إعـــــــلان

**نصر المعموري** · 15-01-2008, 06:57 PM

عاشت الايادي وصح لسانك

**يحسين بضمايرنة** · 02-01-2009, 05:02 PM

شكرا لك حبيبي

**على الجريح** · 09-01-2009, 10:12 AM

انشدك جم جرح مجروح يحسين وبعد جم جرح زادت شيعتك بيك
وجم مره انكطع جفين عباس ولاسهم اليضدك يوم يخطيك
تتنطر فجر وايام للناس وناس الباعتك ماضنه تشريك
صارت قوس بيد العده ونصال وبلايه فكر متحزمه ترميك
ضنهم انته لجل الحضره مكتول وبيهم بالبجه من راد يبجيك
وبيهم قصتك منبع للاحزان ومنهم ماضي للاجداد يرويك
ماخبروا فكرهم انته لجليش ولاعرفوا حقيقة من يواليك
الوادم سيدي تدريه اشكال ولو ينحسب دمعه الراد يرثيك
وانته بكل ضمير الامه موجود بس ضاع الضمير وبقه طاريك
تقريبا ولامجلس يفضون اذا مايمر ذكر وخبر ناعيك
وبكلب اليسولف عنك اهموم وبين الناس بالموقف يباهيك
ويذكر ماجره بيوم من الايام يوم الصار بالطف من امكطعيك
وجنه يسولف اعليه وعلى الناس وهو يلاوذ بنيران اعاديك
وحته بالسوالف عالمليكين يجذب ضنته لمن يناديك
وحريص النقل عنك يكتب اوراق واضن هم معتقد بالورق يبنيك
ومنبر ثورة السجاد لليوم بي بس البجه ومانشدوا اعليك
وخطب يابو خطب من منبرك حيل واحاديث وصور واشرطه مسجليك
الزمن يمشي سنه والعدو بسنتين وبعدنه لهالوكت برمحك امعلكيك
مانزلنه راسك من علو الزان ولالمينه جرح العده الماذيك
ولاكبش الفده اسماعيل نفديه يااعظم ذبيح الهادي يهديك

صلوات على محمد وال محمد وعجل فرجهم والعن عدوهم............................................. ..............................