سلااام

عطينك حنانك .....

ليش غبتي ؟

ليش رحتي ؟؟؟

ليش وكيف بهالسرعه ابتعدتي ؟


اشتقت لحضنك الدافي ...يدفيني

ولك تعبت من الالم يا امي ...دخيلك هديني

غمريني ...حضنيني

ولك دخيل الله يا امي اسمعيني

مبارح

انا وبين اوجاعي يا امي

تذكرت كلماتك

من ام لبنتها عم تحكي عم تحكي حكاياتك

تقلها يا تقبري قلبي

يا ريتني انا الموجوعه

ونسيت انو جنب سرسر بنتها في بنت ع غياب امها مقهوره

صدقيني يمي

حسيت بدي ناديها وقلها يا ماما

بلحظه حسيت اني وحيده من دونك يا ماما

وكرجو دموع الحزن من عيوني

وبلمسة حنان من ايدها مسحت دموعي

غمرتني

وضمتني ع صدرها ضمة حنان

حسيت بحضنها انا بشوية امان

احساسي وانا بحضنها كان احساس غريب

بلسمت بعطفها جروحاتي متل شي طبيب

بعمري يا امي ما عرفت شو يعني كلمة حرمان

وصرت من بعد غيابك نبش ع الحنان

قولك يا امي

لان باسمها في حروف كلمة ام ؟

او انا مشتاقه لحنانك يريحني من الهم ؟


اااخ

تعبانه انا يا امي

والاااخ حرقت قلبي


محتاجه لحنانك يا عمري

ينور لي دربي

وينك يا امي ؟

بحنانك غمريني

ولك دخيل الله يا امي طلي واسمعيني ....