم يفسدها
دين الدوله صح اسلام يصم احلوك و يسددها
يا دين و أمير الشام الها الجلمه يرددها
ما قاتلتكم للصوم لا حج لا محمدها
ابها الذهنيّه و المفهوم الأمور خلافة مهدها
على دين الملوك الناس اشما بعد تعبد تقلدها
ابها الرد الفعل يحسين ابها الفوضى التشاهدها
قمت واطلقت هالصرخه الما تتأول العدها
إن لم يستقم هالدين كَلتها او اثبتت عدها
و بعد جلمتك لن صوت ارتفع نيته ايفندها
صاحوا اشركت يحسين صحنه انته اصول الدين
صاحوا بيكم اكفرنه صحنه بيك آمنه
****
منقول
للشيخ المرحوم احمد اوائلى رحمه الله
لا صيحة عواطف هاي لا دعوة و مجرد رآي
هذي من مبادئنه صحنه بيك آمنه
****
ابتكوين البشر يحسين متساوين نوعيّه
جسمه و محتوى واضح معروف ابتساويّه
الشيء البي خفي اومجهول نزعاته النفسيه
هيّ ابدورها اتكشفه تظهر لك مخافيّه
اتكشفه امن اتجاهاته شر يو لا حسن نيّه
و احنه ابفسك آمنه امن اعرفناها قدسيّه
ابشخصيتك لمسنه اوصاف منوجدت بشخصيّه
لمسنه بيك أبو الأحرار عرفنه الموت حريه
لمسنه بيك أبي ومتلين عرفنه الذل عبوديّه
لمسنه اعله الكرامه اخطيت عرفنه انريدها هيّه
لمسنه ابذنب دم وحيك عرفنه الدنيه وقتيّه
لمسنه قسوة اعداءك عرفنه احنه فدائيّه
اعرفنه انظل بدين ايزيد من ايد القساوة الايد
*****
عن سابق علم يحسين عن تركيزز بالفكره
حبيناك و تبعناك نتوقع قصص مره
نتوقع وقت محذوف ساعات التمر خطره
ما بين اليكَيدنه بين ايدبر الغدره
مع احساسنه هذا و الشفنه او ننتظره
آمنه او توطنّه على كل شي بعد يجره
معلوم الشيم أزهار ايوخزه الشوك بالشجره
اعلى ريحتكم شنو الازهار نتحمل أذه جمره
تربة كربله تشهد من دمنه أصبحت حمره
يوم العاشر بعاشور هم يشهد بعد ذكره
كل طعنة رمح تشهد او كل سيف الطبر طبره
كلها اتصيح آمنه بمحبتك يبو العتره
حقيقتنا او طبيعتنه اكتبناها على الفطره
احنه و كل دمع مهدور كل طعنه او جرح و نحور
ابساعات الشرف كلنه صحنه بيك آمنه
*****
يحسين ارتبطنه اوياك بالدم بالنفس بالجيد
مثلما قلنه على الفطره لا صدفه و لا تعويد
افرض نشد عن خطك و انسير اعلى خط ابعيد
افرض يجتدبنه الكَاك يسحرنه هوه التجديد
افرض نلتهي انقامر نتصدق بلا تقييد
اشما تفرض بعد يحسين اشما نعمل بعد وانزيد
لا بد ما تجي الساعه البيها ننتبه و انعيد
لا بد ما هو الرحمه يدركنه اونرد اجديد
حتى انجانه نهرم يضعف حيلنه و انبيد
لا نقدر نحرك راس لا نقدر نحرك ايد
لنشوف و لا نسمع صوت اتسند له وسادة موت
بآخر نفس احسبنه
****
على سيرة عقايدنه انحبكم يبن داحي الباب
فتشنه ابمحبتكم ما ظل على العين احجاب
لا حب محترف طامع لا حب هاوي شب او غاب
حب المحترف عنده ابتحقيق الارباح احساب
حب الهادي يتنقل وي اهواءه اعلى ساعة او باب
الحب حبنه العله الفطره العلمعتقد بالالباب
رواد الأصول اتقول عاليعتقد ما ينعاب
حبيناكم او حنه ابين الرحم و الاصلاب
على هاي العقيدة انسير الحاضر و اليجي و الغاب
على كل صوت من عدكم نرفع صوتنه بيجاب
ابصوتك من صحت يحسين هل من ناصر الها الدين
ما بين الاصلاب احنه
***
مر بينه اعلى حبكم دور لا ينسّه او لا يخفه
من عدوانك الجانت بينه اتريد تتشفّه
علينه أفرضوا أحكام بلا رحمة و لا رأفه
ثبتنه بثقه اوبرهنّه للظالم رغم أنفه
حتى من نجي انزورك على العاده المأتلفه
يتحجج علينه ايريد يمنعنه بألف حرفه
قال اللي يزور احسين و لمهما يكن ظرفه
على مية ذهب يدفع رسم ازيارته ايكلفه
دفعنه او كل شخص منه يشعر بعده ما وفّه
شنهو الذهب شنهو المال اليحب يتوطن الحتفه
رد قال اليزور احسين امن ايده ينقطع جفه
انطينه اجفوفنه بالحال ركضنه انزورك ابلهفه
عنك ما منعنه الخوف قطعوا من ايدينه اجفوف
من الألم ما صحنه
***
عشت يبن النبي فترة يصعب عل اليحددها
مات النبي او انظمته جديدة عهد مولدها
و الناس ابكفر و بدين مضطربه عقايدها
لن حكم ابن ابو سفيان بدأ للنظم يفسدها
دين الدوله صح اسلام يصم احلوك و يسددها
يا دين و أمير الشام الها الجلمه يرددها
ما قاتلتكم للصوم لا حج لا محمدها
ابها الذهنيّه و المفهوم الأمور خلافة مهدها
على دين الملوك الناس اشما بعد تعبد تقلدها
ابها الرد الفعل يحسين ابها الفوضى التشاهدها
قمت واطلقت هالصرخه الما تتأول العدها
إن لم يستقم هالدين كَلتها او اثبتت عدها
و بعد جلمتك لن صوت ارتفع نيته ايفندها
صاحوا اشركت يحسين صحنه انته اصول الدين
صاحوا بيكم اكفرنه صحنه بيك آمنه
****
منقول
للشيخ المرحوم احمد اوائلى رحمه الله