تويت
السلام عليكم ورحمة الله وبركاته
كعادة اهالي الريف فهم يجتمعون ليلا في مضيف الشيخ يتسامرون ويتبادلون الحديث وتدور الدلة بينهم وهي تحمل القهوة العربية المهيلة
وفي احد اليالي في قرية تدعى المنسية تقع في الجنوب العراقي قرية تبعد عن المحافضة مسافة كافية لحرمانهم من كل الخدمات في كل العهود المنصرمة
دار الحديث الاتي في مضيف شيخ المنسية
ابتدا الشيخ الحديث
ياجماعة الخير سمعت انو راح يوزعون وية الحصة لحم غنم ولحم هوش ولحم دجاج وجبن كيري وجبن كرافت ولكل فرد بطل كجب وبطل صاص وشيشة عنبة هندية ام الباخرة
صاح الجميع صلوات على محمد وال محمد وصاح واحد من الكاعدين هلا هلا بوية ولكم الله خلصنة من صديم وطحيناتة
المعفنة وعلى كولة المعارضة بلخارج جان ينطينة علف ححواوين
هنا تكلم الشيخ لكن ياجماعة ترة بس احنة اشو مانطونة معقولة منسين بوكت صديم ومنسين بهل وكت الديمغراطي
ويا جماعة ترة الحكوك تريد حلوك
نريد واحد باجر من الغبشة يروح لبغداد ويشوف ليش ما ينطونة حكنة مثل باقي مناطق العراق ولكم نريد عنبة
وقع الاختيار على كريم لانه يقرا ويكتب
نهض كريم وكال بعلات صوته امرك يمحفوض باجر اغبش لبغداد وما ارد الا وجيب العنبة والصاص والكيري
ونضر كريم للصورة الكبيرة المعلقة في المضيف وهو يقف بقرب الشيخ مع افراد العشيرة وهم يرفعون سباباتهم
نحو السماء وهي مصبوغة بلون بنفسجي اخذت ايام انتخاب مجلس النواب
كل افراد القرية كانوا في تلك الصورة وكانهم طلاب في صورة تخرج والكل مبتسم ورافع سبابته البنفسجية
المهم نرجع لسالفتنة
في الصباح الباكر لبس كريم عباته وعكالة وكبل لسيارات بغداد ركب او ما مشت السيارة غفة كريم ومن وصلت السيارة لبغداد كعدوه العبرية حجي وصلنة بغداد
نزل كريم وكبل تكسي لوزارة التجارة
داخ كريم صبات وسيارت صيح واق ويق وجماعة شايلة تفك
دخل للوزارة بس كليبة يرجف للستعلامات واذا
ببنية حلوة تقدم عليها كريم وبدا السلام الله يساعدج بوية
اجابت موضفة الاستعلامات اهلا وسهلا سيدي المواطن مع ابتسامة صدك حلوة
نحن في خدمتك
صاح كريم ولكم صكد جذب الحكومة بخدمة المواطن ايه راح ذاك الزمان الى جان المواطن بخدمة الحكومة الف الحمد الله
تكلم كريم بنيتي اني من قرية بلجنوب اسمهة المنسية وحنة يا بنيتي منسين بوكت صدام ليش يبنيتي انتوا هم نسيتونة
اجبت الموضفة حجي وضح اكثر
بنتي اذا انتوا تنطون للوادم لحم دجاج ولحم غنم وكيري وعنبة هندية ام الباخرة وية الحصة ليش ما تنطون لينة مثل الوادم
اجابت الموضفة هذه المرة بزدراء
اخي انت شسولف مجلس النواب اصلا راح يلغي كل الحصة يا لحم عنبة
وراح يصدر قرار بالغاء كل الحصة التموينية عن كل العراقين
ضرب كريم على راسه حيل
بنيتي مجلس النواب موش احنة الى انتخبناهم من غمسنة اصابعة بلحبر البنفسجي
قالت الموضفة اكيد فهذه الديمقراطية
صاح كريم بعلات صوته ولكم حتى صدام المجرم ما كطع الحصة انتوا كطعتوهة الله يكطع مجلس النواب ولكم لا هذي خبزة عيالنة ولكم ما نريد اليمغراطية اخذوها ونطونة حصة ولكم شلون نعيش بهل الضرف الكلش صعب
وحنة عيشتنة عاى الله وعلى الحصة
عمي ما نريد عنبة بقوها مثل ما جانت بوكت صديم
هنا صاحت الموضفة هذا شنو الحجي انت الضاهر بعثي لو عدو للديمقراطية لو ماسوني حرس ارموه خارج الوزارة
تقدم على كريم اثنين جحنتية واحدهم تكول ارنولد وشالوا كريم تكول ريشة وجلاق وشمروه بلشارع
سحب كريم سبابته وهو يحاجيهه ولج انتي السبب وعضهة الى ان دماها فصبغت هذه المرة بلون احمر
ركب راجع للقرية تلكوه الشيخ واهل القرية بشر يبو حاتم
سولف عليهم الي صار وصط ذهول تام للشيخ وافراد القرية
سحب كل افراد القرية سبابتهم ومن ضمنهم الشيخ الى اسنانهم وعضوا عليها الى ان ادموها فتلونت كل السبابات بلون احمر
وامر الشيخ ان حضار مصور واجتمع في الصورة التي التقطها لهم المصور لكن هذه المرة لون سبابتهم احمر وهم يرفعونها نحو السماء واحرقت الصورة المعلقة في المضيف لافراد القرية ايام الانتخاب وهم يرفعون فيها سبابات بنفسجية
وامر الشيخ ان تعلق الصورة الجديد بدل القديمة
ويقال ان العديد من القرى الفقيرة فعلت نفس الشيء بل بالغ احدهم ان هائولاء سيشكلون حزب يدعة حزب السبابة الحمراء وسيقومون بحملة اعلانية تنافس في الانتخابات القادمة حملة الاصابع البنفسجية
ويقال والعهدة على القائل ان النشيد لهذا الحزب سيكون الاغنية الفلكلورية يراحي اريد افركجن يراحي لما ادميجن
وسيكون هدف هذا الحزب عض قلبي ولا تعض خبزتي
الاخوة الاعضاء في مجلس النواب المحترمين اياكم ان تنسوا الفقراء الذين اوصلوكم لكراسي المجلس والاخوة اعضاء الكتل السياسية في مجلس النواب لاتجعلونا نصبغ اصابعنا حمراء ونعض عليها ندما لاننا انتخبناكم
كعادة اهالي الريف فهم يجتمعون ليلا في مضيف الشيخ يتسامرون ويتبادلون الحديث وتدور الدلة بينهم وهي تحمل القهوة العربية المهيلة
وفي احد اليالي في قرية تدعى المنسية تقع في الجنوب العراقي قرية تبعد عن المحافضة مسافة كافية لحرمانهم من كل الخدمات في كل العهود المنصرمة
دار الحديث الاتي في مضيف شيخ المنسية
ابتدا الشيخ الحديث
ياجماعة الخير سمعت انو راح يوزعون وية الحصة لحم غنم ولحم هوش ولحم دجاج وجبن كيري وجبن كرافت ولكل فرد بطل كجب وبطل صاص وشيشة عنبة هندية ام الباخرة
صاح الجميع صلوات على محمد وال محمد وصاح واحد من الكاعدين هلا هلا بوية ولكم الله خلصنة من صديم وطحيناتة
المعفنة وعلى كولة المعارضة بلخارج جان ينطينة علف ححواوين
هنا تكلم الشيخ لكن ياجماعة ترة بس احنة اشو مانطونة معقولة منسين بوكت صديم ومنسين بهل وكت الديمغراطي
ويا جماعة ترة الحكوك تريد حلوك
نريد واحد باجر من الغبشة يروح لبغداد ويشوف ليش ما ينطونة حكنة مثل باقي مناطق العراق ولكم نريد عنبة
وقع الاختيار على كريم لانه يقرا ويكتب
نهض كريم وكال بعلات صوته امرك يمحفوض باجر اغبش لبغداد وما ارد الا وجيب العنبة والصاص والكيري
ونضر كريم للصورة الكبيرة المعلقة في المضيف وهو يقف بقرب الشيخ مع افراد العشيرة وهم يرفعون سباباتهم
نحو السماء وهي مصبوغة بلون بنفسجي اخذت ايام انتخاب مجلس النواب
كل افراد القرية كانوا في تلك الصورة وكانهم طلاب في صورة تخرج والكل مبتسم ورافع سبابته البنفسجية
المهم نرجع لسالفتنة
في الصباح الباكر لبس كريم عباته وعكالة وكبل لسيارات بغداد ركب او ما مشت السيارة غفة كريم ومن وصلت السيارة لبغداد كعدوه العبرية حجي وصلنة بغداد
نزل كريم وكبل تكسي لوزارة التجارة
داخ كريم صبات وسيارت صيح واق ويق وجماعة شايلة تفك
دخل للوزارة بس كليبة يرجف للستعلامات واذا
ببنية حلوة تقدم عليها كريم وبدا السلام الله يساعدج بوية
اجابت موضفة الاستعلامات اهلا وسهلا سيدي المواطن مع ابتسامة صدك حلوة
نحن في خدمتك
صاح كريم ولكم صكد جذب الحكومة بخدمة المواطن ايه راح ذاك الزمان الى جان المواطن بخدمة الحكومة الف الحمد الله
تكلم كريم بنيتي اني من قرية بلجنوب اسمهة المنسية وحنة يا بنيتي منسين بوكت صدام ليش يبنيتي انتوا هم نسيتونة
اجبت الموضفة حجي وضح اكثر
بنتي اذا انتوا تنطون للوادم لحم دجاج ولحم غنم وكيري وعنبة هندية ام الباخرة وية الحصة ليش ما تنطون لينة مثل الوادم
اجابت الموضفة هذه المرة بزدراء
اخي انت شسولف مجلس النواب اصلا راح يلغي كل الحصة يا لحم عنبة
وراح يصدر قرار بالغاء كل الحصة التموينية عن كل العراقين
ضرب كريم على راسه حيل
بنيتي مجلس النواب موش احنة الى انتخبناهم من غمسنة اصابعة بلحبر البنفسجي
قالت الموضفة اكيد فهذه الديمقراطية
صاح كريم بعلات صوته ولكم حتى صدام المجرم ما كطع الحصة انتوا كطعتوهة الله يكطع مجلس النواب ولكم لا هذي خبزة عيالنة ولكم ما نريد اليمغراطية اخذوها ونطونة حصة ولكم شلون نعيش بهل الضرف الكلش صعب
وحنة عيشتنة عاى الله وعلى الحصة
عمي ما نريد عنبة بقوها مثل ما جانت بوكت صديم
هنا صاحت الموضفة هذا شنو الحجي انت الضاهر بعثي لو عدو للديمقراطية لو ماسوني حرس ارموه خارج الوزارة
تقدم على كريم اثنين جحنتية واحدهم تكول ارنولد وشالوا كريم تكول ريشة وجلاق وشمروه بلشارع
سحب كريم سبابته وهو يحاجيهه ولج انتي السبب وعضهة الى ان دماها فصبغت هذه المرة بلون احمر
ركب راجع للقرية تلكوه الشيخ واهل القرية بشر يبو حاتم
سولف عليهم الي صار وصط ذهول تام للشيخ وافراد القرية
سحب كل افراد القرية سبابتهم ومن ضمنهم الشيخ الى اسنانهم وعضوا عليها الى ان ادموها فتلونت كل السبابات بلون احمر
وامر الشيخ ان حضار مصور واجتمع في الصورة التي التقطها لهم المصور لكن هذه المرة لون سبابتهم احمر وهم يرفعونها نحو السماء واحرقت الصورة المعلقة في المضيف لافراد القرية ايام الانتخاب وهم يرفعون فيها سبابات بنفسجية
وامر الشيخ ان تعلق الصورة الجديد بدل القديمة
ويقال ان العديد من القرى الفقيرة فعلت نفس الشيء بل بالغ احدهم ان هائولاء سيشكلون حزب يدعة حزب السبابة الحمراء وسيقومون بحملة اعلانية تنافس في الانتخابات القادمة حملة الاصابع البنفسجية
ويقال والعهدة على القائل ان النشيد لهذا الحزب سيكون الاغنية الفلكلورية يراحي اريد افركجن يراحي لما ادميجن
وسيكون هدف هذا الحزب عض قلبي ولا تعض خبزتي
الاخوة الاعضاء في مجلس النواب المحترمين اياكم ان تنسوا الفقراء الذين اوصلوكم لكراسي المجلس والاخوة اعضاء الكتل السياسية في مجلس النواب لاتجعلونا نصبغ اصابعنا حمراء ونعض عليها ندما لاننا انتخبناكم
تعليق