انا احبها واجد اتمنى انكم تحبوها وتجيبوها
قوم مابين الهواشم,,,ياسليل الطاهرين
قوم وتهنا ياجاسم,,,ياسليل الطاهرين


ليش ياوليدي ياجاسم إنت مرمي بالشمس
حنتك بيدي إعجنتها وفصلت ثوب العرس
رحت عني شلون روحه وبيش تتسل النفس
خيبتني وخاب ظني صاح قلبي بالونين
لعد جتلك خلص قلبي...يشهدالمعبود ربي
ياسليل الطاهرين
=========================
يابني ياعريس مثلك ضامي بيوم الزفاف
إنجتل بين الأعادي ومثل هضمك منهو شاف
قلي ياعريس مثلك عاف يوم العرس عاف
شبه نجمه السعد عني غبت ولنصرة الدين
ونصرت ياوليدي عمك ...للوفى ضحيت دمك
ياسليل الطاهرين
==========================
جنت متأمله تمشي يابني إقبالي وشوف
لابس ثياب الزفاف ونت متحني الكفوف
خوش عرسك صار يابني إمبارك بوادي الطفوف
حوفتك يابني سبتني ياسليل الطاهرين
خضبت من دم وريدك ...آه يابني وآنه اريدك
ياسليل الطاهرين
===========================
جنت وياالنفس أحجي ونته نايم بالمهد
تكبر بين الهواشم تفتر ونته الضمد
وآنه بعرسك اتهنى يابني يانعما الولد
والفواطم يهنيني والمسره بالجبين
ليش خان الدهر بيه ...وطحت مابين آل اميه
ياسليل الطاهرين
============================
إحسبت إحساب لاجن طلع مقلوب الحساب
ردتك توسدني بيدك يابني وتهيل التراب
هالله هالله شلون بيه إقطعت يابني وقلبي ذاب
ليش يابني خيبتني راحت آمال السنين
ريت روحي وياك راحت ...جثتي بمصرعك طاحت
ياسليل الطاهرين
===========================
يابني تذكر من جبتني لطفوف من الوطن
كفلتني ودللتني يابني ياشبل الحسن
ليش رحت اليوم عني وصار دلالي بمحن
كربلا ومن ين جتني وياهلْ فاجعه منين
روح يابني مودع الله...بالنوايب قلبي خله
ياسليل الطاهرين
===============================
طبعا هي للملا نزار الغالي
__________________
علي علي مولاي
حب علي فوز الشيعي غدا
فأمدد لي يوم حسابي يدا
وانقذني من نار جحيم وهل
رمت شفيع غير امام الهدى
ان صلاتي ثم صيامي اذا
لم يشفع لي حيدر ضاعت سدا
يشهد ربي ان بروحي له
حبا دوما قلبي فية شذا
صهر الهادي انت مرادي علي

تحياتي