تويت
هذه القصيدة مهداة الى سيدي ابا الفضل روحي فداه
لسان حال سيدي ابا الفضل:
كـِل نـَزفي صار أحزان...من وَدَّعـِتني
شعر:فاديا الخفاجي
راح إلأمين إهناك.... وإبكربلا فات
واخته أسيرة إهناك.... بيدين شمـّات
إخوة اووِلـِدْ وأصحاب..... غابـَوا ول آهات
زادت ونين أحباب .....لحسين يـَلمات
ضـَلـّيت أنـَه أبـجي اوونيني
إيهـَيج إلحـِزِنْ ... وإمـْكـَطـِّعيني
جـِنـْت آنـَه لـَحـْمـِي* والمـُعيني(ال احمي)
نسوانه تـُسبى والبـَنيني
عبـّاس راح إبعيد.... لـِسـْقايَت إلماي
غاب او مِشـَه إلمولاه ... ويلي يمولاي
صاح إلبعيد إلغاب...." أفديك يـَهواي
وأكطع وريد إل إيد... يسرة وَيمناي
ياخويه أطفالك تـِنادي
عـَطشانـَه مابين إل أعادي
خلـّيني آنـَه أطلع وأنادي
خلـّيني أفـِش بيهـُم فؤادي
عطشان خوية أرويك.... دَمعات إل إعيون
وِل يـُعـْرُفـَك يـَحسين.... حـَيصير مـَجنون
اوعاشق إلك عـَبـّاس ....يـَوالي هـَلكون
وأصرخ مـَصيري اوياك.... يانور هلكون
ياخويه ماعوفـَك بـِلا إمعين
وإشلون أنقـِض عـَهدي لـِمـْتـِين
جـّدَّك شـَكـِللـَه مـِن يلاكين
ساعـَة مماتي إوكاسـَه يـروين؟
خويه محبتك هاي.... تِسلـِب هـَل إعقول
ليريد يكتل بيك.... بآخـِرتـَه شيكول؟
إل بـَينـَك اوهـَل ماي.... ياخويه دَيـحول
صَدِّكني خويه عـَل خـَشِم تاليتـَه مَسحول
ماحارَبـَك إلاّ إل زَنانـَه
والله لـَرَجـفـَنـَّه إب مـِجانـَه
خـَلـْني يـَخويه أحميك آنـَه
يـَحسين بيدي إنتـَه أمانـَه
شتفيد هَل كـَفـّين.... خوية إب غيابك؟
شيفيد ألطم حيل.... واترك مـُصابك؟
قلبي إنوجع خويه لـَجـِل ساعت غيابك
بايع أَنـَه إل دنياي.... فدوة إل تـُرابك
إشلون آنـَه أمشي وَفوتـَك
إتقاتـِل وَحيد اودون اُخوتك
لـَبجي دِمائي إعلى بـَلوتـَك
اوبـَلوَت عليّ اوبـَلوَت نـِسوتـَك
موبـِن علي إلكـَرّار.... إن ما أعينـَك
ماعاش ياخويه.... إلغـَبيّ ...إليطلب يهينـَك
شنهو يزيد إبن إلدَعي؟....آنـَه لعينـَك
جاك إلفتى عبـّاس .....فدوة إل بـَنينـَك
إنطيني فرصَه أثبـِت ولائي
ياخويه إرحـَم كـِبريائي
لافاسق آنـَه اولا مـُرائي
هاذي فـَرحتي ...اومو بـَلائي
وينك علي إلكـَرّار.... نطلب مَعونه
تـِحمـِل سلاحك سيدي اوتـِحمي أُخونـَه
لحسين مو بس لي أُخو...هوَّه أُُبونه
وإجفوفي راح إتروح.... فدوه إل عـِيونـَه
كرار شوف إبنك حـُسيناه
عطشان راد إشويَّت إمياه
وإل ماي موش إبعيد والله
وآنـَه إبمـِجاني إهنانـَه أنعاه
هذا إلجـَسـَد إن غاب وَصيتي يحسين
إتـْوَصـْل إعتذاري للخـِيـَم وَي دَمعـَت إلعين
جـَم آه يا خويـَه أحتـِمـِل...يانور نورين
هذي عقيله إتنوح ..صـَبـُّرهه يحسين
خـَيتي أنـَه مـَكدَر أجيكم
إحموا بوعبد الله وَليكم
نـَفذوا وصيتْ الله اونبيكم
صُبروا على قـَتلـَه اوسَبيكم
يـَللي ذِبـَحني إصراخ ...هذي إلنـِساوين
لأبجيك دم خويه حـُسين... اولـَنـْدِبْ إسنين
باقي وَحيد إتريد عون ....اوماتـِلاكين!!!
ياريت حيلي إللي مضى... يرجع وَلـِسنين
إلروس وإنحـَطـَّت عـَلـِرْماح
صوت إلنـِساء إب هل سـِمَه صاح
طاح إلـحـُسـَين اوهـَل جـَسـَد راح
راسـَه إنذِبـَح وإتـثـَخـَّن إجراح
ويلي عليك إحسين... يـَل ماعـِفـِتني
وإربيت بين إحماك...ماضـَيـَّعـِتني
إشلون أعوفك هيج... وإنتـَه رِدِتني
كـِل نـَزفي صار أحزان...من وَدَّعـِتني
وَحدي بـُقـيت اوعـَل نـَهـَر ذاك
أصرخ وَنوح اوأنعى بـَلواك
ياريت أحيا وَثـْرُم إعداك
إلسـِلبوك وإللي فـَيضـَوا إدماك
لسان حال سيدي ابا الفضل:
كـِل نـَزفي صار أحزان...من وَدَّعـِتني
شعر:فاديا الخفاجي
راح إلأمين إهناك.... وإبكربلا فات
واخته أسيرة إهناك.... بيدين شمـّات
إخوة اووِلـِدْ وأصحاب..... غابـَوا ول آهات
زادت ونين أحباب .....لحسين يـَلمات
ضـَلـّيت أنـَه أبـجي اوونيني
إيهـَيج إلحـِزِنْ ... وإمـْكـَطـِّعيني
جـِنـْت آنـَه لـَحـْمـِي* والمـُعيني(ال احمي)
نسوانه تـُسبى والبـَنيني
عبـّاس راح إبعيد.... لـِسـْقايَت إلماي
غاب او مِشـَه إلمولاه ... ويلي يمولاي
صاح إلبعيد إلغاب...." أفديك يـَهواي
وأكطع وريد إل إيد... يسرة وَيمناي
ياخويه أطفالك تـِنادي
عـَطشانـَه مابين إل أعادي
خلـّيني آنـَه أطلع وأنادي
خلـّيني أفـِش بيهـُم فؤادي
عطشان خوية أرويك.... دَمعات إل إعيون
وِل يـُعـْرُفـَك يـَحسين.... حـَيصير مـَجنون
اوعاشق إلك عـَبـّاس ....يـَوالي هـَلكون
وأصرخ مـَصيري اوياك.... يانور هلكون
ياخويه ماعوفـَك بـِلا إمعين
وإشلون أنقـِض عـَهدي لـِمـْتـِين
جـّدَّك شـَكـِللـَه مـِن يلاكين
ساعـَة مماتي إوكاسـَه يـروين؟
خويه محبتك هاي.... تِسلـِب هـَل إعقول
ليريد يكتل بيك.... بآخـِرتـَه شيكول؟
إل بـَينـَك اوهـَل ماي.... ياخويه دَيـحول
صَدِّكني خويه عـَل خـَشِم تاليتـَه مَسحول
ماحارَبـَك إلاّ إل زَنانـَه
والله لـَرَجـفـَنـَّه إب مـِجانـَه
خـَلـْني يـَخويه أحميك آنـَه
يـَحسين بيدي إنتـَه أمانـَه
شتفيد هَل كـَفـّين.... خوية إب غيابك؟
شيفيد ألطم حيل.... واترك مـُصابك؟
قلبي إنوجع خويه لـَجـِل ساعت غيابك
بايع أَنـَه إل دنياي.... فدوة إل تـُرابك
إشلون آنـَه أمشي وَفوتـَك
إتقاتـِل وَحيد اودون اُخوتك
لـَبجي دِمائي إعلى بـَلوتـَك
اوبـَلوَت عليّ اوبـَلوَت نـِسوتـَك
موبـِن علي إلكـَرّار.... إن ما أعينـَك
ماعاش ياخويه.... إلغـَبيّ ...إليطلب يهينـَك
شنهو يزيد إبن إلدَعي؟....آنـَه لعينـَك
جاك إلفتى عبـّاس .....فدوة إل بـَنينـَك
إنطيني فرصَه أثبـِت ولائي
ياخويه إرحـَم كـِبريائي
لافاسق آنـَه اولا مـُرائي
هاذي فـَرحتي ...اومو بـَلائي
وينك علي إلكـَرّار.... نطلب مَعونه
تـِحمـِل سلاحك سيدي اوتـِحمي أُخونـَه
لحسين مو بس لي أُخو...هوَّه أُُبونه
وإجفوفي راح إتروح.... فدوه إل عـِيونـَه
كرار شوف إبنك حـُسيناه
عطشان راد إشويَّت إمياه
وإل ماي موش إبعيد والله
وآنـَه إبمـِجاني إهنانـَه أنعاه
هذا إلجـَسـَد إن غاب وَصيتي يحسين
إتـْوَصـْل إعتذاري للخـِيـَم وَي دَمعـَت إلعين
جـَم آه يا خويـَه أحتـِمـِل...يانور نورين
هذي عقيله إتنوح ..صـَبـُّرهه يحسين
خـَيتي أنـَه مـَكدَر أجيكم
إحموا بوعبد الله وَليكم
نـَفذوا وصيتْ الله اونبيكم
صُبروا على قـَتلـَه اوسَبيكم
يـَللي ذِبـَحني إصراخ ...هذي إلنـِساوين
لأبجيك دم خويه حـُسين... اولـَنـْدِبْ إسنين
باقي وَحيد إتريد عون ....اوماتـِلاكين!!!
ياريت حيلي إللي مضى... يرجع وَلـِسنين
إلروس وإنحـَطـَّت عـَلـِرْماح
صوت إلنـِساء إب هل سـِمَه صاح
طاح إلـحـُسـَين اوهـَل جـَسـَد راح
راسـَه إنذِبـَح وإتـثـَخـَّن إجراح
ويلي عليك إحسين... يـَل ماعـِفـِتني
وإربيت بين إحماك...ماضـَيـَّعـِتني
إشلون أعوفك هيج... وإنتـَه رِدِتني
كـِل نـَزفي صار أحزان...من وَدَّعـِتني
وَحدي بـُقـيت اوعـَل نـَهـَر ذاك
أصرخ وَنوح اوأنعى بـَلواك
ياريت أحيا وَثـْرُم إعداك
إلسـِلبوك وإللي فـَيضـَوا إدماك