تويت
بسمه تعالى
------------------
يالمهدي يالمهدي -- شاركنه يالمهدي
لجل الجواد انهل دمع -- شاركنه يالمهدي
---------------------------------------
يالمهدي انته بهل المصايب تعلم
ياهو الذي منكم يغايب يسلم
لوذبح بسيوف الغدر لو بالسم
السان الزمان بهل المحن يتكلم
واسينه واسينه -- بالدمع واسينه
ابصوت البواچي الينسمع -- شاركنه يالمهدي
----------------------------------
يالغايب اليله بحزنه انواسيك
ندري الجواد بهل المصاب امبچيك
متهون هاي الفاجعه اليله اعليك
جمر المصيبه بينه مثل مابيك
فجعونه فجعونه -- بياچبد فجعونه
ابچبد الجواد المنگطع -- شاركنه يالمهدي
----------------------------------------
يبن الحسن من يوم ظلع الزهره
ومن طبرة المحراب أ ياطبره
چم نايبه ومصاب بيك وجمره
وگلبك يغايب عفيه مامل صبره
شيجرعه شيجرعه -- هالصبر شيجرعه
گوم اطلب بثار الظلع -- شاركنه يالمهدي
--------------------------------------
يالغايب اتشوف المصايب جمه
حللوا كل واحد البيكم دمه
اتراب الطفوف الچم ذبيح ايظمه
ياجسم متوذر بديك اتلمه
يانبله يانبله -- تشلعها يانبله
بنحر الطفل ماتنشلع -- شاركنه يالمهدي
---------------------------------------
تصبر يغايب لشوكت عالطعنات
ماتنحصي بيك شكثر من رميات
انحور اهلك بسيف الغدر منحورات
اچبود الذي بسم الخيانه اموذرات
اطلبها اطلبها -- ثاراتك اطلبها
وطالب بثار اليرتضع -- شاركنه يالمهدي
------------------------------------
يالغايب اليوم المصاب البينه
فگد الجواد وهذا المبچينه
وغيرك يغايب ياهو اليواسينه
نتشتارك اوياك بحزن خلينه
صبَرنه صبَرنه -- بهل الفجعه صبرنه
اعلينه المصايب تجتمع -- شاركنه يالمهدي
---------------------------------
سيد عدنان الحمامي