تويت
مئة بيت بحب آل البيت مهداة الى عميد آل البيت ابا عبد الله عليه وآله افضل الصلاة و وأزكى السلام وللعقيلة زينب بطلة القصيدة عليها وآلها الصلاة والسلام والى مولانا صاحب العصر والزمان عج
"لسان حال العقيلة زينب عليها وآلها افضل الصلاة والسلام"
"لسان حال العقيلة زينب عليها وآلها افضل الصلاة والسلام"
إللي خـَطَّط بإلسـَقيفه إهناك ... وِل نـَفـَّذ يـَزيد
شعر:فاديا الخفاجي
أمشي وإلرايات جانت تخفق إب حـُب إلشـَهيد
يـَللي مات اوقضى نـَحبـَه اوفـُرَح إب موتـَه يـَزيد
اُمـَر إب قـَطع إل رؤوس إلناس ذلـَّة ما تـِريد
جـَنـَّة مـَخلوقة لـَجـِل لـِحسين وإل رَحلـَه ..اووَليد
إلمات عـَطشان اوذَبيح ...اوفـَرفـَر إب كـَطع إلوَريد
وإلكـُمـَر كـِطعـَوا جـِفوفـَه اومات عطشان اوشـَهيد
صاح:آنـَه أشرَب وأخويـَه إحسين شـَربت مـَي يـِريد!
وإبنـَه ياوَجه إلنـَبي إلمـُصطفى شـَكله , إرتوى بيد
جدَّة محبوب الإله اومُضى مـَذبوح اوشـَهيد
كل رجال إحسين ماتـَوا ...ظـَل وَحيدِن... ظـَل فـَريد
لا مـُعين إيشيل عـَنـَّه... أي مـُناصر ظـَل يريد
يحمي هل أطفال, وَيـّاها إل نـِساوين...اويـِبـِيد
حَيلـَه... من يذكر أخوه إلمات ...وإل كـِطعولـَه ليد
اوغير ذاك ابو إلفـَضل حامي الخيـَم لا مايـِريد
لا مـُعين إيشيل عـَنـَّه..ظـَل يـِعاين من بـِعيد
شافْ اُختـَه إتـْصيح خويه إرجـَع ...بلاك آنـَه شـَفيد
لا تـِغيب ..إرجـَع يـَوالي ...عيشـَة بـَعدَك ما نـِريد
إتقـَرَّبـِت بـَسكوت مـِنـَّه كـَلّي "لا تخطي مـَزيد
لا تـِعـَذبيني يـَخـَيتي خل أموت آنـَه وَحيد
كافي لا تـِبجين... زينب ... إنتي مـِثلي إلهُم أريد
جيت أصلِح بس شـَسَوّي ...بـِل قـَضا نرضى أكيد"
ظالَّه ألطـُم من مـِجاني...جـَيته أركض من جديد
بس سـِبـَقني إلموت بيد إل أجرَب إل كـَص إلوَريد
وين عبّاس إليـِحامي كل نساوين إلشـَهيد؟
نار لـِهبت بـِل خيام إبكل كتر عِدنـَه شـَريد
كلنه أطفال اوأرامل والعطش بينه شـَديد
بينه سجّاد إلعـَليل اوبـِن حَسَن جَرحه شـَديد
نلطم اونِصرَخ "يـَخوي إرجَع... يـَحامي كل شَريد
جونه بالنار واوسـِيوف إملـَطـِّخـَة إبدَم إلوريد
حـِركـَوا إخيام إلنـِسا ... يحسين إنهض من جديد"
اوراس اُخوي إيشوف أهله إشلون تـِصرَخ من بعيد
يشتكي وإلشكوى لله اوراسه مـَكطوع اويـَه إيد
إبكل كـتر مـَشمور لـَحمه اوباقي مـَسلوب اوبعيد
جيتـَه أركض وأضرب إبراسي وأصارخ يا فـَقيد
يا إلهي إقبـَل وَلينه إحسين قـُربان اوشـَهيد
جاك هـَل يوم إل مـَصيرَه قـَلبـَه فرحان اوسعيد
كال "أوَدعـِج يا اُخـَيـَّة باجر آنه أمضي شهيد
كـِتلـَه لا تتركني وَحدي ,غيرك آنه شـِنهو أريد؟
ياهو لـِيحامي نـِسائـَك؟كيف نـُسبـى كلـعـَبيد؟
ياعــَمود إلبيت إنته...دنيه من بـَعدك صَديـــد
من بـَعـَد مـَجزَرَت آل أحمد إجونه بـِل حـَديد
شـَدشـِدونـَه او رَبـُّطونـَه اوسَلسـِونـَه كـَلعـَبيد
كِمنـَه بس نوكـَف نـِعاين عـَل نهر مـَنمـِدلـَه إيد
إشلون نروى اوذوله قتلى اوخُويه مـَحزوز إلوَريد؟
راد كم قطرة تـِسـِندَه ...اومات عطشان إلشـَهيد
من دَمِعنـَه فاضت إلدنيه اوحـِزنـَّه *ما يـِهيد (حزننا)
تركض إلطـِفلـَه لـَبوهـَه إترَوِّي بي ...بس ما يـِفيد
باقي بـَس سـَجـّاد يـَمِّي هل عـَليل إبن إلفـَقيد
اوظـَلـَّت إلصورة إب خـَياله اوجَرجـِروه مـِثل إلعـَبيد
إب جامْعـَه إنحَطَّـتْ رُكـُبتـَه* او صار للطاغين عيد..(رقبته)
وِل رؤوس إعلى إلرِماح اوآل بيتك يا شَهيد
بـِل قـِيود إمجـَرجـِرين ...اوكربـَلـَه صارت بـعيد
ضـُوَه هاي إلشـَمِس يـِصكـَع بـِينه ..وإلحَر هم شديد
جرجـِرونـَه للطـُغاة اوهـَل حـِزن لا موجديد
بس ظـُلـُم لـِحْسين هل تاريخ أبدَن ما يعيد
يوم لـِطفوف اوسـَبينـَه ماكو مثله شي أكيد
يومـَه ما يومن مـَثيلـَه اوكل سنه أحزانه نـِعيد
نـِنظـُرُب وإطبول تـِركـَع ...كل مـَسافة إلنـَه فـَقيد
اوراس أخويه عل رُمُح قرآن يـِقرَه من بعيد
نور كـُصتـَه إيضوي ليل اوناس وإبضـَربـَه تـِشيد
مايسئلون إلرؤوس إلمـَن!!! ...ولا إلمـَنظـَر يفيد!!!
مـَنـْكـِسَر اي كـَلـُب* بيهم!!!..وآنه اباوع من بعيد(قلب)
تالي جانه إنسان يبجي وإلخـِدَم هوَّه إلوَحيد
حزني من بعدك ...يبو عبدالله ...أبدَن ما يـِهيد
مُطرَت إلدِنيـَه دماء اوكـِلـَّه هاذَه ما يـِفيد
طِلعـَت إلتـَوم إلشـَمـِسنـَه اوكـِلـَّه هاذه ما يـِفيد
وِل صـَخـَر يبجي دماء اوكـِلـَّه هاذه ما يـِفيد
وإلسـِما إتكـَدرَت لـَجـِلنـَه ..اوبل خَـمُر يـِسبَح يزيد
ظـل يـِلـَعِّب بل قـُرُود اوخُويـَه مـَحزوز إلوَريد
عازم إلدِنيـَه إيتـِباهى...صار حاكم...سوّه عيد
كـِلـَّه كـَوم اوخـُويـَه كـَوم ..اوراسَه كـِدّامه إليـَزيد
يـِضـْرُبـَه إب عـُودَه إبشـِفاهه إلذابـِلـَه اويلقي نـَشيد
ينكـُر إرسالـَت رَسولي...إيـصير إمـام إلـهـُم يـِريد
إللي خـَطَّط هَل مـَجازر لآل أحمد مو يـَزيد
إللي خـَطَّط بإلسـَقيفه إهناك ... وإلنـَفـَّذ يزيد
مانسينه أحمد وَسـَمـَّه...مانسينه اُمْنـَه اووَليد
مانـِسينـَه إلوالي كـَرّار إلفـُقـَد حـَقَّه ...يـِريد
بس يـِحامي دين أحمد بـِل ليونـَه اوبـِل حَديد
هذا أمر الله قاتـَل بيه أمثالـَه إليـَزيد
بالطـفوف إيصيح عَمرو" ثـِئروا من قاتل عـَديد
ثوروا لـِل آباء ثوروا "...وإل نـَسَب واضح أكيد
كلهه من انساب كـُفـْر اوبـَس حُسين أشرفهـَه أكيد
بإلحـِقـِد جـَوِّي عـَلـَيـهِ اوكـَطـِّعـَوا راس إلعـَميد
وَينه سيفك يا عليّ إتصول او تـِخـَلـِّيهم ثـِريد؟
وين إنته من حـُسين إل صاح ناصر لي اُريد؟
وين إنتـَه من يـَزيد إل يلعـَب إبراس إل عـَميد؟
وين إنته من ضَرُب لـِشفاه وإثنايا الشهيد؟
وين إنته من ترك هـَل جـَسـَد مـَحزوز إلوَريد؟
باقي علتـِربان خويه إهناك مَسلوب إلفـَقيد
وين إنته من سبي نسوان وأطفال إلعـَميد؟
وين إنته من شـِمـِرْ مِن جـِثا عـَلـَه صَدر إلشهيد؟
وين إنتـَه من إجانـَه إحصانـَه حـَزنان اووَحيد؟
وين مَهدي إيثور إلنـَه ؟وين إنته يا طـَريد؟
يمته تاخذ ثار اُبوك اوشيعـِتـَه اوحِزنـَه إلشَّديد
يمته تاخذ ثار اُمـَّك فاطـِمـَه اوطـِفلـِن شـَهيد
اوثار عـَمـَّك مـُجتبى ...وِل راس كـَرّار إلشهيد
يمته تنصر دين أحمد...وإل كـِضـَوا بـِل سِم ؟وأريد
تـُطلـُب إلثار إل كـُفوف إمكـَطـِّعه إلفارس عـَتيد
وأطلُب إلثار إلنـِساوين إنسـِبـَن بـِمـْرَ تْ يـَزيد
إنريد نفرح ...طالت إلغيبه...مـِتـَه إنـحِس عِدنـَه عيد؟
شعر:فاديا الخفاجي
أمشي وإلرايات جانت تخفق إب حـُب إلشـَهيد
يـَللي مات اوقضى نـَحبـَه اوفـُرَح إب موتـَه يـَزيد
اُمـَر إب قـَطع إل رؤوس إلناس ذلـَّة ما تـِريد
جـَنـَّة مـَخلوقة لـَجـِل لـِحسين وإل رَحلـَه ..اووَليد
إلمات عـَطشان اوذَبيح ...اوفـَرفـَر إب كـَطع إلوَريد
وإلكـُمـَر كـِطعـَوا جـِفوفـَه اومات عطشان اوشـَهيد
صاح:آنـَه أشرَب وأخويـَه إحسين شـَربت مـَي يـِريد!
وإبنـَه ياوَجه إلنـَبي إلمـُصطفى شـَكله , إرتوى بيد
جدَّة محبوب الإله اومُضى مـَذبوح اوشـَهيد
كل رجال إحسين ماتـَوا ...ظـَل وَحيدِن... ظـَل فـَريد
لا مـُعين إيشيل عـَنـَّه... أي مـُناصر ظـَل يريد
يحمي هل أطفال, وَيـّاها إل نـِساوين...اويـِبـِيد
حَيلـَه... من يذكر أخوه إلمات ...وإل كـِطعولـَه ليد
اوغير ذاك ابو إلفـَضل حامي الخيـَم لا مايـِريد
لا مـُعين إيشيل عـَنـَّه..ظـَل يـِعاين من بـِعيد
شافْ اُختـَه إتـْصيح خويه إرجـَع ...بلاك آنـَه شـَفيد
لا تـِغيب ..إرجـَع يـَوالي ...عيشـَة بـَعدَك ما نـِريد
إتقـَرَّبـِت بـَسكوت مـِنـَّه كـَلّي "لا تخطي مـَزيد
لا تـِعـَذبيني يـَخـَيتي خل أموت آنـَه وَحيد
كافي لا تـِبجين... زينب ... إنتي مـِثلي إلهُم أريد
جيت أصلِح بس شـَسَوّي ...بـِل قـَضا نرضى أكيد"
ظالَّه ألطـُم من مـِجاني...جـَيته أركض من جديد
بس سـِبـَقني إلموت بيد إل أجرَب إل كـَص إلوَريد
وين عبّاس إليـِحامي كل نساوين إلشـَهيد؟
نار لـِهبت بـِل خيام إبكل كتر عِدنـَه شـَريد
كلنه أطفال اوأرامل والعطش بينه شـَديد
بينه سجّاد إلعـَليل اوبـِن حَسَن جَرحه شـَديد
نلطم اونِصرَخ "يـَخوي إرجَع... يـَحامي كل شَريد
جونه بالنار واوسـِيوف إملـَطـِّخـَة إبدَم إلوريد
حـِركـَوا إخيام إلنـِسا ... يحسين إنهض من جديد"
اوراس اُخوي إيشوف أهله إشلون تـِصرَخ من بعيد
يشتكي وإلشكوى لله اوراسه مـَكطوع اويـَه إيد
إبكل كـتر مـَشمور لـَحمه اوباقي مـَسلوب اوبعيد
جيتـَه أركض وأضرب إبراسي وأصارخ يا فـَقيد
يا إلهي إقبـَل وَلينه إحسين قـُربان اوشـَهيد
جاك هـَل يوم إل مـَصيرَه قـَلبـَه فرحان اوسعيد
كال "أوَدعـِج يا اُخـَيـَّة باجر آنه أمضي شهيد
كـِتلـَه لا تتركني وَحدي ,غيرك آنه شـِنهو أريد؟
ياهو لـِيحامي نـِسائـَك؟كيف نـُسبـى كلـعـَبيد؟
ياعــَمود إلبيت إنته...دنيه من بـَعدك صَديـــد
من بـَعـَد مـَجزَرَت آل أحمد إجونه بـِل حـَديد
شـَدشـِدونـَه او رَبـُّطونـَه اوسَلسـِونـَه كـَلعـَبيد
كِمنـَه بس نوكـَف نـِعاين عـَل نهر مـَنمـِدلـَه إيد
إشلون نروى اوذوله قتلى اوخُويه مـَحزوز إلوَريد؟
راد كم قطرة تـِسـِندَه ...اومات عطشان إلشـَهيد
من دَمِعنـَه فاضت إلدنيه اوحـِزنـَّه *ما يـِهيد (حزننا)
تركض إلطـِفلـَه لـَبوهـَه إترَوِّي بي ...بس ما يـِفيد
باقي بـَس سـَجـّاد يـَمِّي هل عـَليل إبن إلفـَقيد
اوظـَلـَّت إلصورة إب خـَياله اوجَرجـِروه مـِثل إلعـَبيد
إب جامْعـَه إنحَطَّـتْ رُكـُبتـَه* او صار للطاغين عيد..(رقبته)
وِل رؤوس إعلى إلرِماح اوآل بيتك يا شَهيد
بـِل قـِيود إمجـَرجـِرين ...اوكربـَلـَه صارت بـعيد
ضـُوَه هاي إلشـَمِس يـِصكـَع بـِينه ..وإلحَر هم شديد
جرجـِرونـَه للطـُغاة اوهـَل حـِزن لا موجديد
بس ظـُلـُم لـِحْسين هل تاريخ أبدَن ما يعيد
يوم لـِطفوف اوسـَبينـَه ماكو مثله شي أكيد
يومـَه ما يومن مـَثيلـَه اوكل سنه أحزانه نـِعيد
نـِنظـُرُب وإطبول تـِركـَع ...كل مـَسافة إلنـَه فـَقيد
اوراس أخويه عل رُمُح قرآن يـِقرَه من بعيد
نور كـُصتـَه إيضوي ليل اوناس وإبضـَربـَه تـِشيد
مايسئلون إلرؤوس إلمـَن!!! ...ولا إلمـَنظـَر يفيد!!!
مـَنـْكـِسَر اي كـَلـُب* بيهم!!!..وآنه اباوع من بعيد(قلب)
تالي جانه إنسان يبجي وإلخـِدَم هوَّه إلوَحيد
حزني من بعدك ...يبو عبدالله ...أبدَن ما يـِهيد
مُطرَت إلدِنيـَه دماء اوكـِلـَّه هاذَه ما يـِفيد
طِلعـَت إلتـَوم إلشـَمـِسنـَه اوكـِلـَّه هاذه ما يـِفيد
وِل صـَخـَر يبجي دماء اوكـِلـَّه هاذه ما يـِفيد
وإلسـِما إتكـَدرَت لـَجـِلنـَه ..اوبل خَـمُر يـِسبَح يزيد
ظـل يـِلـَعِّب بل قـُرُود اوخُويـَه مـَحزوز إلوَريد
عازم إلدِنيـَه إيتـِباهى...صار حاكم...سوّه عيد
كـِلـَّه كـَوم اوخـُويـَه كـَوم ..اوراسَه كـِدّامه إليـَزيد
يـِضـْرُبـَه إب عـُودَه إبشـِفاهه إلذابـِلـَه اويلقي نـَشيد
ينكـُر إرسالـَت رَسولي...إيـصير إمـام إلـهـُم يـِريد
إللي خـَطَّط هَل مـَجازر لآل أحمد مو يـَزيد
إللي خـَطَّط بإلسـَقيفه إهناك ... وإلنـَفـَّذ يزيد
مانسينه أحمد وَسـَمـَّه...مانسينه اُمْنـَه اووَليد
مانـِسينـَه إلوالي كـَرّار إلفـُقـَد حـَقَّه ...يـِريد
بس يـِحامي دين أحمد بـِل ليونـَه اوبـِل حَديد
هذا أمر الله قاتـَل بيه أمثالـَه إليـَزيد
بالطـفوف إيصيح عَمرو" ثـِئروا من قاتل عـَديد
ثوروا لـِل آباء ثوروا "...وإل نـَسَب واضح أكيد
كلهه من انساب كـُفـْر اوبـَس حُسين أشرفهـَه أكيد
بإلحـِقـِد جـَوِّي عـَلـَيـهِ اوكـَطـِّعـَوا راس إلعـَميد
وَينه سيفك يا عليّ إتصول او تـِخـَلـِّيهم ثـِريد؟
وين إنته من حـُسين إل صاح ناصر لي اُريد؟
وين إنتـَه من يـَزيد إل يلعـَب إبراس إل عـَميد؟
وين إنته من ضَرُب لـِشفاه وإثنايا الشهيد؟
وين إنته من ترك هـَل جـَسـَد مـَحزوز إلوَريد؟
باقي علتـِربان خويه إهناك مَسلوب إلفـَقيد
وين إنته من سبي نسوان وأطفال إلعـَميد؟
وين إنته من شـِمـِرْ مِن جـِثا عـَلـَه صَدر إلشهيد؟
وين إنتـَه من إجانـَه إحصانـَه حـَزنان اووَحيد؟
وين مَهدي إيثور إلنـَه ؟وين إنته يا طـَريد؟
يمته تاخذ ثار اُبوك اوشيعـِتـَه اوحِزنـَه إلشَّديد
يمته تاخذ ثار اُمـَّك فاطـِمـَه اوطـِفلـِن شـَهيد
اوثار عـَمـَّك مـُجتبى ...وِل راس كـَرّار إلشهيد
يمته تنصر دين أحمد...وإل كـِضـَوا بـِل سِم ؟وأريد
تـُطلـُب إلثار إل كـُفوف إمكـَطـِّعه إلفارس عـَتيد
وأطلُب إلثار إلنـِساوين إنسـِبـَن بـِمـْرَ تْ يـَزيد
إنريد نفرح ...طالت إلغيبه...مـِتـَه إنـحِس عِدنـَه عيد؟
تعليق