تويت
عظم الله اجورنا واجوركم بمصاب سيدنا وملانا ابي عبد الله الحسين عليه السلام
قصيده من وحي الذكرى الاليمه بحق ابي الفضل العباس عليه السلام
بحق الامام العباس عليه السلام
انتفض عباس واغضب شالته الغيره
وهّز الرايه بيده وعلن تفكيره
تمترس بالدرع والمهر يصهل گام
ولن عسكر يزيد اضطرب تفكيره
گضب سيفه ابيمينه وزلزل الصوبين
ربك جيش آل اميه وظلوا ابحيره
حمل عالميسره وعالميمنه وماهاب
ودرعه امن الغضب طگتْ مساميره
طبگ ذيچ الالوف وزاحهه امن الماي
وكشف شاطي الفرات وكل نواطيره
وهناك الگمر لمن وصل للماي
غرف غرفه وشمرهه ابحسن تدبيره
گال الماي اضوگه وگبل اخوي احسين
ابد هيهات عقلي ايخيب تفكيره
************************
*************************
مو هاذه انه طبعي وطبعي انا الوفاي
التزم عهدي واصونه ابكل حذافيره
كفو والنعم منك فارس وضرغام
خبط ميدان اميه وكل مضاميره
كمنوله ابغدر بس البطل ماهاب
ابسيف الموت اجاهه وضاگت الديره
وغدَتْ ذيچ الزلم تتطافر امن الخوف
وفرّت بين اديه ابفعل تطبيره
مهو العباس شبل البطل حيدر ذاك
يانبع العطاء المانشف بيره
ياذخر احسين يالبالموزمه مشهود
ياسر غامض چبير وصعب تفسيره
ياباب الحوائج والگصد ماخابْ
يرد بيده طلبته ازغيره وكبيره
***********************
***********************
علي البهادلي
ابو مرتضى